نبضات محرمة

4

#نبضات محرمة#

#Um abass Aljbore
الفصل 4
(((((((((((())))))))))))

طلعت من المستشفى
واني احس جبال على راسي من الالم

كعدت على فراشي واني اباوع علبيت شو سنطة لعد والعرس والهوسة شو ماكو صوت

دخلت زهور شايلة صينية الااكل بيدهة وكعدت كدامي حجت

لازم تاكلين زين وراج علاج
كلشي صار بسرعة وبلمحة نضر

لكيت نفسي كاعدة علكوشة وبصفي سرمد والفرحة غامرة روحي وكلبي وكلشي بية

مبروك عليج اني
حجاهة بهمس وهوة يتحسس بشرة ايدي
ابتسمت هايمة بحبة

وانت مبروك عليك اني
ضحك ورفع ايدي وباسهة بعد مالبسني الحلقة

طول هذيج الفترة التهيت بتجهيز للعقد مالتي
ودراستي من بعد ما حبسني صلاح تقريبا اسبوعين ويومين وراهة داومت لكيتهم فاصليني
حاولو اهلي وياهم لكن جانت المديرة قرارهة صارم ورفضت رفض قاطع انو ترجعني لان اني مناك موقعة على انذار فصل بسبب كثرة غياباتي

غمضت عيني بهدوء من حسيت ايد سرمد تسللت لضهري يتحسس عمودي الفقري على طولة بحركة هادئة سلبت شكو طاقة وحيل بية

مرت ساعات الحفلة مرور الكرام وجانت لحضات قليل اكول عنهة حلوة لا تجنننن

الي صار بعدهة صلاح صار ناااااار ميتحاجة وكلما يجي سرمد يمي لازم لازم اني وصلاح نتمالخ اخر شي يضربني وابوية يعيط بي

لحد ماا اجة هذاك اليوم المشؤوم
جنت هستوني راجعة من برة جنت طالعة وية سرمد
جنة نتعشة برة

طبيت سبحت وحجيت شوية وية زهور وطلعت يم امي وابوية
جانت حارة صيف
دنيا ليل
حجة ابوية
.

بابا شموس فتحي المي على المبردات راح يخلصن مي .

صار بابا تأمر

كمت وطلعت افتريت وية البيت مسوين كاك واحد وموعي صوندات اربعة لمبردات الغرف والصالة رأيسي
شغلت الماطور وفتحت المي

وكعدت على بلوكة وعيني بلبستان هدوووء وبس صوت صرير الصراصر ونعيق الضفادع الي جاي من الساجية الي تمر بنص البستان حسيت بحركة فزيت ووكفت خفت
درت وجهي ودنكت سديت المي رفعت راسي فزيت من سحبني احد من بطني وايدة على حلكي كاتم صرخاتي يمكن لو اكول اصعب لحضة امر بيهة هية هاي قليل بحقهة والله دمي نشفمن الخوف

اشششش هذة اني صلاح اهدي اهدي

هدئت واتنفس سريع كلبي يدك سريع واحس بي راح يطلع من حلكي

دفعتة من صدرة ونترت بي

شبيك صلاح تخبلت شنو هلتصرفات فزعتني والله العظيم خفت