Deceiving The Billionaire

11. Haunted.

PAKIRAMDAM ni Sake ay parang sasabog ang dibdib niya habang pinagmamasdan ang kanyang mag-ina. Pinapakain ni Jillian si Shawn at ilang beses na nitong binantaan ang bata na kukunin ang laruang eroplanong hawak nito kung hindi ito kakain nang maayos.

Apat na taon ang nawalang panahon sa kanya para maging ama sa kanyang anak. At kahit na anong pangungumbinse ang gawin niya sa sarili niya, the pain just won't stop hurting.

"Shawn is your carbon copy, Sake." Narinig niyang banayad na wika ng kanyang inang nakalapit nang di niya namamalayan.

Sa kawalan ng matinong maisip, tinawagan niya si Lora upang ipaalam dito ang kanyang natuklasan. And he was glad that his mother came as fast as she could for his support. Hindi pa niya alam kung ano ang gagawin niya kay Jillian, pero kay Shawn, sigurado na siyang ayaw na niya itong mawala sa piling niya.

Ni sa hinagap ay hindi na niya naisip na makikita pa ang anak niyang inakala niyang namatay na. Walang kasing sakit para sa isang magiging magulang pa lang noon na kagaya niya ang mabalitaang nalaglag ang anak niya. Ngunit mas masakit tanggaping siya ang dahilan ng pagkawala, hindi lang ng kanyang anak kundi maging ng asawa niya.

Ilang taon na ba niyang sinisisi ang sarili niya? Mag-aapat na taon na. Ngunit hanggang sa mga oras na iyon ay sariwa pa rin ang sakit sa puso niya...

He wasn't beside Jillian when she supposedly passed away. Hindi niya itatanggi na nagalit siya nang husto sa babae. Bakit hindi? Niloko siya nito. Pinaniwalang ito ang kanyang mahal. He even married her. He loved her with all his heart. He gave her his everything. Para ano? Para malaman sa bandang huli na hindi ito si Julia? Na ang totoong mahal niya ay kakagising lang mula sa tatlong buwang pagkaka-comatose!

Nagalit siya dahil tinago sa kanya ang katotohanan. Kung hindi sana ay naalagaan niya si Julia. Sana ay naparamdam niya sa kasintahan na kahit na anong kalagayan nito ay hindi magbabago ang pagmamahal niya. Ni hindi kailangang palitan ito ng kung sinong kamukha nito.

His heart broke upon seeing the real Julia. Nasa ospital pala ito at siya ang una nitong naisip at hinanap nang magising ito. Humingi siya ng tawad at hindi ito nagawang iwan sa loob ng mahigit isang linggong ipinanatili pa nito sa ospital for series of tests...

He never once gave a thought about the other Julia in his house.

When he finally decided to confront Jillian, it was too late. He could still clearly remember his conversation with Yaya Pasing.

"Hindi mo alam?" Nagtataka ang tinig ng mahal niyang yaya nang hanapin niya rito ang kakambal ni Julia. "Dinugo ang asawa mo, isinugod ko siya sa ospital. Pero pagkatapos noo'y hindi ko na alam kung ano ang nangyari sa kanya. Ang buong akala ko'y inaalagaan mo siya kaya hindi ka rin umuuwi."

"Dinugo?" Wala sa loob niyang tanong, he came home para palayasin ito kung sakaling sa kakapalan ng mukha nito ay hindi pa rin ito umaalis. Kaso siya ang nagulat sa sunod na sinabi ng matanda.

"Nakita ko siyang nakasalampak sa sahig ng k'warto ninyo na dinudugo. Sabi ko tatawagan kita pero ayaw niya. Teka nga, kung hindi mo siya kasama, nasaan ka? Buntis ang asawa mong bata ka! Hindi mo man lang pinuntahan?!"

"Buntis?" Para siyang tinakasan ng lakas. "Yaya, saang ospital mo siya dinala? Sabihin mo sa 'kin!"

Halos liparin niya ang ospital na tinukoy ni Yaya Pasing. Para lang pagdating niya roo'y lalo lamang siyang manlumo.

His wife died along with their baby. Marami ang nawalang dugo at hindi ito naagapan agad dahil sa kakulangan ng pasilidad ng ospital na pinagtakbuhan dito. Iyon ang sabi ng naging doktor mismo ni Julia. Para siyang tinarakan ng punyal sa dibdib sa nalaman niya.