فتاة الميتم وأحببت مقدم

البارت السادس عشر

" لماذا جمعتنا الصدفة ان لم يكن قدرنا واحد"

دفعني حيل عل حايط وبيده عصر فكي يحجي وهوه
فاقد من العصبية
أمير.. صايرة اجاوبين وطالعة عينج
دفعني حيل بالكاع وشالني من شعري

أمير.. هذا شعرج ماريد احد يشوفه تفتهمممين

ضربني على راسي حيل بحيث دخت هذا كلة واني
ساكتة محجيت ولا كلت بس ابجي عافني وطلع

واني احس بجسمي تطلع نار من عنده بس طلع طبن
علية سهام وزهراء

سهام.. لك هاي شمسوي بالبنية هاي لأن يتيمة وماعدها
احد هيج تستغلوها
سهام وزهراء كومني من الكاع وكعدني عل جرباية

احجي وابجي من كل كلبي متوقعت أمير هيج شخصيتة
شجون.. عوفوني أريد اكوم اروح

زهراء.. لج كعدي وين رايحة باجر عرسج

شجون.. والله لو مو عرسي أريد اروح ماريد ابقى هنا
عوفوني

سهام.. لج شجون فدوه ستري علينة عزمنا كومة ناس
حتى منلحك نكللهم باجر نلكاهم قبلنا بالقاعة

شجون.. يعني اني ابقى هيج حالتي علمود الناس
وحجيهم

كمت من زهراء وسهام ونزلت الدرج ركض وطبت

للغرفة وقفلتها لميت هدومي وغراضي كلهن وزهراء

وسهام يدكن بالباب ويكولن لج شجون بس ازوجي

باجر وبعدين شسوين سوي صار هدوء برى جان

اسمع صوت أمير يكول شكو شبيجن

بعد مسمعت صوت زهراء وسهام جان تندك الباب

وكلبي احسة وكع بالكاع من الخوف جان اسمع
صوت أمير
أمير.. فتحي الباب شجون

استجمعت كل قوتي وشلت غراضي وفتحت الباب
أمير باوع علية من فوك لجوه

أمير.. وين مولية

شجون.. معليك لاتتدخل

دفعني بالغرفة وسد الباب

أمير.. شنو لاتدخل اني طرطور غير انتي مرتي

شجون.. يي عادي طلكني يلا وكلشي ينتهي بيناتنة

أمير.. هوه لعبة الزواج والطلاك

شجون.. لا مو لعبة بس اني وياك منتوالم خلينة ننهي
كلشي احسن الي والك

هذا الحجي كلة واشوف أمير بالكوه لازم اعصاب

جر الجنطة من ايدي وشمرها

أمير.. طلعنة منا ماكو وحتى من الغرفة مطلعين
لحد باجر

شجون.. انتَ ليش دسوي هيج عوفني اروح ماريدك
مجنت متوقعة هذا كلة يطلع منك أمير اني ثقيت
بيك وحبيتك ليش هيج اتسوي بية متحملت انفجرت
دموعي صارت شلال