قصص عراقيه قصيرة

منقذي 2

قُل للهموم التي ابقتكَ منكسرًا، إن طال ليل الأسى، فالصبح يعقبه.

ـہہـ٨ــــ٨ـہــــ٨ـہہــ٨ـہہـ٨ـہہـ٨ــــ٨ـہــــ٨ـہہــ٨ـہ

كل يومين يدز واحد مو جماعته.. نفسه ابو
اللزمني .. يجيبلنه مسواك اشكال اللوان
رغم اعتراض امي .. بس الولد يكول اني معليه عبد مأمور .. حجيه .. ماكدر ارجعهن تقبلين اتعاقب ..

وجنت سارحة وفكر بفارس احلامي .. مكتلكم هو صار فارس احلامي .. رغم مجانت عندي احلام .. والي مثلي ميحقلهم حتئ الحلم
بس سبحان مغير الاحوال ..

فزيت برعب من شفت زلم داهمو بيتنه بدون
احم .. ولا دستور
تلث زلم.كبار وياهم شباب .. ثنين ..

وينها .. ام شهلة

اجت امي تركض جانت ورة البيت تنضف ..

هاخوية ابو مازن ..خيركم شصاير ..

شوفي .. موعبالج بتنه عدج .. وتضلين تلعبين بذيلج عبالج مراح ندري ومخليه سيارات الشرطة رايحه راجعه علئ بيتج .. .

صاح الثاني . بتنا ماتضل عدج . وانتي عسما
تفتحين بيتج ملهئ مالنه علاقه بيج ..

صحت من شفت امي واكفه خايفه وترجف متعرف شتحجي ..

وانتم منو .. منين اجيتكم بتكم ..

واحد.من الشباب هد راد يطگني ولزمة الثاني
ولد عمج ونكسر ضهرج اذا حجيتي .

امي جرتني وراها تسكت بيه

.. خويه منو كللكم ..
اقسم بالله مايوم بعنه روحنه .. ونمشي بشرف وعايشين بشرف والحمدلله مستورة

اي خوش عليج ..
يله انتي لمي هدومج ترحين ويانه

فتحت امي ايديه واني وراها .
علئ بختك ابو مازن وين ماخذ بنيتي ..

مو بتج هاي بتنه ..

امشي نتر الشاب .الي اسمه .. لازم

والثاني .. مازن ..

تباودلو الكلام ويه امي .. وامي تصيح وهمه يصيحون.. صاح واحد بيهم سحلوها
وخلي نطلع  شهلمهزله ..

جرني الولد من ورة امي
تلاويت وياه جان اقوة مني بهواي . سحبني .. واخذوني وياهم .. وامي طاحت بلشارع تدك وتلطم .. التمت عليها الناس .. عيوني
عليها.. اشوفها تصرخ وتبجي وراي ..

المعگلين.كاعدين كدام اني والولد ورة
السيارة.جبيرة وحديثه .
اذا عمامي هيج اغنياء ليش ميسئلون علينه .. ليش.ميساعدونه ..
ليش هسه يله شفتهم .. حتئ مااعرف شكولهم
ولااسمائهم .. اعتقدت اني ماعندي أهل