نبضات محرمة

8

#نبضات محرمة#

#Um abass Aljbore

الفصل 8
((((((((((((((((((((())))))))))))))))
مرت ايام واني معتكفة بغرفتي ماطلع كاضيتهة اكتب شنو يمر بيومي اكتبة بورقة حتى لو عطست

تنهدت وسديت الكتاب واني اتذكر من اغمة علية بلحمام وكعدت صلاح كاسر الباب ومطلعني رفعت ايدي اباوعلهة بيهة اثر ازرك من وكعت عليهة

التحق صلاح وخلصت وهم مرتة موديهة لبيت اهلهة تجي مرة يومية تنضف وتطبخ وتروح وهية ساكتة اقفل الباب وراهة واصعد الف راسي وانام

كمت متوجهة للكنتور اطلع تلفوني الي ضامتة حتى لا ياخذة صلاح مني يمكن هوة مغلس علية لان مستحيل يعوفة عندي الا اذا جان اكو شي ابالة
متأكدة عافة عندي لغاية براسة الله اعلم شنو هية

ضليت كاعدة بغرفتي ماطلع منهة وحيل مقهورة من الي ديصيرلي حياتي نكلبت من يوم الي كلي صلاح لسة وواجهني بحقيقة اصلي
ضليت افكر شلون احصل اهلي الحقيقين عمامي خوالي معقولة مرادوني

تكونت غصة بداخلي احسهة تنهش بروحي
ندك باب الغرفة
كمت بملل فتحتة جانت المرة ام مياس

ها خالة

امي اخوج جوة

منو ؟؟ امين؟؟

اي يمة امين جوة ينتضرج

مانتضرتهة تكمل كلامهة وعفتهة وركضت نازلة علدرج بسرعة فرحانة بجيتة دخلت للااستقبال جان كاعد من شافني وكف رحتلة حضنتة حيل ودموعي نزلت واخذت مسارهة على وجناتي

اووف امين وينك متكولي وينك ؟؟

ابتعد ورفع ايدة حاوط وجهي باوعلي ووجهة صاير احمر معصب

شنو الي صار فهميني شمس دخت وعقلي افتر امي تكول لكيناهة وبوضع مخل وية صلاح

جذابين والله جذابين كلة بسبب صلاح ومرتة همة الي وكعوني حجيتهة بقهر

والحل هسة شنسوي

الحل بيدك امين السالفة بيهة انة والا لو صدك بابا راد يخلص من عاري على كولتة ليش مادزني لعمامي خوالي ؟؟

اخذلة صفنة علحايط والهدوء بلمكان

امين كتلي انتي بحمايتي ماشفت حمايتك الية
تقربت ولزمت جف ايدة واني احجي بتوسل

امين ابوس ايدك الكالي عمامي او خوالي اي واحد منهم اني ماكدر اتحمل اعيش وية صلاح

حقج بس شلون نلكاهم احننة منعرف غير بس اسم ابوج الله يرحمة

وكفت واني ابجي ورفعت ايدي مررتهة على شعري بقهر وحيرة
صفنت اتذكر

اييي ايي امين لكيتهة

شنو هية

امين ابوك عندة رقم واحد من اهلي ماذكر منو كال بوكتهة بس عندة والله عندة