فتاة الميتم وأحببت مقدم

البارت الاحد عشر

كعد على حس صياح باوعت ضلمة كلشي ماشوف
بس ضوء شوية داخل من جوه الباب اباوع على
ايدي ورجلي مربوطة وحلكي شادي بوصلة ماكدر
احجي اعيط وصوتي ممسموع ظليت كاعدة ابجي
ماكو شي أكدر اسوي وظلمة كلشي ماشوف اني صافنة
بالكاع وابجي جان تنفتح الباب اجة الضوء بعيني
مكدرت اباوع فتحت تك عيني اشوف واحد واكف
وراه الانعكاس مال الضوء يعني مكدرت اشوف ملامحة
بالأول بعدين اتقرب شافني كاعدة
... واخيراً كعدت الحلوة
اني اباوعلة بشمئزاز
... شوفي من الاخير صير حبابة ولاتصيرين وكحة
لأن الوكاحة هنا متفيدج تمام ياحلوة
اني منطيت اي ردة فعل
... راح اشيل هذا من حلكج وماريد صوتج يطلع بس
تردين على اسئلتي
شالها من حلكي واني كمت اصيح اميييييررررر
اميييييررررر
جان يرجع يربطها على حلكي
جان يلزمني من شعري حيل يجره بيدة
... اني شكتلج اني متمشين بالعيني واغاتي وبعدين
ترى ماكو أمير هنا الموجود هنا بس اني وانتي تمام
اني من كال بس اني وانتي لزمتني الرجفة خفت
... راح اشيلها وصيري حبابة وجاوبيني
شالها واني ظليت ساكتة محجيت خفت منة مهما يكون بيقى هوه ولد وأقوى مني واني كلت خلي اجفى
الشر واسكت
شجون.. انتة شتريد مني
... احنة ماعدنة شي وياج بس انتي راح تساعدينة
كوسيلة حتى نخلص من أمير
شجون.. يعني شنو تخلص من أمير
... يعني نكتلة ونخلص منة
شجون.. شنو لا لا الله يخليك عوفة هوه مسوه شي
... والله الاستاذ أمير محظوظ انتي مخطوفة وكاعده
ادافعيلة
سكت بس صوت شهكاتي تنسمع
... شوفي راح اسئلج وأريد تجاوبيني
سكتت محجيت
... شنو التعرفية على أمير
شجون.. ماعرف شي
جرني من شعري حيل
... داكلج شنة التعرفية على أمير جاوبي
شجون.. عوفني ماعرف شي
كام يجر حيل بشعري
... متعرفين شي موو لعد ليش ادافعيلة ليش أمير
النهار كلة وياج لاجذبنين وجاوبيني
ديحجي جان تنفتح الباب ويفوت واحد
... هاا كعدت
... يي بس متقبل تحجي شي
... عوفها واطلع اني اعرف اشلون احجيها
... لاتتصرف بسخافة ترى ابو حرب كال لاتسولها شي
... هسة انتة شعليك اطلع منها
طلع الولد الأول وطب الثاني
... متقبلين ياحلوة تحجين موو
اني بس اباوع والدموع نتزل عشرة عشرة واكول وينك
أمير شوف شديسون بية
قرب ايدة وخر شعري من وجهي اني درت وجهي حيل
... شوفي ترى احنة هسة بمكان مكطوع ومابية بشر
بس احنة التلاثة واذا سويت بيج شي محد راح يدري
دتفهميني فاحترمي نفسج واجي كلشي تعرفية بخصوص أمير زين
اني كلت ماكو غير حل واحد باوعت على الغرفة مابيها
حمام وهية مو غرفة يعني شلون الكرفان هيج
هزيت براسي فكه من حلكي
شجون.. أريد اروح للحمام
... مو كلها هسة احجيلي اول
شجون.. ماكدر أريد اروح للحمام
... راح اخليج تروحين بس دربالج تسوين سالفة منا
منا لأن المنطقة مكطوعة ومحد راح ينقذج ترى
فك ايدي ورجلية وجرني من ايدي حيل وفتح الباب
جانت الدنية ليل وبس صوت الكلاب الزرع مسموع
... وين ماخذها
... تريد تروح للحمام
... انتبه
... يي يلا امشي
جرني حيل اباوع المنطقة شبة صحراوية يعني بيها
زرع وحشائش طويلة بس مبينة بعيدة كلش وماكو
احد بيها
... يلا فضيني
شجون.. شنو فضيني وين الحمام
... ماكو حمام سوي هنا
وداني على مكان كله زرع طويل
شجون.. لعد اندار ولاتباوع
... هاا يلا مكملتي
شجون.. ترى بعدني
اني شفتة اندار كمت امشي على أطراف رجلية لان
صوت الزرع من تمشون علية يطلع صوت عالي باوعت
اني شوية بعدت علية كمت اركض حيل بأقوى ماعندي
جان اسمع بس صوت الطلقات متعرفون منين تجي
ظليت اركض لحد موصلت لشارع العام واني مخبوصة
من صوت الطلقات محسيت الا وسيارة دفعتني طيرتني بعد محسيت بشي
كعدت على ضربات على وجهي فتحت جان اشوف
رجعوني بنفس المكان
... تريدن تنهزمين موو والله لخليج اتموتين من الجوع
والعطش
شجون.. انتو شتريدون مني عوفني الله يخليكم
اني داحجي جان يطب الي اسمة ابو حرب
جان يكوم هذا الكاعد وطلع بسرعة كعد هذا ابو حرب
بس مغطي وجها وجان حيل ضخم وعيونة وحواجبة
يعني ملامحة الظاهرة حادة كلش وتخوف
ابو حرب.. تصدكين مشايف بحياتي بنية بجرائتج
ظليت ساكتة محجيت
شجون.. يعني هسة انتة شتريد
ابو حرب.. لج اني من يجبون اسمي تهتز الشوارب وتجين انتي تحجين وياية هيج بس اني احب الابنية
الجريئة مثلج
عافني وطلع واني كعدت ابجي واكول بس لا سوى شي لأمير جان تفكيري كلة بيه جسمي كله ياذيني
من ضربتة السيارة من الوجع مال جسمي اني وايدة
مربوطة ورجلية اتمددت بالكاع ونمت محسيت بروحي
الا على ظربة على وجهي
... كومي اكلي اني لو علية ماجيبلج لا ماي ولا اكل
بس ابو حرب أمرنا ننطيج
شجون.. فك ايدي
فك ايدي وطلع قفل الباب اكلت جنت ميتة من الجوع
وشربت البطل مال المي كلة فتحت رجلية بسرعة وكمت ادور على اي شي بالغرفة لكيت كزازة بزاوية
الغرفة اخذتها بسرعة ورجعت شديت رجلي وكعدت
وره شوية فتح الباب واجة شد ايدية ديشد حلكي
شجون.. الله يخليك لاتشد حلكي والله ماعيط ولااحجي شي لأن ماكدر اتنفس عدل داختنك اني
عندي ربو
... تمام بس ماسمعلج حس
طبعاً اني ماعندي ربو بس كلت هيج حتى ميربط حلكي
طلع من الغرفة كلت اليوم باليل افتح نفسي وانهزم
الغرفة مليانة اخشاب وحديد يعني اخذ حديدة واضربه بيها وانهزم هذا الي جنت مفكرتة ظليت
منتظرة لحد متصير دنية ليل جان يدخل الغرفة
الي اسمة ابو حرب
ابو حرب.. هاا اليوم كاعدة عاقلة
شجون.. ماكو امل اطلع منا استسلمت للأمر الواقع
ابو حرب.. شاطرة اريدج هيج تفكرين وبعد مستسلمتي
اريدج تكليلي أمير شيصير منج
شجون.. أمير حبيبي
ابو حرب.. أمير حبيبي موو
شجون.. ي
بعدني ممكملة كلامي جان يجيني ذاك الراجدي الي
زرف طبلة اذاني ظليت مصدومة مادري شكول
شجون.. انتة منو حتى تمد ايدك علية لو انتة رجال
متمد ايدك على مرة تفوو عليك
هنا كام شالني من مكاني وشمرني حيل وكام يعيط
صوتة يخرع واني حاطة ايدي على وجهي خايفة
منا اجة اتقرب مني راد يضربني جان تنفتح الباب
... ابو حرب عرفنة مكان أمير
جان يشرلي باصبعة
ابو خرب... لا عبالج نسيتج راجعلج
ظليت كاعدة ابجي مادري شسوي زحفت لنفس المكان
الي جنت بية لكيت الكزيزة بعدها اخذتها وفتحت نفسي بسرعة فتحت الباب اول مرة منفتحت بعدين
جريتها حيل انفتحت طلعت ملكيت احد ظليت اركض
حيل جان اشوف واحد منهم ديقضي حاجتة من بعيد
ختلت بين الزرع لحد مشفتة راح ظليت امشي بين
الزرع لحد مطلعت على الشارع الرئيسي كمت امشي
لحد مطلع الفجر وماكو ولا سيارة واني دامشي
بتعب وميتة عطش جان اشوف سيارة معلوكة كل
الأظوية مالتها رحت بدون وعي اركض عليها الجامات
مالتها مظللة وكفت دكيت الجامة نزل الجامة وانصدمت طلع نفسة ابو حرب مادري منين طلعلي
ركضت بسرعة جان ينزل من السيارة ويجرني حيل
يركبني السيارة .....
وصلنة لنهاية البارت مو تنسون التصويت والمتابعة
وتصبحون على خير...