فتاة الميتم وأحببت مقدم

البارت التاسع

حرك السيارة أمير وتقريباً نص ساعة يلا وصلنة
للمكان اكو بالمحافظة الي احنة ساكنين بيها مكان
اثري كلش حلوو واني احب هيج سوالف نزلنة
وأمير ظل يشرحلي شنو هذا المكان اتمشينة واكلنة
واتونسنة هيج فجأة دنتمشى
أمير.. شجون امشي خلي اوصلج بسرعة
شجون.. شبيك أمير شكو شصار
أمير.. داكلج امشي بسرعة خلي اوصلج
شجون.. أمير شبي
بعدني ممكملة كلامي جان يجرني من ايدي حيل
وركبني السيارة وسد الباب حيل وركب وشغل السيارة
أريد افتهم شديصير أمير كام يسوق سريع باوعت
ورانا اكو سيارة دتمشي هم سريع
شجون.. أمير فهمني شكو
احجي وشفتي اطكطك خايفة مادري شديصير
أمير ديسوق جان تجي ذيج الطلقة الي كسرت الجام
مال مقاعد الخلفية عطت عيطة
أمير.. نزلي جوه بسرعة
يحجي ويعيط اني نزلت كعد جوه الكرسي وابجي
كلت هذا اخير يوم بحياتي اباوع على أمير يروح
بسيارة منا منا واني ميتة خوف وابجي وارجف
اشتغلت الطلقات على السيارة مال أمير خفت
على أمير لاتجية طلقة وابجي واعيط وأمير يسكت
بية طلع أمير المسدس مالتة من الصندوك الصغير
وكام يضرب عل سيارة واني مابيدي شي بس اباوع
وابجي زادت الطلقات عل السيارة مال أمير والجامات
كلهن وكعن على ايدي وايدي كامت تخر دم وجهي
هم كام ينزف يعني الجام وكع علية أمير هم اتأذه
وجنت ادعي ربي أمير متجي طلقة إلى واني دافنة
راسي بين رجلية وحاطة ايدي على اذاني سمعت
طلقة كلش قريبة فأتت من فوك راسي جان سيارة
أمير توكف رفعت راسي باوعت قميص أمير من يم
ايدة كلة دم كمت ابجي واشاهك رفعت راسي شفت
السيارات راحن والمنطقة الي احنة بيها بعيدة يعني
بعيدة كلش شفت أمير ميكدر بعد حتى يسوق
شجون.. أمير أمير باوع علية انتة مراح يصيرلك شي
مو أمير
أمير ميكدر حتى يحجي يعني ماعدا ايده متئاذي
من كل مكان بجسمة واحنة بمنطقة مكطوعة
شجون.. أمير حاول تبقى كاعدة هسة اشوف احد
يساعدنة احجي والشهكة مالية كلامي والرجفة
والبجي واني ايدية وجهي ينزفن دم نزلت من السيارة
وماكدر امشي رجلية ترجف امشي وابجي وأريد
سيارة تجي ظليت امشي اكثر من ثلث ساعة جان
تفوت سيارة وكفت كبالها رحت ادك عل جام فتح
الجام ولد شاب
شجون.. الله يخليك ساعدنة ماكو احد هنا
احجي وابجي
الشاب.. شكو شصاير تعالي صعدي
شجون.. هناك خطيبي تصوب بس أريد اوصلة للمستشفى 
الشاب.. صعدي بسرعة خلي نروحلة
مشى بسرعة الولد وصلنة للسيارة مال أمير نزلت لكيت
أمير يفتح ويسد بعينة
شجون.. أمير راح اخذك للمستشفى لكيت احد يساعدنة
فتحت الباب ونزلت أمير انتجى علية وركبت بالسيارة
وكعدت يمة ابجي
شجون.. الله يخليك امشي سريع
خطية الولد كام يمشي كلش سريع لحد موصلنة للمستشفى اني والولد نزلنة أمير بسرعة دخلوه للطوارئ
طببوة للغرفة وكالولي ممنوع تفوتين ظليت كاعدة
برة ابجي واشهك اجتي علية ممرضة كالتلي كومي
ايدج دتنزف خلي اظمدها الج كتلها عوفيني مو هسة
ماريد كلشي بس أريد اطمن على أمير طلعت الدكتورة
شجون.. هاا شبي أمير
الدكتوره.. مابية شي خدش بسيط بس هواي خسران
دم
شجون.. يعني هسة شلونة
الدكتورة.. الحمدلله حالتة مستقرة بس خلي يرتاح
شوية
شجون.. أكدر اشوفة
الدكتورة.. لا مو هسة خلي يرتاح
ظليت كاعدة جان تجي ممرضة ثانية جان تكلي ترة
اذا تبقين هيج تموتين امشي وياية أضمدج
رحت وياها ضمدت ايدي وحطتلي لزكات لوجهي
كمت رحت للحمام مسحت وجهي بال مي ماكدر
اغسلة وعدلت شعري ورحت للغرفة الي بيها أمير
وياه اثنين همين بالغرفة رحت كعدت يمة جانوا
منطي مهدء ظليت كاعدة وابجي لحد مكعد أمير
مسحت دموعي بسرعة
شجون.. هاا أمير دتحس بشي اكو شي يوجعك
أمير.. مابية شي إنتي اتاذيتي
شجون.. لا مابية شي اني
أمير.. مردت اخليج بهذا الموقف
شجون.. أمير منو هذولة الناس ليش ديسون هيج
أمير.. اني جيت من بغداد لهنا لأن اكو ولد بالقسم
مالتكم يبعون مخدرات لباقي الأقسام وهذولة الي
رموا علينة همة الي يسلموهم البضاعة وعرفوا اني
ضابط من بغداد
شجون.. أمير ليش تعرض نفسك للخطر
أمير.. شلون غير هذا شغلي هيج
شجون.. بطل عادي بسيطة ترة
أمير.. ماكدر اني بنيت نفسي على هذا الأساس
شجون.. تدري اليوم ردت اخسرك يعني هذا ميكفي
كمت ابجي
أمير.. كافي شجون لاتبجين كدامي ماتحمل والله
شجون.. خلي اروح اشوف شوكت اطلعك من المستشفى
أمير.. روحي للسكن اني ارجع
شجون.. ماكدر اعوفك أمير
أمير.. شجون بس
شجون.. الله يخليك لاتحجي اني اعرف اتصرف اني مو طفلة
رحت للدكتورة الي عالجت أمير
شجون.. دكتورة شوكت يطلع أمير من المستشفى
الدكتورة.. يا أمير
شجون.. الي هسة قبل شوية عالجتي
الدكتورة.. من يكعد خلي يطلع وانتظري خلي اكتبلج
علاج اله
شجون.. تمام
الدكتورة.. ميصير أمير يغسل جسمة لازم يمسحة
بالماي لحد ميلتم الجرح
شجون.. يي
الدكتورة.. ولازم يومية تغيرلة الظماد
شجون..يي
الدكتورة.. وهاي العلاج وكت بوكته ولازم ياكل معلاك
وأشياء تعوض الدم الخسره تمام
شجون.. تمام
كتبتلي علاج لأمير اخذتة ورحت كملت الأوراق ورحت
على أمير بالغرفة كومتة ولازمتة وامشي
أمير.. شكالت الدكتورة
شجون.. كالت ميصير يغسل جسمة لازم يمسحة
ولازم تاكل زين ولازم تغير الضماد يومية وهذا العلاج
لازم وكت بوكته
أمير.. يمكن راح ارجع لبغداد
شجون.. وين تكدر وهاي حالتك
أمير.. لعد ماكدر اني كاعد بشقة وحدي اروح لبغداد
هناك امي واختي يمي
شجون.. ماعندك صديق هنا يساعدك
أمير.. لا ماعرف احد
شجون.. لعد اني يومية اجي اضمدلك وانطيك العلاج
وارجع
أمير.. راح تظلين رايحة وجاية والجامعة والشغل مالتج
شجون.. أمير معليك كلشي يدبر بس امشي
طلعت اني وأمير ركبنا تكسي مشت السيارة شفت
صيدلية بالطريق
شجون.. بلازحمة وكف السيارة هنا
أمير.. ليش وين نازلة
شجون.. اجيبلك العلاج
أمير.. مدي ايدج بجيبي
شجون.. ليش
أمير.. شنو ليش اخذي المحفظة
شجون.. لا شايلة
أمير.. شنو السالفة اخذي المحفظة ولاتعاندين
مديت ايدي بجيبة وطلعت المحفظة ونزلت انطيت
الراجيتة للولد انطاني العلاج واشر علية وفهمني
صعدت بالسيارة وأمير دل ابو التكسي عل عنوان
الشقة مالتة وصلنة ونزلت أمير وصعدنا وكلي طلعي
المفتاح من جيبي وفتحيها اخذت المفتاح وفتحتها
للشقة ونزعنة الاحذية وطبينا ظليت اباوع عل شقة
الي يشوفها ميكول شقة مال واحد كاعد وحدة يعني
مأثثة اخر اثاث والشقة مرتبة ونظيفة يعني طببت
احمد للغرفة انصدمت الغرفة من هاي الغرف التركية
مال العرسان تعرفوها امل نفرين
شجون.. أمير هاي الشقة مال احد مخليها يمك لو مالتك
أمير.. لا مالتي ليش
شجون.. ليش هيج مأثثها يعني انتة عندك شغل هنا
تكملة وتروح ليش هيج مجهزها
أمير.. ماحب اكعد بيت فارغ من ائاثثها ارتاح بيها
يعني اخذ راحتي
شجون.. هاا
كعد أمير عل جرباية وقميصة كلة دم
فتحت الدكم مال القميص ونزعتة القميص وشلته
ذبيتة بالزبالة الله يكرمكم رحت للحمام اخذت طاسة
صغيرة كاسرت بيها ماي وأخذتها للغرفة وأخذت شاش
طبكتة وبللتة وبديت امسح ايدة لأمير لأن كلها دم
خلصت
شجون.. أمير وين حاط المنشفة
أمير.. بالحمام بالمجر
رحت للحمام فتحت المجر طلعت منشفة ورحت نشفت
ايدة وصدره لأمير وطلعتة تيشيرت لبس
شجون.. أمير راح اروح دقايق وارجع
أمير.. تمام
نزلت من الشقة وركبت تكسي رحت للمطعم طبعاً
ماكلكم شكلي وشعري والفستان مدمر دم
طبيت للمطعم شافني ابو المطعم انصدم كالي شبيج
ليش هيج ايدج وهاي شصاير بيج
كتلة سويت حادث خطية الرجال كلي مراح اكطع
من اسبوعيتج كالي روحي وره اسبوع تجين اداومين
والله هلانسان هواي ساعدني الله يذكرة بالخير ابد
مانسة وكفاتة وياية طلعت من المطعم ركبت تكسي
دنمشي جان اشوف مطعم اذكرت أمير مماكل ولازم
يشرب علاج وكفت ابو التكسي ونزلت اخذت معلاك
وصعدت ورحت للشقة صعدت شفت أمير نايم بس
العلاج لازم بوكتها لو بيدي اني ماكعدة كعدتة
كتلة كوم اكل
أمير.. وين رحتي
شجون.. رحت لابو المطعم
أمير.. شكال
شجون.. خطية انطاني اجازة
أمير.. شجون اكلي انتي اني مجوعان
شجون.. أمير علمود العلاج
أمير ايدة ميكدر يحركها والثانية يعني يحركها بس مو
مثل ميحرك الاثنين شفتة بالكوه ياكل
شجون.. عوف من ايدك اني اوكلك
أمير.. لا اني اكل
شجون.. أمير لاتعاند
كمت اوكلة شوية شوية وانطيتة العلاج وطفيت الأضوية مال الغرفة وسديت الباب وظليت كاعدة عل
تخم مادري اروح لو لا اكول اذا اروح منو يعاونة
اذا راد شي ظليت كاعدة عل تخم وعلكت التلفزيون
ونصيتة وظليت اباوع ...
وهنا وصلنة لنهاية البارت مو تنسون التصويت والمتابعة وبااي..