السلام عليكم ورحمه الله وبركاته وحشتوني انا مش عارفه اقول ايه بجد بس كفاية اني اعرفكم قد اي صعب اني اسيب حاجه كانت بتريحني نفسيا حاجه هي كانت حلمي وهي الكتابة لدرجة اني بحلم اني رجعت تاني بس للاسف نفسيا انا مدمرة الحمد لله علي كل حال ربنا يشفي امراض المسلمين بنتي لسه معملتش العمليه بتاعت عينيها للاسف كنت بقول خلاص مش هتحتاج تلبس نظارة مش هيجي الليل وتقول مش شايفه بنت اربع سنوات كان دا بالنسبه ليا وجع بس انها تتعب تاني بسبب مرض وراثي في الصدر وأزمات ويجي ليله من أصعب الليالي وتقولي مش قادرة اخد نفسي والدكتور يقول البنت صدرها مدمر وانكتب عليها تستعمل البخاخات بدل من الجلسات علشان الحاله متتاذمش عارفه أن في اطفال حالتهم أصعب بكتير ربنا يشفيهم يارب بس من كتر الي شوفته قلبي معتش متحمل اسمع أن طفل مريض بجد صعب قوي مش عارفه بقول كدا ليه بس بجد حابه افضفض وكمان علشان ارد علي كل الرسائل والأسئلة الي بتوصل ليا اسفه والله مكنتش عارفه ارد الي حابه تكمل الروايه تقولي وتكملها سلام ياقمراتي
