نبضات محرمة

1

#نبضات محرمة #

#الجبورية#
#الفصل 1
اشحلات اشفايفك لو دردمن بـ اسمي
اشحلات الهلا التطلع گزبرت جسمي 🐥💍

********

اففففف شنو هلاازعاج حبابة طفي الضوة اريد انام

حجيت بأنزعاج واني ااخلي ايدي على عيوني من ورة زهور اختي الي علكت الضوة

كومي يلا امي تكول راح يجون بيت عمتي نسمة

اهووووو شعدهم جايين من صباح الله خير

ولج ياصباح الساعة بل١١ ونص

حبابة هسة طفي الضوة يعني اليوم جمعة ياامة الاسلام نريد انااااام

اشششش نامت طابوكة عليج
حجتهة وهية تشمر المخدة الي جانت لازمتهة بيدهة علية

كملت تعزيل الغرفة وسدت الضوة وطلعت

غمضت عيني وغفيت بدون ماتعب نفسي

شوية وحسيت الباب انربدة وامي
صيح بية

ولج انتقامممم شمس كعدي يلا

كمت بنترة وشمرت الغطة عني واني احجي اهووووووو يعني حرام النوم بهذة البيت الاكشر

كمت واني الف شعري القصير بلقراصة وطلعت

مطنكرة تلاكيت وية صلاح بلباب مال الحمام

ضحك وشمر الخاولي على وجهي

ها خبالو شبيج مطنكرة

باوعتلة مخنزرة عوفني صلاح معليك بية

كملت خطواتي للحمام غسلت وطلعت

رحت شفت امي وزهور شنو محتاجات مساعدة مكملات طبعا يكملن اذا اني كاعدة بل ١١ ونص

يمة تريكي وطلعي حضري الخشب علمود اخوج يشوي السمج للغدة على ما يجون بيت عمتج

ادري يمة يعني الجمعه الناس تنام ترتاح شعدهم جاييين بيت عمتي

دنكت بعصبية شالت نعالهة ورفعتة

وهية تحجي علية

امشي ولج طايحة الحظ قابل اكلهم لتجون لان ست شمس نعسانة امشي سوي الكتلج عليه

مشيت واني اشمر بيدي وضايجة

يعني والله حرام عليكم اريد انام

رحت للمنور وجبت خشب وجيت امشي وشمرتة يم رجل صلاح وامين اخواني

الي جانو يسولفون وهمة يحضرون النار للشوي

هز ايدة صلاح وباسه وهوة يخليهة على راسة ..

الحمد لله ربي على نعمة العقل

عفتة ومشيت ورحت للغرفة ضليت كاعدة كدام المراية واباوع لنفسي .

خلي اعرفكم على وبعائلتي