#نبضات محرمة #
#الجبورية #
الفصل ال22
(((((((((((((())))))))))))))
وهسة شلونهة صحتهة دكتورة
للاسف متأذية كلش والاوكسجين بصعوبة يصعد للدماغ والجنين جان بلحضاتة الاخيرة حاليا دنحاول نسيطر علوضع والباقي على الله
سمعت الباب نفتح وطلعت الدكتورة من بعد منطت تعليمات للممرضة فتحت عيني بصعوبة احسهن راح ينفجرن
تقرب صلاح يمي
دنك باس راسي
حجة بهدوء وقلق
شلونهة بنيتي شتحس ؟
هزيت راس ساكتة ماكدر احجي احس لساني ثكيل
ارتاحي انتي وخلي نشوف شنو بعد تحتاجين من فحوصات هسة يجون ياخذوج للفحص
سكتت ماحجيت بس اني ونايمة جسمي يرجف واحس الكاع تفتر بيةة
غمضت عيني تعبانة مرهقة جسديا وعقليا ونفسيا
اخخخ بس لو تمشي الايام بسرعة واخلص وافتك من هلمزبلة
كارهة صلاح وكارهة حتى اهلي الي ماشفتهم
لان تركوني وماتو لو مخليني محتركة وياهم احسن الية
شمس شمس تسمعيني
فتحت عيني بهدوء باوعتلة
جوعانة
سألني بهمس وهوة يرفع ايدي يلزمهة بين ايدة
امم
زين خلي اروح اسأل الدكتورة يصير انطيج اكل
تحرك ونفتحت الباب دخلت زهور وامين
برطمت مستهضمة من شفتهم ذولة كل اهلي همة صدك اهلي
تقربت ولزمت ايدي زهور دموعهة تنزل حجت بحزن
حبيبتي شمس حمد لله على السلامه
همست كوة احجي الله يسلمج
باست راسي تباوع بعيوني مقهورة شسويتي بينة هديتي حيلنة بوكعتج شمس
سكتت ماحجيت اصلا اني تعبانة وكوة فاتحة عيني امين لازم ايدي يبوسهة وكل شوية يتنهد
دخل صلاح وورا الدكتورة شالت السيروم وخلت مكانة ثاني وكالتلة وكلوهة هسة
لكن شي خفيف
انشالله رحم الله والديج
راحت طلعت وهوة كال تكدرين تكعدين
باوعتلة باهتة روحي وجسمي بايد هزيت راسي لا
رفع ايدة مررهة على وجهة صعودا لراسة
فتح يمة حافظة وطلع شوربة وزهور وامين كأنما ماموجود كدامهم وهوة هم متجاهلهم
ماعرفت شصاير هيج بينهم ومتجاهلين بعض واساسا مادوخت نفسي بيهم البية كافيني
كعد صلاح راد يوكلني نترت بي زهور جيب اني اوكلهة
واخذت منة الحافظة بنتر تعجبت اول مرة هيج تسوي هية كلش تحب اخوتهة يعني كاتعلي صوتخة بوجودهم
رفعت السرير وبلشت توكلني ضليت افرفر بعيني بيناتهم هاي شصاير
همست بهدوء شصاير وياكم زهور
أنت تقرأ
نبضات محرمة
Romanceمابين حرام وحلال مابين ضياع وحب اخشى ان اقع في حفرة يصعب علية الخروج منها قلبي يحكي وعقلي يحكم هل انصاع الى طريق قلبي واعلم انه طريقي خطأ ام انصاع لعقلي واعرف اني لا اطيق الم الفراق لنتابع معا قصة جديدة بأحداث جديدة ونتشارك الحزن والفرح مع ابط...
