البارت الثامن والعشرون
دخلت غرفة ابنتها تطمئن عليها
جنة : الصغير بتاعي عامل اي
ابتسمت ل امها وقامت تستقبلها
جني : الحمد لله ياحبيبة قلبي انتي
جنة : قولت اجي واقعد معاكي بتوحشيني يدوب بتيجي من الجامعة تاكلي وتطلعي تقعدي في اوضتك بين الكتب
جني : معلش ياماما اتعودت علي كدا من صغري وعلي عدم الخروج إلا للضرورة القصوي بس ف اقعد في اوضتي اذاكر احسن
جنة بحزن : انا عمري حسستك انك ناقصك حاجة لو علي اللعب مع الاطفال انا مكنتش ببطل لعب معاكي دا غير انك كنتي بتروحي المدرسة وتشوفي اصحابك ولو علي دلوقتي آي الي عجبك في النادي او غيرة شوفي البنات عاملة ازاي وبتلبس ازاي دا غير الشباب الي هناك واظن انك عارفة كويس ان ربنا امرنا بالاحتشام وعدم الإختلاط وبعدين احنا بنخرج وبنروح نصيف وبنسافر غيرك بيحمد ربنا لو لقا ياكل احمدي ربنا علي الي انتي فيه لان الحمد بيكون في السراء والضراء واظن انتي احسن من ناس كتير
.جني : ياماما انا مش قصدي حاجة ولا بشتكي
جنة : عيونك بتشتكي ياجني لما بتشوفي اصحابك والي بيحكوه ليكي
صاحبي الي تتمنا لك الجنة مش النار
جني : ياحبيبتي مالك زعلتي كدا ليه
جنة بهدوء : انتي عارفة كويس اني بخاف عليكي انا ببقا مرعوبة كل شوية نسمع عن الي قتل والي دبح ساعتها بس عرفت ان الي بيعمله ابوكي او اخواتك خوف عليكي لان الراجل بيكون عارف عقلية الراجل الي زيه و بيفكر ازاي
جني : بس هما كدا بيخنقوني
جنة : لو حطيتي في دماغك انه خوف مش هتتخنقي ولا حاجة
جني : طب والجواز
جنة : ماله
جني: ماما علشان خطري انا مش عوزاه مش عاوزه اتجوز
جنة : خلاص ياحبيبتي الي انتي عوزاه هو الي هيحصل محدش هيغصبك علي حاجة طول ما انا عايشة
.........
يوسف : تمام هقول النهاردة لسلطان اننا مش موافقين ها راضية كدا
جنة : طبعاً مش بنتي هتكون مرتاحة
ادهم : سلام عليكم
يوسف و جنة : عليكم السلام ورحمت الله وبركاته
ادهم : بابا هروح انا ومي باليخت يومين إجازة كدا
