#نبضات محرمة #
#Um abass Aljbore
الفصل 10
((((((((((((((()))))))))))
كعدت علفراش متوترة شو هدوء عزااااا ليكون صار بيهة شي يمة شيخلصني من صلاح هنوب عاندة وماصعدت رأسا من كلي
وضليت ارادد والله اليوم يكضي التوبة بية
اخذتلي صفنة افكر شسوي
حجيت وية نفسي بصوت عالي
ميحتاج روحة للقاضي اذبلي دمعتين منا منا هوة من يشوفني ابجي يسكت وميحجي وياية
ركضت للحمام اعيوني عزيزات بس شنو صلاح يكضي بية التوبة والله
وكفت كدام المراية بللت ايدي شوية واخذت وغف من الصابونة
ياربي سامحني يعني هية صح هاي اذية نفس بس مجبورة يعني انتي تعرف اني شنو نيتي
حطيت قطرات من الصابون بعيوني عزااااا وهية كبت الحركة بعيني غير اشتعلت نار
غمضت وضليت ادك برجلي بلكاع وعيوني صارن يونن علية
والدموع عشرة عشرة نوب اني ردتهة جذبة وصارت صدك كمت ابجي من الوجع والحركة مال عيوني سمعت باب الغرفة نفتح وسدة وصوت طكة القفل من سمع صوتي واني عدلت نفسي وسويت روحي اغسل بوجهي عود داخلي اثار دموعي عزااا والله اني عكربة وافكر عدل
اجة فتح الباب ووكف يحجي
انتي الى متى تضلين هيج يعني شنو هلتصرف هذة حلوة بحقج من يحجون عليج وعلى تربيتج ؟
رفعت المي وغسلت وجهي ونوب عيوني اريد افتحهن ماكدر وطبعا ضايكين هلوعة مال يدخل صابون بلعين
ضليت ساكتة وهوة يرزل بية
من شافني متجاهلتة وسحبت الخاولي نشفت وجهي وتعديتة تخبل .
سحبني من ايدية يريد عود يثبتني كدامة واني طرت بيدة وضل يجيبني منا ويرجعني منا
ولج اني مو احجي وياج من غضب الله عليه بيوم الي تورطت هلورطة
باوعتلة مخنزرة ونترت بي
هد ايدي لك
نوب ردت اكمل ماحس الا طراك معدل غير ديكور وجهي خلة عيوني بحنجي
رفع ايدة سحبني من شعري وقربني علية
يحجي بعصبية ووجهة
احمر
هاي ال لك متنكال بوجهي شمس جري عدل احسن الج لا بلله العظيم اتصرف تصرف ميعجبج ابد
اني منا طاكة روحي ونوب عيوني يونن علية وحركتهن علخالي بلاش وحصلتلي راشدي معدل واطكهة ابجية فحطت هوة هدني وضل واكف يمي ومتخصر يباوعلي ساكت واني فحطتتتت
حجة بهدوء يعني هسة شكو فحطتي فوك ماغلطانة ومتجاوزة علية؟
مجاوبتة واستمريت ابجي
يعني هسة شنو شمس شبيج صدك جذب كل هلبجي علمود راشدي يلا كافي بجي لتبجين
مستهان عادي واذا ضربني راشدي المفروض ماابجي ويعتبر البجي مبالغة مني باوعتلة بغضب وحجيت واني ارص على سنوني
اطلع برة ماريد اشوفك
حبيبتي خ...قاطعتة اطلع كتلك احسن الك وآلية
تنهد بقلة صبر وهوة يهز راسة بيأس طلع قفلت الباب ورا وبجيت بجي بس الله يعلم بي
رحت للتلفون فتحتة وخابرت صهيب
أنت تقرأ
نبضات محرمة
Storie d'amoreمابين حرام وحلال مابين ضياع وحب اخشى ان اقع في حفرة يصعب علية الخروج منها قلبي يحكي وعقلي يحكم هل انصاع الى طريق قلبي واعلم انه طريقي خطأ ام انصاع لعقلي واعرف اني لا اطيق الم الفراق لنتابع معا قصة جديدة بأحداث جديدة ونتشارك الحزن والفرح مع ابط...
