فتاة الميتم وأحببت مقدم

البارت الثامن

اتمددت عل جرباية واني أفكر ليش الكلادة يم أمير
وليش مكالي عليها معقولة ناسيها لو هوه متقصد
ظليت اغرك باحلامي الوردية لحد منمت كعدت ثاني
يوم نفس كلشي الشي المختلف بس اغير ملابس
يعني نفس الروتين حياتي ملل صارت علاقتي بأمير
كلش قوية اذا مشفتة بالجامعة اشوفة بالمطعم
القسم كلة لاحظ علاقتي بأمير وطلعوا اشاعات تعرفون
سوالف البنات اذا مشيتي ويه واحد عاجبها مستعدة
تطعن بشرفج يعني واصلين للهل مرحلة اني الصراحة
بالبداية جنت اتأثر من كلامهم واكثر من مرة كطعت
علاقتي بأمير بس مكدرت تعرفون الطريق المدور
يعني لو شكد مالف واروح همين ارجع اشوف أمير
كبالي احس أمير صار جزء مني من اسولف واحجي
وياه احس بالأمان يعني اني انطوائية بس شخصيتي
تختلف من اشوف أمير مادري شصار بية بالبداية
جنت اتخبل منة وماطيقة وهسة ماطيق يومي بدونة
المهم خليني اسولفلكم على اهم يوم بحياتي طلعنة
من المحاظرة اني وأمير داروح للسكن
أمير.. اليوم بل ٩ بليل انتظريني بحديقة السكن
شجون.. بالحديقة مال سكن بس ميصير تفوت للسكن
أمير.. معليج بس انتظريني
شجون.. تمام
بوكتها جان الجو شتة يعني شوية باردة كملت شغل
من المطعم رجعت للسكن صعدت للغرفة بدلت لبست
ملابس عادية يعني بجامة وتيشيرت باوعت عل ساعة
بل ٩ الصراحة جنت ميتة تعب ومابية حيل اغير ملابسي كلت يعني هوه شيريد بهليل ميباوع علية
هيج فكرت لميت شعري ونزلت الدنية جان مغيمة
ويه حظي كامت تنكط طليت واكفة انتظرة جان
يجي أمير واني واكفة اطكطك من البرد تعرفون من
تمطر يبرد الجو واني ممتعوده البس شي ثخين
المهم اجة أمير وجرني بنص المطر
شجون.. لا أمير تعال نوكف هنا بارده احجي وسنوني
يتصككن
أمير.. مادام هاي اول مطره بفصل الشتة لازم اخليها
ذكرى
شجون.. وشراح تسوي يعني
أمير.. شجون صارلي هواي أريد اكلج بس خايف من
ردة فعلج انتي مختلفة عن البنات بكلشي واني هسة
علمود اكلج وارتاح لأن تعبت مدانام من وراج وين
مادير وجهي افكر بيج حتى باحلامي دطلعيلي
مداتحمل ابقى يوم واحد بدونج
أمير يحجي واني صافنة واباوع المطر نكعنة اثنيناتنة
أمير.. شجون اني احبج وأريد اكمل حياتي وياج
ظليت مصدومة مادري شنو المشاعرة الي حسيت بيها
فرحة على حزن على برد مادري اتلخبطت مشاعري
ظلينة بلحظة صمت بسمع بس صوت المطر
أمير.. ليش سكتي جاوبيني حتى لو متحبيني جاوبي
أريد اسمعها منج
شجون.. أمير الي سمعتة صحيح لو انتة دتشاقة
أمير.. يعني جايج بهليل ومخاطر لاتطلعنة وحده من السكن تسوينا شهيرة وتكولي تشاقة اني حبيتج من
بقيت وياج بالمستشفى بس جذبت نفسي كلت لا
ماكو هيجي شي بس بعد ماكدر اجذب نفسي اكثر
والكل لاحظ علاقتنة شجون اني اريدج الي دتفهميني
اني مدشاقة أريدج شجون
الصراحة اني انصدمت من كلامة واني عبالي احبة من
طرف واحد لأن ابد مبيلي هوه يحبني يعني مبينة
علاقتنا صداقة ابد مبين ظليت صافنة معرفت شجاوب طار الكلام من عندي
أمير.. هاا كولي يلا شنو رائيج
شجون.. ااه يعني ااا اني هم احبك
من كتلة هيجي حظني حيل احس روحي اختنكت
شجون.. أمير وخر اختنكت
أمير.. هاا يي اعتذر
شجون.. تعال نكعد عل درج ماكو هناك مطر
كعدنا عل درج واثنيناتنة مستحين يعني كلت لنفسي
شبسرعة مصدكتي كبل كلتيلة احبك منتظرتي يوم
يومين كلت هسة يكول هاي ممصدكة كتلها احبج
أمير.. عادي الزم ايدج
شجون.. ههههه يي عادي
أمير.. ليش تضحكين
شجون.. اول مرة اشوف واحد يستئذن
أمير.. يعني عيب علية الزم ايدج بدون ماكلج هسة
تكولين علية هذا مو محترم واني مقبلها على نفسي
الا اذا جنتي انتي راضية
شجون.. تمام
تشابكت أصابع ايدي وية ايد أمير الصراحة شعور الأمان عندي ارتفع اتمنى ايده متعوف ايدي ظلينة
كاعدين نباوع عل مطر
شجون.. أمير عادي اسئلك سؤال
أمير.. يي كولي
شجون.. مم جنا اني وياك كاعدين بالمطعم
أمير.. يي
شجون.. انتة كمت رحت تغسل وعفت محفظتك عل
طاولة
أمير.. يي
شجون.. جانت طالعة من المحفظة سلسلة مال كلادة
أمير.. يي صحيح
شجون.. مال منو الكلادة
أمير.. مالتج
شجون.. مالتي شتسوي يمك سويت نفسي مادري أريده يحجي لأن الفضول اكلني
أمير.. من بقيت يمج بالمستشفى جان عندي شغل بغداد بوكتها مو اكيد ارجع هنا فكلت خلي اخذها حتى
كلما اشوفها اذكرج
ظليت صافنة ماعرف شجاوبة يعني هيج صدك هلكد
يحبني مداصدك انحرمت من كلشي يعني هسة رب
العالمين راح يعوضني على كلشي
شجون.. شكد الساعة هسة أمير
باوع عل ساعة
أمير.. ساعة بل ١١ ونص
شجون.. ياا شبسرعة محسينا بية
أمير.. يي هوه هذا حظي الوكت يركض ركض من اشوفج واكعد وياج
شجون.. يلا لازم تروح ترتاح اني هم شوية ارتاح
من الدراسة باجر جمعة احلا إيام الاسبوع
أمير.. عندج مجال باجر نطلع
شجون.. وين نطلع
أمير.. اكو مكان حلو نروح هناك
شجون.. مادري والله
أمير.. تمام لعد باجر ساعة ١ انتظرج
شجون.. شعندك هيج من وكت
أمير.. يعني اشوفج ساعة ب٣ وانتي بل ٥ عندج شغل
شجون.. تمام
أمير.. تمام يلا تصبحين على خير
شجون.. وانتة من اهلة
راح أمير ظليت اباوع علية لحد مختفى ظليت واكفة
مادري شمنتظره جان ويه المطر يصير رعد سويت
الدرج مال طابقين يمكن اربع درجات اصعد بدية ورجلية كلش اخاف من صوت الرعد عندي فوبيا
منا من اني وصغيرة كلش اخاف منة طبيت للغرفة
مال السكن لكيتها ظلمة البنات نايمات اني هم رحت
بدلت ملابس لأن تنكعن نشفت نفسي ولبست ونمت
احلا نومة انامها بحياتي احس روحي مرتاحة كلش
كعدنا ثاني يوم اني والبنات سوينا ريوك وكعدنا
سوالف وضحك كملنا سوينا تنظيف للغرفة أحنة كل
جمعة لو سبت نظف الغرفة يعني حتى ملابسنة
نطشرهن ونرتبهن مرة ثانية يعني هيج نتعاون ندل
الفرشات مال الجرباية خلصنة التنظيف ساعة بل ١١
الصبح مخلينة شي كل وحده لزمتلها شغلة اني سويتلهم غدة ولارا غسلت الملابس ولين مسحت
الغرفة وعطرتها باوعت عل ساعة ب١٢ ونص وأمير
كلش دقيق بمواعيدة طبيت سبحت تعرفون من
تطبخون تصير بيكم ريحة مال طبخ وهيج كملت
وطلعت لبست فستان لو وردي فاتح ونشفت شعري
وشلته كباية حلوة يعني مرتبة مو هوسة ولبست
كلادة بيها لؤلؤه تصير كلادة وتراجي كلش حلوة
وبسيطة ولبست حذاء ابيض
لين.. هاا وين رايحة 😉
شجون.. أمير عازمني
لين.. صاير هاليومين يعزمج هواية 😉😉
شجون.. اكلكم بنات على شي بس ماريد احد يعرف
بية لأن تعرفون الإشاعات الي علينة
لارا.. كولي خير
شجون.. البارحة أمير اعترفلي
لارا.. صدك
لين.. عليج الله صدك تحجين
كامن حظنني وفرحن احسهن صدك خواتي
لين.. يعني بعد كم يوم نكلج عروسة
شجون.. لا هوه مفتح هيج موضوع بعد
لارا.. لين عوفيها للبنية تستحي يمة فدوه اول عروسة
راح نطلعها من السكن
حطيت عطر ونزلت ركض لكيت أمير منتظرني بالسيارة ركبت وياه
أمير.. شنو هلجمال الله من انطاج جمال بنات عمي
وين جانن
شجون.. ههههه
أمير.. فدوة للضحكة
شجون.. كافي أمير ترى ممتعودة احد يتغزل بية
أمير.. لازم تتعلمين منا وغاد لأن راح اشبعج
شجون.. يي انشاءالله اتعلم 😅
وهنا وصلنة لنهاية البارت التصويت كلش قليل ميسوي
واهس اكمل القصة اذا تريدون أكملها صوتوا وتابعوني.