قصص عراقيه قصيرة

سجينتي .10.

مهما بلغت قوة شخصيتك .. هناك دائماً شخص يمكن أن يجعلك ضعيفاً أمامه ، ليس ذُلاً ولا خوفاً .. إنما هي مكانته في قلبك .
..........

قراءة ممتعه للجميع

......

تالين
مرت الأيام والاسابيع   بعد محجيت ويه كرم ابد اصلا مداشوفه ولا رحت لبيت اهلي ..يخابرون
مااشيله .. لان ادري يلحون عليه اجي .. واني ماكدر انزل كرامتي واتوسل بي ..

كرم ورحاب يوميا  بليل تكب العيطه مالتهم تتعارك وياه  وهو .. يطلع برة ويطبك الباب حيل بحيث احس غرفتي فووك
غرفتهم  تهتز   هو ميحجي  السبب وهيه
من تسئلها عمتي  تكله مشاكل بين رجال  ومرته
ليش هلتدخل .. عمتي تضوج منها بس مايوم حجت ويه اكرم وعرفت السبب .. تكول الله يهديهم  ..كرار بس يدرس يريد طبيه  ..كرم مينشاف يجي بليل .. كنان احاول مانكون اني وياه بمكان لوحدنه.
اني اكثر شي علاقتي بكرار والحجيه

كرار يمه اكتشفت اكتشاف عظيم .. اليوم
شنو ولك .?

كرار جنتج طلعت فطيرة وتافهة ..
اول مرة عبالي  ماعدها احساس ومعقدة جانت ذابيها علئ الصامت .. يكول هزاز بس تهز براسها
بدون حجي بس من صارت ميانه  عرفتها

منيه ولك اكلتنه حاصل فاصل بلسانك عيب ولك تأدب .. مرت اخوك ..

كرار .. تايت عله كولت الحجيه من اسولف وياها بس تتمضحك  كتله هسه يجيج  كرم يشك حلگج .. اشو هاي ضمت حلكها بثين ايديها عبالها  صدك  هههههه

لاتخلي عقلك بعقلها زغيرة بعدها ..  جوز من سوالفك ..

رديت بخجل لاوالله عمه.مقصدي اضحك
بس جنت اكوله   هنيالكم علئ عمو  يخبل  ولطيف

كرار اوووي علئ كيفج   عيني هو مال لطيف لطيف  والدليل
طبع السبحه لهسه بضهري .. جان سلاح امي النعال
وهو السبحة بس الحجيه فديتها الدفاع مالنه
اذا دخلنه حدودها  ابن امه اليلزمنه

وضحكت علئ سوالفه  اشو تهمني اضحك عليكم
يگول راح اكل لكرم عليج تضحكين علئ ابوي

الحجيه .. هذا يمسلت معليج بي
سمعنه  صوت صريخ من المطبخ  ومواعين تكسرت كلنه طفرنه
،،،،،،،،،،،،،،،،،،

كنان نزل يركض من فوك ... لكينه رحاب ورشا
وحدة كامشه الثانيه من الشعر ورشا كلبت الدنيا بلصريخ ..
رحاب ضخمه حيل اضخم من رشا ..ولافتها لف
ورشا لازمتها من ايدها وتعض بيها ..

. وام كرم  تفاكك بيهن ..
اني خفت متحركت اخاف  احصلي كتله من رحاب

كرار ميكدر يحجزهن صايرات لحم.
عاط كنان والله متستحن . أنتن. سحب رشا من ايدها ودفعها  ورحاب تعدل بروحها شعرها طالع
ودشداشتها مشكوكه
ضل يصحيح .. اني مالي حجي وياج احجي ويه رجلج بس يجي  وانتي تعاي سحب مرته وصعد