#نبضات محرمة #
#Um abass aljbore
الفصل15
((((((((((((((((((()))))))))))))))))))
وكفت على حيلي بسرعة من شفتة صلاح امدد علقنفة بضهر السرير
انت انت شجابك .
لحضة اني اصلا شسوي هنا
وكف مبتسم يباوعلي
ماشتاقيتيلي حبيبي؟؟ ها؟ اني زوجج حبيبج ابو جهالج ..
سكتت باهتة وروحي احتركت شديصير دخت راسي افتر رفعت ايدي لزمت مقدمة راسي اريد افتهم شنو صار وياية اخر شي اذكرة من جنت احجي وية ميادة
لحضة هذة مو بيتنة ولا مكاني
صلاح فهمني شديصير .. ترة دخت اني شجابني هنا
ميحتاج حبيبي تعرفين المهم رجعتي لحضني
تقدم يريد يحضني
دفعتة ورجعت للخلف مخنزرة بوجهة
دير بالك صلاح دير بالك
اووو عاد شمس ترة بزعت منج يعني اني زوجج وحبيبج ليش تعذبيني ؟؟
يحجي بتمسكن وكأنما هوة ممسوي شي
اني مو مرتك طليقتك اني
بلا مصاخة عاد انتي تعرفين كلش زين انتي حامل بابني
باوعتلة فتحت عيوني على وسعهن
انت شعرفك
حجيت ويا بتوتر
شعرفني ؟؟ لج بابا اني ادري بيج حامل من اول مارحتي لهناك وحتى من طلكتج اعرف الطلاك باطل
ياربي
لعد قابل اني غبي واعوفج بسهولة؟؟
صلاح راح اتخبل شوية شوية
اي يعيوني شوية شوية مااذيج
خزرتة لعبت نفسي منك ترة تحجي لو شلون ؟؟؟
ولة اكلك اني اسأل وانت جاوب
كعد علقنفة ومد ايدة الية يأشرلي مترهي
تعالي حبيبي مو زين علبيبي تعالي كعدي بحضني هنا دك على رجلة
ياربببب صبرني يارب
هسة انتي ليش هيج متنرفزة مو زين على صحتج
دتعالي
صلاح سؤال بس اريد اعرف جوابة
امم شنو هوة
شجابني لهنا اني وشصار وياية؟
اني جبتج
اي شلووووون واني جنت ابيت عمو صهيب ؟
لا مو ابيتهم انتي جنتي بلمستشفى
يعني شلون ؟؟ اخذتني من المستشفى جاوب مو فتيت كلبي
حجيتهة بقهر واني اصفك ايد بأيد والله راح يخبلني
سالفة طويلة مو مهمة تدوخج
درت وجهي وابجي ومشيت لصوب الباب واني احجي
أنت تقرأ
نبضات محرمة
רומנטיקהمابين حرام وحلال مابين ضياع وحب اخشى ان اقع في حفرة يصعب علية الخروج منها قلبي يحكي وعقلي يحكم هل انصاع الى طريق قلبي واعلم انه طريقي خطأ ام انصاع لعقلي واعرف اني لا اطيق الم الفراق لنتابع معا قصة جديدة بأحداث جديدة ونتشارك الحزن والفرح مع ابط...
