نبضات محرمة

2

#نبضات محرمة #

# الجبورية #
الفصل 2
ضليت حاير مختنك ماعرف الي يلوكلي

جابو الحنضل والعسل بيناتهم مافرزنت محتاج غيري يضوكلي &

(((((((((((()))))))))))

غطيت راسي ونمت واني متشمتة بيهة
زهيران ضايجة اعرف اني راح اترزل وامي تتعارك وياية لكن اني تعبت من كد ماسكت لنسمة. وهية ادوس علية

هية منو واسمحلهة تصيح وتغلط علية

تأفأفت بتعب وكعدت على حيلي من ندكت باب الغرفة
حجيت بملل تعال ..

مد راسة صلاح مبتسم فدوة لكلبة شكد حنين ..

سمعت مسوية كارثة وخاتلة بقفصج

ههههه شلونهة بربك مو خوش دكة تستاهل ..

ولج انتي شمبقية منهة. غاسلتهة بقاصر وهوب اجتي لبست شحاطتهة. نبتن البسامير برجلهة ضلت تصيح وتستريح هههههه

تستاهل ههههههه اذتني بكلامهة الضهر .

حجيت بحزن وتنهدت بحسرة
هية ليش دائما تحسسني اني مو بنتكم

كعد بصفي وجرني لحضنة وحجة بهدوء وحنية

معليج بيهة مو كتلج ختولي لتهتمين لكلامة .
تغار منج لان احلا من بتهة

اوووف اووف اني تعبت من الكلام مو بس عمتي نسمة خالاتي وخوالي هم نفس الشي ميطيقوني
صلاح معقولة همة يشوفوني شي قبيح او ماعرف يعني اووو
سكتت خاني التعبير ماعرفت شنو افسر مشاعري

خلاص لتفكرين بيهم المهم احنة نحبج وهذة يكفي كومي اخذج ونطلع

لا حبيبي ماريد روح انتة
غمض عيونة ورفع راسة حضني حيل لصدرة وباس راسي
.

كومي كومي يلا بلا عناد
حجاهة بهدوء ومبتسم .

هزيت راسي وكمت كتلة اطلع خلي ابدل
.
هز راسة وكام طلع بدلت ملابسي وطلعت جان واكف اباب الغرفة منتظرني

كملت يلا

طلع كدامي وراد يشغل السيارة حجيت بسرعة

عوفهة نتمشة احسن مخنوكة
.
تمام تأمرين امر شمسنة الحلوة .

لزمت ايدة من زندة وطلعنة نتمشة بلشارع ونسولف .

امم صلاح سؤال .
يعني لتعتبرني اختك اعتبرني صديقك هههه

هههه هلي شلون رهمتيهة

المهم سولفلي هم مريت بعلاقة او حبيت بنية .

شلج بهل سالفة يمعودة سدي الموضوع

لا لا عفية اشوفك دوم صافن لو مرات حتى اشوفك دايخ كأنما تفكر بشي

هاي شنو هيج مركزة وياي

غير اخوية شون مانتبهلك
غمض عينة بنفاذ صبر وباوعلي عيونة حمر وهنة لونهن بين الاخضر والعسلي ماعرف هيج ممزوجات