نبضات محرمة

14

# نبضات محرمة #

#Um abass Aljbore

الفصل 14

((((((((((((((()))))))))))))))

هم ونزاح من صدري خلصت من صلاح شكد فرحت وبيومهة للصبح سهرانات نسولف ونضحك وكلعادة شاركونة الحديث ياسر وزوجتة وراحو لل٢ واحنة لل٤ ضلينة بما انو باجر جمعة وعطلة عدهم من الدامات بس ياسر مو عطلة لان اصلا هوة شغلة حر عندة سكلة بناء ٢ وعندة محلات ملابس هم ٢ وجان يدير شغل ابو هم بما انو عمو عسكري فدوامة يضل فترة طويلة بي 

واخيرا وليس اخرا راح التقي بعمي الثالث يكولون ساكن بغير منطقة وهم راح التقي ببنت عمو صهيب الرابعة جانو مخبوصين ويسون بلطبخ ونسوان عمامي يطبخن  ويحضرن بيداء جانت تغسل ماعين وهية متأنقة على اخر حبة تعجبني دومهة متأنقة حتى لو مريضة بس ثكيلة متنبلع لو تنكر كازوزة تشرب وراهة

يلا عاد فضينة شمس خلي ننزل مو صارلهم نص ساعة من وصلو

اييي ميادة لتخبصيني ها اها بس ارش عطر.
حجيتهة ورفعت عطري وضليت ابخبخ منة ورجعتة ونزلنة نسلم عليهم

بلصالة كاعدات نسوان وبنات ثنين حلوات وبسيط جمالهن لابسات عباية زينبية وكاعدات ينكرطن والله بلنزاكة واني لو لبستهة اطلع جني مجدية العب النفس

سلمت عليهن وعرفتني ميادة عليهن

زينب ونهر بنات عمو مجد

ابتسمت بوجهن

اهلا وسهلا بيجن

شمس بنت عمو سليمان

رحبن بية واخذتهن رويدة فوك يبدلن وسلمت على زوجة عمو مجد كريمة
كمت وية البنات للمطبخ فات غضنفر ماعندي حوار هواي ويا وماالتقي ويا هم هواي لان اصلا همة مو ويانة عايشين ابيت بصف بيت عمو صهيب حايط على حايط
سلم علبنات سلام عابر. اني واكفة يم الكاونتر تقرب يمي وكف انتجة علكاونتر وحجة وية ميادة

حضري الجاي لعمي والشباب
ورجع دار وجهة علية حجة بصوت شوية ناصي

شلونج؟؟

زينة اني شكرا علسؤال

زفر بصوت عالي اني اباوعلة مستغربة منة ماصار بيناتنة حديث ابد اني بس وية ياسر اسولف يعني هوة ياسر يجبر الواحد يحجي ويا وحيل اريحي بلبداية اخذت نضرة محلوة علية بسبب كلامة بس هسة لا نسولف نضحك نلتم كل اسبوع نسهر
بس ولد عمر رحيم لا بس  سلام بيناتنة

باوعلي بنفس نضراتة يصفن بوجهي حجة بهدوء

حلوة

ها؟؟

انتي حلوة

عقدت حاجبي مستغربة منة ابتسمت خفيف وكتلة هم شكرا على المجاملة