نبضات محرمة

6

#نبضات محرمة#

#Um abass Aljbore

الفصل6
(((((((())))))

رفعت ايدي خليتهة علخصري والثاني رفعتة ادلك منطقة بين حاجبي
متذمرة من هلورطة اعرف نهاية هلنضرة الله لا يوقفج نضال شداتسوين بية انتي

صلاح انت تعبان هسة وكلش اشكرك علدب فرحت هواي بي واني هم مالي خلك وتعبانة نأجل النقاش لليل ونحجي بهداوة ماشي

شفتة سكت بس عوينة بعدهة مخنزرة تباوعلي بغضب

ها شكلت خلي هسة نهدء وبليل نحجي وعد وعد اكعد اسولفلك كلشي تمام؟؟

تنهد بقهر وصدرة يرتفع من فوة نفسة

تمام بس ياويلج لو جذبتي علية بحرف واحد

هزيت راسي اي اني وساكتة كلش روحي طافرة ومالي خلك ادخل ويا بنقاش وتنتهي متمالخين وهوة يثور ويتخبل علية

طلع واني سديت الباب قفلتة ورا ودرت وجهي اباوع للدب اتنهدت مبتسمة كلش حابة هلدب وجنت اتمنى اشتري

تقربت رفعت الدب وحظنتة صرت كلي بحضنة ضحكت فرحانة بي غمضت عيوني وذاكرتي صارت تفكر تفكر تفكر تفكر لدرجة دماغي احسة راح ينفجر من كمية التفكير المفرط
فزيت علدكة الباب زهور تصيحني علغدة
اف هاي شكد صارلي مددة بمكاني محاسة على الوقت
كمت بملل ورحت للحمام اسبح
طلعت وبدلت ملابسي وكفت كدام المراية اباوع لروحي
رفعت المشط رفعت شعري القصير بقراصة ناعمة
وتعطرت فتحت الباب وطلعت جانو كاعدين بلصالة
تقربت كعدت يم بابا بوستة وبوست امي

شونهة بنيتي

امم زينة بابا الحمد لله
جاوبت بابا بابتسامة حب

دومج يارب

بابا عندي موضوع وياك ورة الغدة

انشالله خير بابا

انشالله
سكتنة والهدوء عم بلمكان بس صوت الخواشيك صار
رفعت عيني بحركة لا ارادية لكدامي صلاح
الكا يباوعلي صافن بوجهي
دنكت راسي وكملت غداية واني ساكتة كل شوية اسرقلي نضرة الكا على صفنتة ونضال نزعجت من صفنتة ضربت خاشوكتهة بلماعون وكامت

حقهة مالومهة صاح وراهة يغلط علية ويهددهة يكسر ايدهة اذا عادت هلتصرف بعد

تنهدت مقهورة الغبية نوب بتصرفاتهة دتخلي يركز وياية اكثر لازم احاجيهة

كمت ورحت غسلت وصعدت ركض لغرفتهم قبل ميصعد هوة

دكيت الباب

تفضل

اجاني صوتهة الباكي
فتحت الباب مديت راسي شفتهة كاعدة علجرباية تبجي انقهرت عليهة خطية

شعندج جايتني

لازم نحجي نضال ميصير يضل الوضع هيج

ولي من وجهي ترة كارهتج واتمنى تموتين