نبضات محرمة

9

#نبضات محرمة#

#الجبورية #

الفصل9
(((((((()))))))))))

تقرب علية بسرعة وسد الباب ورا اخذني لحضنة لفيت ايدي على ضهرة وضليت ابجي بصريخ
اشبه حالتي بلنار من تلهب الجسم وتبلش تاكل بي وانت مالك منقذ ينقذك من هلوجع لان ببساطة محبوس بمكان محكم مغلوق وتكدر تشرد ولا تقذ نفسك

حضني امين حيل وهوة يمسد على شعري ويحجي

اشششش اهدي اهدي شمس اهدي خلاص اني وعدتج وكتلج الكالج عمامج

بتعدت اشاهك وابجي سحبني من ايدي وكعدني وكعد بصفي سحب كلاص مي نطاني

اشربي واهدي حتى نسولف براحتنة

اخذت الكلاص منة كلة شربتة مرة وحدة واحس بعدني اريد مي يطفي نار الي شابة بروحي

اخذ الكلاص من ايدي وضل يباوعلي ساكت واني ابجي

حجيت من بين شهكاتي

امين داموت اني صلاح خلاني اعيش حياة ماريدهة وخلاني احترك واني عايشة ديدمرني ويموتني علبطيئ

خلاص كلشي راح يتنهي اني لكيت اهلج

اختفيت هذيج الفترة وتلفوني اخذة صلاح من بعد هلجلبة ماكلتلة على حوار الي دار بيني وبينك ماعرف شون سمعت من كتلك علتلفون

مو مهم شمس
اني صارلي فترة غبت ابحث عن عمامج وخوالج الي عرفتة انتي عندج عمام ٣ وعمات ٢ وخال واحد واربع خالات حالتهم المادية ممتازة وعرفت عنونانهم وحتى مكان شغلهم

شلون عرفت هلمعولمات عنهم

عندي ولد عرف للاستخبارات وهوة بحثلي عنهم بس انطيتة رقم عمج من بعد مااخذتة من تلفون ابوي
شمس سمعيني زين وفهمي لازم اروح لا يجي صلاح يصعد كوة دبرتلي زهور صعدة لهنا من البلكون

شوفي هذة رقم
وحط ورقة بيدي وتلفون وكمل كلامة
هلتلفون تضمي بسابع ارض وهذة الرقم مال عمج اسمة صهيب هذة تخابري وتحجيلة كلشي كلللشي تسولفيلة وتفتهمين من عندة اني عرفت اشياء كرهتني بأهلي ومالي عين احجي الج واباوع بوجهج
خابري وهوة راح يتصرف من يمة

وكف ووكفت ويا واني باهتة

لحضة لحضة تعال فهمني شنو عرفت اشياء شعرفت فهمني

ماكدر ماكدر احجي اني انتي اسمعي من عمج
ديحجي وجتة رسالة علمبايل
باوع بي حجة مستعجل
لازم اروح صلاح راح يصعد لهنا مانعني اتواصل وياج بأي شكل من الاشكال

دار وجهة وراد يطلع ورجع بسرعة حضني حيللل وباس راسي وطلع وسد الباب قفلت الباب ورا وكعدت بمكاني دايخة احس نفسي دخت وحرت فوك حيرتي زين شلون لو عمي مادارلي بال اذكر بابا كال اهلج مارادوج