قصص عراقيه قصيرة

زوج اختي المتوحد ..2..

أَشعرُ أنني أتراكم، وأن مهمة ترتيبي تزدادُ صعوبةً بمرور الأيام.

.........

قراءة ممتعه للجميع

......

شنو.راحت..? وين راحت اختي

......

جبت تليفوني.من غرفتي ..اتصل بامي
فتحت خط إسمع بس صوت الصريخ عالي
يمه .. شكو يمه شبيها اختي ..

اخذك ابنك نطيته اله وحجيت بحدة
جان هو بارد وكانو.ارتاح هسه

رحت لبست بنطرون وبدي .. البس وابجي شنو يعني اختي ماتت بعد مااشوفها .. ممصدكة

اخذني لاختك  ..

متروحين .. هسه همه يجون ..

انت متفهم اخذني لأختيييييييي
اندار للجهة اليمه وخزر   احد اني مااشوفه

رجف جسمي بخوف .. وضليت اكل بأضافري
كل السمعته قبل تحقق  معقولة هذا ملبوس لو  بي جن

طلعت ركض بخوف .. ماكدر ابقه ويه هذا الأنسان .. لوحدنه ..

شفته اجه وراي وشايل ابنه النايم

اني ضليت امشي سريع خايفه منه
وهو وراي  سرعة خطواته أحس بيها

درت عيوني اباوع عليه  وين وصل
سمعت هوورن.قوي ..رجعت من سحبني من ايدي قوي عليه ..
جان السيارة دعمتني .. بقه حاضن راسي بايدة   وابنه شايله ب أيد الثانيه .. 
قربني علئ كتفه ولازم راسي يحرك ايده بداخل
فروة راسي بحركة خفيفه

بجيت قوي جان متت قبل شويه
جان رحت ورة اختي .. احجي وياه وابجي
لزمت ملابسه بخوف منه واله

مستحيل يصيرلج شي واني موجود
اخذني لاختي اشوفها ..
.

...

رحنه للمستشفئ وجانو مخلينها بلثلاجه ومقبلو احد بينه يدخل .. جان سبب وفاته نزف اثناء الولادة .. اثر عليها وعلئ الطفل .. من جابته تعبان ومتوفي .. وهو بطنها كالو مخنوك ..

امي تخبلت تدك وتلطم واخواي وابوي .. كلهم
حتئ رجلها شايل ابنه ويبجي .. يعني صدك راحت اختي بعد ماألها وجود بلدنيا ..

ورة ما عبرت الاربعين يوم ..
الوضع كانما الايام.متمشي ..

امي منهارة ابوي مكسور البيت كئيب مابي حيات  كلمن كاعدله بركن .. زوج أختي
نادراً مايجي بس اذا ابنه يبجي وميكدر يسكته
يجيبه لامي .. امي مالها خلك حتئ روحها تذبه عليه  اني اداري ماله ذنب هلطفل تيتم من زغر
هادء .. اشگر وعيونه بنيه فاتح  نسخه ابو المصغرة ..