قصص عراقيه قصيرة

سجينتي .3.

لا يتألم الا من كان وفياً أكثر مما يجب .
...............

قراءة ممتعه للجميع
........

مرتضئ 3ايام فاتت وتالين يادوب تاكللها لكمه
يوم عن يوم تذبل ابنها اخذ نص حيلها وحيلي ماكو على لسانها غير كلمة ابني يريد التراب ميريد حضني
من يوم المات بابوصفار ... الدكتور كال متسمم دمة ولو جايبيبنه قبل كم يوم جان بدلو دمة
وعاش .. بس الاعمار بيد الله
قدر الله ماشاء فعل ..

يمة تالين كعدي نص ساعه ونروح للدكتور

تالين . لاتعبين روحج مااروح لو اعرف اموت هنا

ام مرتضئ . يمه تردين تموتيني من القهر عليج
مثل ماابنج عزيز عندج انتي هم عزيزة عندي
يله بعد امج كعدي وخلئ نروح ترئ هذا قضاء
وقدر وانشالله الله يرزقج بغيرة

تالين . من سمعت امي تدعيلي يرزقني بلطفل
بجيت ورديت ..بجي منو كلج اني اريد طفل بعد
اريد اضل طول عمري مااجيب

دخل ابو مرتضئ.. السلام عليكم ..
ام مرتضئ . هلابيك .. تعال يا رجال شوف بنتك
معندة متقبل تروح للدكتورة ..

ابو مرتضئ كعد يم راسها .. ومسحت علئ شعرها وهيه نايمه .... وهمس الها ادري منايمه حبيبتي
. بابا تالين

هذا أمر الله لااعتراض عليه وأنتي انسانه مؤمنه بالله .. شوفي امج الله يساعد كلبها
خسرت سته جهال..والله صبرها بالاخير
و رزقنا .بيكم أنتِ ومرتضئ عوضتونا عن السته
والله يمكن كنوز الدنيا ينطونياهة ماابدلكم بيها
واني وياها دوم نستغفر الله ونشكرة .. علئ هاي النعمه ومثل متكول امي جانت الله يرحمها البزر ماينحوي كله

يمكن احسن الج من راح يمكن من يصير شاب يأذيج يمكن يموت من يكبر .. والله رحم بحالج واخذه وهو زغير .. حتئ لاتكبر معزته اكثر ..
بكلبج ويصير فراگة صعب عليج .او.يمكن ياخذه امجد منج وتموتين قهر بلزايد . يله يروحي كومي اني اخذكم للدكتورة واستغفري ربج ..
والله ارحم الراحمين .. انشالله يرزقج بغيرة بعدج زغيره العمر كدامج .. وتكدرين تجيبين غيرة
ليش هيج مأيسه من رحمة الله

تالين ابوي يحجي وياي واني دموعي تصب
واشهگ ادري امر الله بس شسوي هذا بذرة
حبي ب أمجد واني أم ياناس افهموني اني أم ..
يمكن لو اخلف ميه ماانسه وليدي كلهم يحجون ميدرون هذا حجيهم كله ميبرد كلبي وشويه

كعدت بعد ماطلعو من الغرفه
بدلت مايهون عليه قهر امي وابوي ..اشوفهم مقهورين ماريد يصير بواحد منهم شي واكون السبب