Deceiving The Billionaire

20. Finale.

KAPAG hindi unang araw ng Nobyembre, nakakabingi ang katahimikan sa mga libingan. Mangilan-ngilan lang kasi ang mga bumibisita sa mga puntod ng mga mahal nila sa buhay kapag ordinaryong araw.

Tulad ng araw na iyon, mula sa entrada ng libingan ay nilakad lang ni Jillian ang patungo sa puntod na pakay. Napakatahimik ng lugar pero hindi naman nakakatakot dahil mataas ang sikat ng araw.

Habang naglalakad ang dalaga ay binabalikan niya sa alaala ang mga pangyayari sa buhay niya.

She failed so many times in her life. Nagtanim siya ng galit, umani siya ng sakit. Ilang beses siyang nagkamali, hindi nga niya mabilang. Pero noong nagkaroon naman siya ng pagkakataong bumawi, hindi naman niya sinayang ang pagkakataon.

Humingi siya ng tawad at nagpatawad. Nagsakripisyo siya at nagparaya. Even if it would hurt her. But the Lord's been gracious to her. Ibinigay nito sa kanya ang mga taong mahal niya. Until the bombing happened...

Huminto si Jillian sa isang museleo, pumasok doon at inilagay ang basket ng bulaklak sa ibabaw ng marmol na puntod.

"It's been a long time, Papa." Tears welled her eyes habang dinadama ng kanyang palad ang pangalan ng amang nakaukit sa lapida. After her mother disowned her when she was seven, hindi na siya nakabalik sa puntod ng kanyang ama.

"Forgive me, life's been tough and I struggled so much. I may have failed to visit you but I never forgot you, papa..." Before there was Sake Fortalejo and even Shawn, ang ama niya lang ang tanging lalaking nagmahal sa kanya nang totoo.

He wasn't only her father, he was her friend, her protector, her hero. The man who sacrificed his life just so she would live hers.

"'Andaming nangyari. Pakiramdam ko hindi ko na kaya." She cried. "I already lost a child once, I couldn't lose another. Shawn, your grandson is still in a critical condition. Hindi ko na alam ang gagawin ko. Alam kong marami akong naging pagkakamali sa buhay ko, but is it fair to punish me like this? Walang kasalanan ang anak ko. Bakit siya pa? Bakit hindi na lang ako?"

Ang sakit-sakit ng nararamdaman niya at parang anytime ay magco-collapse na siya.

"Please lend me some of your strength, Papa..."

Several days after the bombing, Shawn is still on a medically induced coma. Nagkaroon ito ng brain injury in which details were vague to Jillian. Ang alam lang niya ay nasa peligro ang kanyang anak and her heart couldn't take it if her son won't survive.

Suspects were arrested after two days at umamin itong inutusan ito ng lover ni Julia. Paghihiganti umano iyon sa kalungkutang ibinigay nila sa kapatid niya. Julia denied any participation in the bombing.

Sa katunayan ay umiiyak itong humingi ng tawad kay Sake dahil hindi raw nito kailanman ipag-uutos na mapahamak ang lalaking mahal nito. Pero kahit umiyak pa ito ng dugo, what's done is done. Hindi no'n maibabalik ang masiglang katawan ng anak nila ni Sake.

Ngunit gaano man kasakit, Sake and Jillian weren't gods to deny Julia the forgiveness that she asked. Pero hindi ibig sabihin na okay na sila.

There are wounds that take more time to heal. At ang nangyaring pagsabog ay mas malalim ang iniwang sugat sa mga puso nila kaysa sa mga pisikal na sugat na tinamo nila.

Lora sustained minor injuries dahil nagkataong lumabas ito sa likod bahay para magtapon ng basura. Jillian and Sake recovered few days after the incident. But the latter will undergo a therapy dahil naipit ang isang paa nito habang pinoprotektahan sila ni Shawn noon.

Si Shawn na lang ang hindi pa sigurado ang kalagayan dahil malapit sa silid nito ang naunang pagsabog.

At napakasakit sa isang magulang na makitang nahihirapan ang kanyang anak.