نبضات محرمة

5

#نبضات محرمة#

#الجبورية#
الفصل5

((((())))))

بهتت روحي وكلبي صار يرجف غيري صارت عروستة المفروض اني هسة بمكانهة اني لابسة البدلة الة يزفوني لغرفتة ويجيني يلفني بحضنة مو هية هوة مالتي اني
خربهة صلاح وهوة مزوج هوة عاش ومرتة حامل واني خربلي زواجي
احس كلبي يوجعني حيلللللل
فزيت على صوت الطلق باوعت هاي شنو شو مبدل ولابس دشادشة بيضة شعرة مبلل وواكف مقابلي شنو يعني صارت مرتة شبسرعة شوكت صعد شديصير يارب رحمتك الهي ساعدني راح اموووت

فتت جوة وكلبي محمل بلخيبات ليش هيج سرمد عفتني ليش اني من شهرين ماعرف اخبارة من يوم مااجة طلكني سيد ومحكمة ماشفتة بعد
ومن سئلت مينا كالت سافر ومنعرف خبر عنة اخخخ ياوجع كلبي عساك ياسرمد بعذاب الضمير كون مترتاح وية غيري ابد طبيت لغرفتي وسديت الباب وكعدت على فراشي عقلي رسملي صورتة وية عروستة
باسهة شمهة سمعت همساتة الحلوة بحة صوتة الخشنة سمعتهة تغزل بيهة اخ وج يمة راح اموت ياربب
انهاريت بلبجي وشهكاتي عالية
نص ساعة ونفتح الباب دخل صلاح بعصبية
باوعتلة ووحقد الدنيا نجمع بصدري عليه

تبجين عليه مو ؟؟

ضليت اباوعلة بحقد مخنزرة بوجهة

بعدين ضحكت وارتجة بيد علباب الي يمكن هوة بطولهة والايد الثانية متخوصر بيهة

هه بس بربج مو خوش زفة وعرس جانت هديتي بدلة العروس شتتوقعين عجبتة بلبدلة اكيد تعجبة اذا عروستة اني دليتة عليهة اخخخ ياشمس راح بعد بحححح

شكد شفت حقارة ونذالة مثلك ماشفت وكفت وتقربت علية واني رافعة اصبعي بوجهة ومخنزرة علية

اسمعني صلاح شوف هاي السما مد ايديك اذا لحتهة عود ذيج الساعة تلوحني بهاي تصرفاتك داتخلني اكرهك كره العدو لعدوة ويمكن تصير بينهم مودة الاعداء الا اني وانت لا والله ماتجمعنة غير الحقارة الخبث الحقد والكره والنفوووور ركز النفورر

نزل ايدة وتقدم خطوة وحدة علية وهوة يبتسم بنشوة

اففف عصبية شمسي عصبية باس اصبعي الي رافعتة بوجهة ودار وجهة وطلع

طبكت الباب ورا وضليت كاعدة وحدي شوية وندكت الباب

تعال ايمن تعال

فتح الباب مد راسة يضحك

شون عرفتيني اني ؟؟

بس انت مؤدب ودك بابي هذاك الثور يدرعمهة ويدخل وزهور هاي عبالك عدهة مداهمة
تعال شبيك

تقدم مبتسم شكد هادء
كعد بصفي علسرير

اشوفج مبتعدة عنة شموس

لا بس تعبانة من الي دامر بي

زهور تكول متغيرة ومتحب تحجي ويانة
سمعي شمس خلي هلكلام بعقلج قبل كلبج
احنة ربينة سوة وعشنة وتربينة سوة اكلنة شربنة ضحكنة لعبنة نمنة كلهن احنة ماتفاركنة اني جاني عمري يمكن ٦ او ٧ سنوات من جابوج وهلخبل جان تقريبا ١١ سنة متسكتين الا ناخذج اني وصليح برة ونشتريلج امي تعبت عليج ايام وليالي مانمتي بس تصرخين على امج وامي سهرانة وياج والله ياشمس احنة لو سهرنة نحصللنة كل واحد كفخة ونلف راسنة ونام وانتي تضل شايلتج وتفتر بيج في سبيل تسكتين