.....
قراءة ممتعه للجميع
.......
ورجع سدة ددك مرة ثانيه عدلت حجابي .. وكلت تفضل ..
كرار .. تعاي تينه .. شوفي غرفتج .. بله ذوقي حلو لو لا .. بربج ... ولج والاحلئ صرنه جيران
يعني من اجوع ادك بابج .. بعد مااتعاجز انزل
ضحكت .. ورحت وياه صعدنه ..
لكينه كنان واكف ..بيها .. كال العمال توهم طلعو
جايبين كنتور ابو بابين .. لونه وردي .. وجربايه ام نفر .. وميز مال مرايه زغير .. نفس اللون
كرار ها شرايج .. كتله بخجل عاشت ايدك ..
يعني عجبتج .. هزيت راسي ببتسامة
كنان. علساس هو الاختارهة وشرايج ..
كرار. والله اني اختاريته انت ردت البنفسجي .
كنان .هسه شتريد نعلكلك نوط شجاعه
كرار. جيبي ملابسج ورتبيهن لو اصعدهن اني ..
رديت ..لا اني اصعدهن .. ونزلت .. خجلوني ذول شلون.ناس .. حبابين . عكس بيت ابو امجد من السما للگاع
شفت رحاب طالعه من غرفتها شايله علاكه
كلها كزاز .. غمتني .. ومشت..
عفتها وكلت حقها عبالها راح اخذ رجلها . صعدت ملابس .. ورتبتهن
بلكنتور .. شفت الجنطه الجايبتها عمتي بدريه
ذوقها كلش حلو .. داشديش هواي وحدة
احلئ من الثانيه .. . وعطور وشالات وملابس داخليه .. ومن ضمنهن بدلات نوم اربعه ..
ضميتهن بعلاكتهن .. وشمرتها بلكنتور
. معرفت شفكرت عمتي من جابتهن
نزلت .. بغرفة الحجيه دخلت لكيت كرم .. كاعد يمها . همست اسفه عبالي محد يمها ردت اطلع
كال تعاي اريدج بحجايتين صعدي واني جاي وراج ..
خفت من كال صعدي واني جاي وراج ..
سديت الباب ورجعت صعدت ..
منتضرته بخوف مااعرف شنو يريد افتر بلغرفة بتوتر
لان.هو جامد مو.مثل اخوانه باعو ميانه بسرعه
دك الباب اني كبل كعدت علئ الجربايه هو دخل كعد يمي الجربايه بعد مسافه قليله عني
كال . شلونج .. رديت تمام ..
انشالله مرتاحه هزيت راسي
همس يا بنت الناس تعرفين اني واحد مزوج واحب زوجتي ومتزوجها عن حب سنتين خاف باجر عكبه ترسمين علئ شي لو تخططين لشي
هذا من سابع المستحيلات . كطنه وشلعيها من اذنج .. وخليها بالج
ابد متحله مرة بعيني غير رحاب ابد
كلت بكلبي عفيه اذان واحد يعلك بيها تراجي .احد يكطع كطن .. هزيت راسي موافقه علئ كلامة شعباله اني ملطلطه .. وراح اركض وراه .. وشلون رحاب هيه .. حتئ مرتضى احلئ منها ..
سئلني شنوو سبب طلاكج ??!
بلعت الغصه مكدرت احجي ضليت ساكته بس الدمعه بعيني جنت اقوي بروحي .. واذكر كل موقف اكرها ويه امجد .. علمود لاتطيح دموعي
وياخذ فكرة.محلوة عني عباله ابجي علئ طليقي..
