#نبضات محرمة#
# الجبورية #
الفصل ال17
(((((((((((((((((((())))))))))))))
فزينة ثنيناتنة نصرخ ووحدة مجلبة بلثانية واني جسمي صارر ينهز برجيف وهوة الرجال نخبص بصياحنة ساعة يهدد بينة ويوجه السلاح علينة وساعة يريدنة نسكت او على الاقل انصي صوتنة
من الخوف عيوني تكلبن وبعد ماحسيت حسيت ورة فترة هلى ضربات على خدودي فتحت عيوني اشوف غواش توضحت الصورة كدامي زهور وواحد واكف يمهة فزيت على حيل اصرخ ولميت نفسي وابتعدت ليورة
شمس حبيبتي اهدي مو زين انتي حامل موزين
هاي شنو طلعت حامل خرب ب###صلاح والله نغل يكول اصلا اكرها ونافيهة طلعت حامل الحلوة
باوعتلة خزرتة منقرفة منة وزهور سكتت تباوع بخوف وكعدت يمي
حجة هوة مبتسم يباوعلي
يمة خفت عفية لتخزريني راح اب### على روحي من الخوف وضحكو هوة وصديقة .
سئلتة بنتر عود اني قوية
انتي شتريد شعدكم ويانة
ماعدنة شي وياكم عدنة وية. راعيكم
حجة ابرود وهوة يشعل الجكارة الي بحلكة
متعرفون الاصول انتو متخافون الله يعني طابين على نسوان وحدهن وتخوفوهن سلاح؟؟ وين الرجولة
عاط بية بغضب كلمة ثانية هذة السلاح افرغة براسج
سكتت من كرصتني زهور تباوعلي تترجاني
كعدو همة يتشاورون اني اخوزر بيهم وهذة من يباوعلي يضحك يستفزني عاد اني طكت روحي وهديت علية شلت المزهرية بصف راسي
رفعتهة اهددبي
شوف لتباوعلي لا راسك اشكة والله
ضحكو ثنينهم بصوت عالي واني تنرفزت حيل واكوم واهبدة بلمزهرية يم حاجبة صاح واجة بغضب علية خفت وتراجعت اني بوخة شعندي هادة واني فزعة وية دجاجات علديج ماطلع نوب شكيت راس الحرامي
من صار يمي زهور كامت تتوسل بي ميسويلي شي وتكلة
زعطوطة معليك بيهة
لكن جان الغضب عامي ضربني راشدي فر راسي فر نهرة صاحبةة
لك نهروان شدتسوي عوفهن ماتفقنة هيج !
ماشفت شكد عرمة وعلي ماتنجرع هسة غير يجي هل##### ونخلص
ضليت اباوعلة مخنزرة بوجهة وهوة هم تالي عافتي ورجع بمكانة ساعتين ضبط همة كاعدين يسولفون مدري شنو يتهامسون منسمع شيحجون
شكد كرهت صلاح بهاي اللحضة الي خلانة بهيج موقف وعايفنة وحدنة شكد اناني ودمرني شامرنة بهيمة بعيدة عن المدينة اصلا مدري وين احنة سمعت صوت الباب نفتح وهمة فزوا طلعو من الغرفة ماعرف الصار شنو بس اني وزهور ابد ماتحركنة من مكانة خاصة اني ماكدر من رجفة جسمي الي مداتفاركنيي
أنت تقرأ
نبضات محرمة
Roman d'amourمابين حرام وحلال مابين ضياع وحب اخشى ان اقع في حفرة يصعب علية الخروج منها قلبي يحكي وعقلي يحكم هل انصاع الى طريق قلبي واعلم انه طريقي خطأ ام انصاع لعقلي واعرف اني لا اطيق الم الفراق لنتابع معا قصة جديدة بأحداث جديدة ونتشارك الحزن والفرح مع ابط...
