#نبضات محرمة#
#Um abass aljbore
الفصل 19
((((((((((((((((((((((((())))))))))))))))))))))))
بهتت وكلبي وجعني وصلاح طلع من البيت متخبل ضليت واكفة فصلت عن الدنيا بس صوتة وهوة يصيح امين مات شلون مات وليش مات هوة مو جان واعدني يصيرلي ضهر مو ساعدني وطلعني من سجن صلاح تالي هوة نسجن بنفس السجن ومات بي
لا لا امين ميموت
زهور طبت تصرخ وتلطم وتصيح
ولككك امييين شلون هيج تروح وتحرك كلبنة ولك خويةةة متتت بسجن وحيد وبسبب اخوك
ولك يلحنين ويبو كلب الطيب لسانك مايلفظ غير الدفو والحنية
تكابلن ويلطمن هية وامهة كعدت بمكاني ودوية صارت براسي
اطرافي احسهة تخدرت ساعة وحدة واني كاعدة بمكانيي اشهك النفس شهك اريد ابجي اصرخ ماكو بلعومي احتقن واحسة راح ينفجر
ثلاث ساعات ضبط هنة على صرخة الوحدة واني كعدت علقنفة ولميت رجلي لصدري وصافنة بلفراغ
وكفت ام صلاح وهجمت علية وتفشر
كلة منج الدايحة النغلة من وراج ولدي تخاربو وواحد كتل الثاني مات ابني من وراج اليوم اموتج
نضال عيد وجابة العباس الهة وتكابلت هية وياهة علية حتى مادافعت عن نفسي وزهور تدفع بيهن بس متكدرلهم حامل بشهرهة الاخير وكوة تجر النفس من حجم بطنهة
الي نقذني دكة التلفون
عافتني وراحت تركض للتلفون
حجت بسرعة هذة صلاح صلاح يدك
فتحت خط وكامت تون وتحجي ولك يمة اخيك وينة اريدة
سكتت ووجهة ضحك واني عفت الكتلة وجسمي الي باد من الكتل مالتهن وزهور ركضتلهة
وهية تحجي وية صلاح
ولك صدك يمة يعني مابي شي
بس فهمني يمة وكلي ابني عدل لو ميت
سكتت تسمعلة وشوية وصارت تهلهل
وكفت كوة ورحت يمهة افتهم شديصير
جرتة زهور منهة التلفون وكامت تحاجي صلاح
الو صلاح عفية امين وين شنو تكول مات شنو امي تهلهل
الله عليك مابي شي
رجعت جرتة امي منهة
اسمعني ولك منا لساعة اذا وليدي ماجاني اغضب عليك ولا اعرفك وتعرفني وهلدايحة الي عافهة هنا يمنة اموتهة الك
سدت التلفون ورجعت تهلهل
جريت ايد زهور افتهم وجسمي كلة يرجف
زهور فهميني شكو شنو صار
لج عايش ماميت عايش حضنتني تضحك فرحانة
عفية فهميني شلون عايش ؟
ولج بس تسمم عبالهم ميت جماعتة من خابرو كايليلة تعال اخوك مات ونقلو لطوارىء السجن
ومن رايحين هوة وابوية لكو متسمم من اكل السجن
اووف ولج شمس الحمد لله يارب
أنت تقرأ
نبضات محرمة
Roman d'amourمابين حرام وحلال مابين ضياع وحب اخشى ان اقع في حفرة يصعب علية الخروج منها قلبي يحكي وعقلي يحكم هل انصاع الى طريق قلبي واعلم انه طريقي خطأ ام انصاع لعقلي واعرف اني لا اطيق الم الفراق لنتابع معا قصة جديدة بأحداث جديدة ونتشارك الحزن والفرح مع ابط...
