قصص عراقيه قصيرة

سجينتي .5.

‏"اليوم هو ذكرى مرور عشر سنوات على إعتقادي بأن غداً سيكون أجمل".

- دوستويفسكي ।📕

............

قراءة ممتعه للجميع
......

نزلت اركض... وشفت مرتضى يمهم ..
دخلت امي كاعدة.وتبجي وتصرخ ابوي ميتحرك
ركضت علينه اني ومرتضى .. ذبينه عليه مي
وفركنه صدرة .. يله جر نفس ..
كال بهمس .. شبيكم لاتبجون مابيه شي ..
شبكناه وضلينه كلنه نبجي.وهو دموعه تطيح بسكته
اليوم الخميس الساعة بلسته الصبح أحضر شنو اخذ وياي لان اليوم أروح صارل اسبوع للكعدة
همه انطو مهله تلث تيام علمود اروح بس عمو ابو سعد مخابرهم وكالهم علئ ابوي مريض .. فاجلوها للخميس

اليوم هو يوم أنهاء حياتي او بمعنئ انتهت حريتي
حسيت روحي عصفور واليوم ينحبس بقفصه وتعرفون القفص لو جان من ذهب .. العصفور يفضل الحريه ....مثلي تماماً ....

اهلي كلهم نايمين
بس اني كاعدة .. الليل كله افكر منمت
تعبت من التفكير مااعرف شنو الحل وشنو المضموملي اتنهدت بقهر وسلمت أمرئ للباري عز وجل رفعت ايدي للدعاء .... يأللهي .. انا عبدك الفقير .. المسكين لاتحملني مالاطاقت لي به
اللهي .. مكدرت اكمل .. ضليت اشهك وأبجي ..
،،،،،،،،،،،،،،،،،،،،،،،،،،،،،،،،،
تعرفون من أنا ?
انا الشخص الذي كسرته الحياة مليون مره "
انا الذي فقدت اغلى ما املك حتى حب قلبي
اصبحت أتلقي الصدمات بكل صمت؛
انا من يصرخ وجعا ولا احد يسمعه
أبكي ألماً ولا احد يراني
،،،،،،،،،،،،،،،،،،،،،،،، ،،،،،،،،،،،،،،،،،،،،،،

صاحتلي امي اتريگ نزلت وكعدت يمهم هذا اخر ريوك النه سوة
وانطتني جنطه ملابس جديدةجايبها مصطفئ من عمتي
مو لازم الأم توصي بتها بهذا اليوم وتكله ديري بالج علئ نفسج .. امي كاعده كبالي بس تبجي

دخل ابو سعد ومصطفئ ومرتضئ ..
ابو سعد صبحكم الله بلخير ..

الكل صباح النور هلا ..

ابو سعد بويه كملتي .. نروح هميالله طريق طويل
ورانه
.. اتنهد مصطفئ بصوت كلنه سمعناه وطلع .. لبرة ..

مرتضئ شبگني حيل .. .. وحسيت بجه
دير بالج علئ نفسج ياروح أخوج ..
باسني من ايدي .وراس . وطلع ..

جنت لابسه بنطرون كابوي .. وبدي اسود ..
ولبست فوكهن صايه مفتوحه .. من النص ..
وشال ..

كرفصت وكعدت مقابل ابويه الي مدنگ بس عيونه تصب دموع اعرفه يلوم بنفسه .. شبكته ..
يابه بغلاتي عندك دير بالك علئ صحتك ..
انت اهم من روحي .. اني افديك ..
شبكني وتعاله صوت نحيب أمي
دخلت عمتي بدريه ..