فتاة الميتم وأحببت مقدم

البارت الثاني عشر

شجون.. عوفني الله يخليك خلي اروح حباب
ابو حرب.. وين تروحين مني يحلوه لو بالسمه هم الكاج
شجون.. بس كلي اني شسويت شتريد مني
ابو حرب.. اريدج
بلعت ريكي وأيديه كامت ترعش هية وشفتي من كال
هيج
ابو حرب.. لاتخافين مراح اتقرب منج اذا مو انتي موافقة
زاد الخوف البيه وكمت اشهك وهوه يسوق ولا دايرلي
بال
شجون.. وين أمير شسويتو بية
ابو حرب.. مدري شعاجبج بهذا لج بابا انتي تستاهلين
واحد احسن منة مثلي يعني
شجون.. الله يخليك كولي أمير عايش
باوع علية وذب حسرة وحجة
ابو حرب.. عايش عايش ارتاحيتي هسة
حطيت ايدي على كلبي وعيوني كامت تذب شلال
وبكلبي اكول الحمدلله والشكر
ابو حرب.. شوفي ياحلوة اني خليتج بالي بعد مال اطلعج مستحيل
باوعت علية وجسمي نمل من كلامة
وكف السيارة على صفحة والطريق فاارغ حتى الطير
ماعتقد يطير يم هاي المنطقة
ابو حرب.. شوفي بعدلج يومين
احجي وابجي وعيوني غوشن من البجي
شجون.. شنو يومين
ابو حرب.. عندج خيارين بعد يومين لو أعقد عليج لو
انفذ العملية على أمير واذا نفذت العملية على أمير هم
مراح تخلصين مني ترى يعني بالحالتين انتي الي ليش
تخليني اخذج اجباري فكري زين يحلوه
اني من سمعتة كال انفذ العملية على أمير ردت اموت
لزمت ايده اتوسل بية
شجون.. الله يخليك لاتأذي أمير فدوه لاتأذية
جان يباوع علية بطرف عينة
ابو حرب.. هيج أمير غالي عندج
شجون.. اكثر متتصور الله يخليك لاتأذية
ابو حرب.. يعني بهذا حجي افهم انتي قابلة أعقد عليج
معرفت شنو احجي كمت اتلعثم واشهك
ابو حرب.. شوفي عندج يومين تفكرين بيهن والقرار
يرجع الج
كرصني من خدي
ابو حرب.. اتفقنا يحلوة
جمدت بمكاني حتى النفس بلكوة أجرة يعني بين ليلة
ويوم تنكلب حياتي واتزوج مجرم حرك السيارة
عبر المكان الي جانوا مخليني بية
شجون.. وين ماخذني
ابو حرب.. للبيت
شجون.. لاعفية رجعني حباب والله بعد مانهزم
ابو حرب.. لاتخافين مابقى يمج اخليج وحدج
شجون.. وشلون تريدني اثق بيك وانتة مجرم
باوع علية وحجة
ابو حرب.. صحيح اني مجرب وتاجر بس كلمتي وحدة
ومتصير اثنين
بقيت ابجي واشهك بس كاتمة صوتي اخاف منة هلكد
مبجيت وشهكت اختنكت وكمت اكح
انطاني مي
ابو حرب.. هاج اشربي راح تموتين
اكح واحجي
ماريد
ابو حرب.. لاتخافين محاطلج بية شي
جنت مختنكة كلش وبنفس الوكت ميتة عطش
اخذتة وشربت ظل يمشي يعني مكان بعيد تقريبا ساعة من المكان الجنت بية وصلنة بمنطقة سكنية
وبيها بيوت واباوع على الجهال يلعبون بالشارع نزل
وفتح الباب جرني من ايدي قفل السيارة وهمس باذاني
.. ياويلج اذا سويتي حركة منا منا متلومين الا نفسج
نزلت راسي ومحجيت فتح باب البيت ودفعني بالكاراج
وقفل الباب البيت كلش جبير عبالك طابكين بيتين سوة فتح الباب جان يجرني شفتة المطبخ جرني حيل
شجون.. اخخخ ايدي اعرف امشي ترى عوفني
ابوب حرب.. اويلي باع اخخ مالتها لج لاتوازيني عليج
ماريد اسوي شي بدون موافقتج
ظليت ساكتة اخاف احجي شي يعني تفكيري وحده
يخوفني اني كاعدة اتعامل وية مجرم كو شخص عادي
فات قبلي ورحت وراه فتح باب مال غرفة وكلي
ابو حرب.. فوتي يلا
حجيت بخوف
..ليش
ابو حرب.. تري مراح اكلج فوتي أريد اقفل الباب
فتت وقفل الباب وراية الغرفة ظلمة اتلمست الحايط
ادور عل نقطة مال الكلوب علكتها وباوعت للغرفة
بيها كنتور وجرباية نفر ونظيفة يعني يمكن جان احد
كاعد بيها واكو باب بالغرفة رحت فتحتة لكيتة الحمام
وبية شامبو وهذني السوالف رجعت عل كنتور فتحتة
لكيت ملابس مال ولد طلعت بجامة وتيشيرت وأخذتهن وطبيت سبحت وغسلت ملابسي دورت بالميز
مال المرايا الموجود لكيت فرشة مال شعر اخذتها
ومشطت شعري اباوع على نفسي بالمرآية صايرة
العب النفس وجهي صاير اصفر واخوف لفيت شعري
وكمت عل جرباية دانام جان اسمع احد ديفتح بالباب
كمزت من مكاني مادري شسوي انفتحت الباب طلع
ابو حرب وبيدة علاكة حطها بالكاع وباوع على ملابس
الابستهن وطلع وقفل الباب سمعت خطواتة صارت
بعيدة نزلت من الجرباية فتحت العلاكة شفت بيها
لفات ومي اخذت البطل مال مي شربتة كلة من العطش
اخذت لفة واكلت وكمت غسلت ايدي ورجعت اتمددت
عل جرباية واذكرت أمير وكعدت ابجي وادعي كلشي
مابية وابجي على حالي اذكرت شلون جنت عايشة
بدار صحيح مو ذيج العيشة بس جنة عايشها بأبسط
تفاصيلها مسحت دوموعي وكلت ياربي انتة اختارلي
قدري واني ماعترض على شي سكتت وكلت بكلبي
الحمدلله على كل حال انفتحت الباب مرة ثانية فزيت
ابو حرب.. راح ابقى اليوم بالبيت شتحتاجين صيحيني
منطيت ردة فعل باوع علية وسد الباب رجعت اتمددت
وادعي لحد منمت ومحسيت على شي بعد فزيت
من النوم على صوت قوي جاي من برى صوت مال
واحد يضرب حديدة هيج شي كمت غسلت وجهي
وكعدت اكلت من الاكل الجاية بليل أريد مي ماكو
رحت وكفت يم الباب وصحت ابو حرب سمعت خطواتة جاية فزيت ورجعت ليورة
ابو حرب.. هاا شمحتاجة
شجون.. أريد مي عطشانة
سد الباب وراح ظليت واكفة انتظر رجع فتح الباب
وطب للغرفة احس رجلية متعيني اوكف خفت منة
انطاني المي وكعد عل جرباية
ابو حرب.. هاا شقررتي يحلوة
شجون.. على شنو
ابو حرب.. عل عقد
شجون.. يعني اذا عقدنا راح تعوف أمير وبعد متدخل
بية
ابو حرب.. يي
شجون.. احلف
ابو حرب.. استغفرلله ياربي والله العظيم اعوفة
شجون.. اصلا انتة مجرم شلون اصدكك
ابو حرب.. تصدكين متصدكين هذا حجي يفيدج باجر
اخر يوم الج
كام ديطلع واندار علية وحجة
ابو حرب.. هاا وبعد منعقد مجيبين اسم المصخم كبالي    اني
مراح ادخل بحياتج قبل ماعقدلج بس من نعقد حياتنة
اتصير وحدة زين يحلوه
طلع واني بالكاع انهاريت يربي معقولة هيج معقولة
راح ازوج مجرم وتاجر هم وينك أمير تعال شوف حال
شجون بعدك وظليت استنجي وادعي ربي يخلصني
منة ظليت كاعدة بالكاع ومصدومة شنو الصار يعني
هاي هية باجر اخر يوم الي مادري شسوي راح اموت
أنوب الغرفة لابيها شباك يعني بس الضوة المعلوك
كمت افتر بالغرفة ادور على شي حاد بذاك اليوم الصراحة فكرت بالانتحار لأن نفستي متتقبل ازوج
مجرم واني محبيت ولا راح احب غير أمير ملكيت
الغرفة مابيها شي حاد كاعدة واملخ بنفسي اكول لو
باقية وممهزومة مناك جان هذا كلة مصار تعبت من
التفكير قرفصت بالكاع ونمت مدريت بروحي فزيت
على صوت الباب ديقفلها من برى عدلت كعدتي وشفت
حلطلي علاكة اخذتها واكلت جنت ميتة من الجوع
المشكلة لاعندي بالغرفة ساعة اعرف الوكت لاضوء
يفوتلي ماعرف الوكت اكلت وظليت كاعدة واذكر طلعاتنة اني وأمير لاارادياً ابتسم واذكرت الجامعة
مالتي والدراسة ظليت حايرة شسوي وين انطي وجهي
هسة أمير ولازمي منو يدري بية مخطوفة غيرة
ظليت كاعدة منمت احوص منا ومنا لعد مسمعت طكطة يم الباب انفتحت الباب
وكف يم الباب وكتف ايده
ابو حرب.. هاا آنسة شجون شقررتي
شجون.. هاا اا ي يي
ابو حرب.. شنو هاا ويي كليلي شقررتي
شجون.. موافقة بس تعوفة لأمير وبعد مالك علاقة
بية
ابو حرب.. ماعوفة الا نعقد
شجون.. ليش مو هياتني كبالك وين راح اروح فدوة
عوفة الله يخليك
ابو حرب.. كتلج ماكو الا نعقد
ظليت اتوسل بية بس لاحياة لمن تنادي ميسمعني
قفل الباب وراح ورجع تقريبا ورة ساعة فتح الباب
واني كاعدة عل جرباية ابجي كلبي محروك وأردد
وينك أمير جان يشمر علية علاكة
ابو حرب.. كومي لبسيهن وعدلي نفسج
سد الباب فتحت العلاكة طلعت منها جبة وشال
واكو علاكة ثانية فتحتها بيها فستان ابيض ربع اردان
يصير قماشة مثل الحرير سادة مابية شي وجايب مكياج كمت لبست الفستان وابجي احس واحد لازمني
من ركبتي لبست فوكها الجبة وحطيت الشال على راسي وحطيت حمرة لو وردي اني مردت اخلي مكياج
بس حتى أقنعة ويسكت اخاف يسوي شي لأمير
ظليت كاعدة وابجي وعيوني ورمت من البجي
انفتحت الباب
ابو حرب.. تعالي يلا اجه الشيخ راسج مرتفعية زين
هزيت براسي بمعني اي طلعت من الغرفة كعدنا بالاستقبال طب الشيخ وكعد بالنص وابو حرب كعد
من الصفحة الثانية واني ابجي واشهك واحاول اكتم
شهكاتي بس ماكدر
الشيخ.. شبيج بنيتي مجبورة كليلي حتى ماعقد
جان يخزرني ابو حرب
ابو حرب.. لا ممصدكة فرحانة
الشيخ ممقنع بحجيه الشيخ هستوة ديحجي جان نسمع
الباب البرى مال بيت اندفرت وباب المطبخ هم
ابو حرب كام وطلع المسدس من خاصرتة بسرعة اني
والشيخ جامدين بمكانة جان يطب أمير لابس عسكري
وياة شكد عسكرية ترسوه البيت صحت بصوت مبحوح
أمير
أمير.. نزل اسلاحك
ابو حرب نزلة بالكاع وبسرعة الويه أمير كلبجوه واخذوه
أمير جرني من ايدي حيل وطلعني ودفعني حيل بالسيارة صعد أمير بالسيارة
لزمت وجه بيدي
شجون.. أمير خفت عليك عبالي سولك شي
أمير وخر ايدي حيل
أمير.. ماريد اسمع صوتج
باوعت علية ودموعي بعيني
شجون.. ليش أمير شبيك ليش تحجي وياية
كام يعيط ودمة فاير
أمير.. لجج صارلي كم يوم اخطط شلون اطلعج منا
وانتي كاعدة تعقدين ولا هامتج الدنيا لج كليلي بشنو
غراج هاا
ظليت ساكتة ودمعة طرف عيني
انداريت دافتح الباب جان يقفلها
شجون.. افتح الباب أمير
أمير .. انجبي خلي اوصلج وشتسوين سوي
شجون.. لاتغلط وافتح الباب أريد انزل
حرك السيارة ولا هامة كلامي انداريت عل جامة
وابجي واشهك وصلت للسكن فتحت الباب ونزلت ولا
باوعتلة دخلت ورحت اركض للغرفة فتحتها وملكيت
احد البنات ماكو نزعت الملابس وسبحت ولفيت شعري
وتمددت عل جرباية ابجي جان اسمع صوت البنات
يم الباب فتحتها
لارا.. وين راحت صارلها اربع ايام ماكو
لين.. أنوب الشرطة يحجون بدم بارد ولاعبالك مفقود
بشر
اني جربايتي فوك منتبهن علية
شجون.. المفقودة رجعت
متشوفون وجه لارا ولين من حجيت فزن
لارا.. شجون رجعتي
اجني علية نزلت من الجرباية حظنني وكامن يبجن
واني هم فرغت البكلبي
لين.. وين رحتي ليش صارلج اربع ايام ماكو
لارا.. ظل بالنة عليج
شجون.. سالفة طويلة خلي ارتاح واسوافلكم
لارا.. تمام ارتاحي وبعدين نحجي
تمددت واني ابجي واشهك من كل كلبي عل صار
نمت ومحسيت بنفسي تعبانة كلش ومقهورة عل
صار كعدت ثاني يوم جان يوم جمعة كعدت لكيت
البنات مسوين ريوك كعدت اتريكت والبنات ساكتات
منتظراتني احجي
شجون.. شبيجن راح تموتن
لارا.. دحجي فضينة البارحة منمنا من وراج
شجون.. تمام تمام راح احجيلكم
حجيتلهم بالتفصيل على كل الصار
لين.. مو كنالج أمير خطر عليج مصدكتينا
لارا.. خيولي بعد لاطلعين وياه ولاتحجين وياه
شجون.. الصار صار الحمدلله اهمشي احنة بخير
لارا.. بعدها تحجي بصيغة الجمع
شجون.. يلا الحمدلله اني بخير
لين.. يي هيج احسن
كمنا نظفنا الغرفة وسوينا غدة وصار الظهر اتغديتة
سئلت البنات عل محاضرات وكعدت أقرى الفاتني
صارت دنية عصر كمت بدلت وداطلع اروح للمطعم
لين.. وين رايحة شجون نسيتي البارحة شصار وياج
شجون.. لعد شلون اذا نبقى هيج مندبرها واحنة
ماعدنا احد
لارا.. شجون كعدي اني اخلي بابا يدزلي فلوس الإيجار
شجون.. حتى لو لارا اني ماعرف اكعد بدون شغل
لارا.. لعد ديري بالج على نفسج
شجون.. يمعودة قابل شراح يصيرلي
لارا.. تمام الله وياج
طلعت من السكن اتنفس براحة احس جنت مخنوكة
اتمشيت للمطعم طبيت للمطعم
ابو المطعم.. مو كتلج اجازة سبوع بنيتي ليش جيتي
شجون.. صرت احسن عمو أكدر اشتغل
ابو المطعم.. براحتج عموو
دالبس الصدرية مال المطعم جان يصيحني
ابو المطعم.. شجون دريتي بنيتي
شجون.. على شنو دريت عمو
ابو المطعم.. فتحت مطعم جديد قريب منا
شجون.. صدك مبروك عمو تستاهل كل الخير
ابو المطعم.. تسلمين بنيتي بس مطعم مو مال مشاوي
وهيج
شجون.. لعد
ابو المطعم.. مال حلويات وهاي السوالف
شجون.. هاا وين صاير
وصفلي المكان وطلع قريب علية من يم السكن
شجون.. عمو لكيت بنات يشتغلن هناك لو لا
ابو المطعم.. لا والله بعدني
شجون.. لعد عمو خلي اروح اشتغل هناك
ابو المطعم.. ليش عمو من شنو ضايجة هنا
شجون.. لا مضايجة بس ماريد ابقى هناك
ابو المطعم.. براحتج هسة راح ادك عليهم هناك وباجر
تروحين تشتغلين هناك
كيفت حتى ماشوف أمير لأن أمير يحب هذا المطعم
ودائماً يجي هنا كملت الشغل ورجعت للبيت وسولفت
للبنات وكالن زين سويتي ثاني يوم رحت للمحل مال
حلويات شكلة يخبل وماكو هواية عالم علية وابو
المطعم خلاني اغلف الكيك او اخلي بالعلبة بقلاوة
وهاي السوالف ارتاحيت اكثر بالمحل لأن ماكو شغل
هواي مثل هناك صار يوم الأحد ورحت داومت وجنت
داخلة صراعات وية نفسي اذا شفت أمير شراح اسوي
وجنت ادعي أمير ماكو وفعلا ماكو ظليت اداوم واقرة
واشتغل وأمير ماكو علية خبر اني كلت نساني ورجع
لبغداد كل يوم قبل لانام ابجي مفهم مني شي واخذ
علية موقف مر اسبوع كامل وأمير ماكو بالجامعة
رجعت يوم خميس العصر رحت للمحل مال حلويات
داشتغل جان اشوف أمير دخل للمحل ولابس البدلة
العسكرية والرتبة مالتة نجمة ونسر انصدمت من شفتة
مادري شحجي وجنت حاقدة علبة ومشتاقتلة بنفس
الوكت بس ماريد أبين
شجون.. تفضل شتحب تاخذ كيك بقلاوة كعك
أمير.. اريدج
باوعتلة بنضرة كره وحجيت
شجون.. اذا متريد تشتري شي فلا تعطلنا
أمير.. شجون أريد احجي وياج
شجون.. ماكو شي بيناتنة ينحجي
أمير.. شجون اني عرفت كلشي
شجون.. هسة شلون غيرت مكاني ومخلصت منك
شتريد مني
أمير.. عبالج اذا غيرتي مكانج مالكاج
شجون.. أمير هايهية لاتحاول والله كرهتك
أمير.. صدك كرهتيني
شجون.. وأكثر متتصور وهسة رجاءاً تريد شي كول
متريد شي منا اطلع لأن حرامات اضيع وكتي وياك
حجيت هيج جان يطب من جهة الكاشير ولزم ايدي
جرني
شجون.. وخر أمير ايدي توجعني شتريد مني
أمير.. داكلج اجيت اعتذر بس انتي متجين بالعيني
والاغاتي سشويلج
جرني طلعني برى المحل
شجون.. أمير كتلك عوفني شتريد مني الي بينة
كلة انتهى
أمير.. ليش مفهمتيني ليش خليتيني اظلمج
شجون.. جاي تحاسبني انتة انطيتني مجال احجي
أريد افهمج انتة اتكلي ماريد اسمع صوتج وهسة
اني ماريد ارجع واتذكر كلي شتريد مني
أمير.. شجون احبج وماكدر اعيش بلاياج
شجون.. أمير هذا الشي انساه حتى صداقة بعد مابينة
أمير.. شجون ضحيتي بنفسج على مودي
شجون.. لا منو كلك
أمير.. أعترف ابو حرب
شجون.. لاتصدكة جذاب
ايديه حاوطت وجهي
أمير.. شجون ادري بيج بعدج تحبيني واضح بعيونج
شجون.. حتى لو عيوني تكول هيج راح اجذبها
أمير.. انطيني فرصة اصحح الخطأ
شجون.. اني مراح اكظي حياتي انطي فرص للمقابيلي
وهوه منطاني فرصة حتى احجي
أمير.. شجون كافي تعبت أريد نزوج ونخلص..

        وهنا وصلنة لنهاية البارت مو تنسون
    الدعم والتصويت والمتابعة وباااي...♡♡