ဒီနေ့က Fridayဖြစ်တာကြောင့် Phoenix ၏ ထုံးစံအတိုင်း လူများကာ စည်ကားနေသည်။ တချို့က နောက်ရက်Holidayဖြစ်သောကြောင့် လာကြပေမဲ့ အများစုကတော့ Friday Special Planကြောင့် လာကြသူများဖြစ်သည်။
ထိုသူများထဲတွင် ဂုဏ်ရှိန်တို့သုံးယောက်လဲ အပါအ၀င်ဖြစ်သည်။
"ငါ့ကောင်ရာ ဘယ်လိုဖြစ်လို့ အတင်းခေါ်နေရတာတုန်း"
ရောက်တာနဲ့ ထုံးစံအတိုင်း ရန်ခက စကားစသည်။
"အတင်းမခေါ်ပါဘူးကွာ အလုပ်ထဲခေါင်းနှစ်ထားရတော့ ခေါင်းဆေးချင်လို့ပါ"
"မသိတာကျနေတာပဲကွာ မင်း ချုန်း ကိုတွေ့ချင်လို့လာတာမလား မလိမ်နဲ့"
"သိရင်လဲ ဘာလို့မေးနေလဲ"
"ဟားဟား နံနံခြားက စကီလေးတွေကိုတောင် ချေခဲ့တဲ့ လူပျိုကြီးက ကြည့်ရတာ အိုချင်နေပြီထင်တယ်"
"ဟေ့ကောင် မင်းပါးစပ်သရမ်းမနေနဲ့ ငါကဒီတိုင်း စိတ်၀င်စားရုံပဲ"
"အဲ့လို စိတ်၀င်စားရုံပဲဆိုပြီး နောက်မှ မရှုနိုင် မကယ်နိုင်ဖြစ်မှာ မြင်ယောင်သေး ဟားဟား"
ရန်ခစကားကြောင့် မသိချင်ယောင်သာဆောင်ကာ လက်ထဲက ဝီစကီကိုသာသောက်နေလိုက်သည်။
"ဘုန်းမြတ် ဟိုတစ်နေ့က မင်းကို Central Centerမှာ ကောင်လေးတစ်ယောက်နဲ့တွေ့လိုက်တယ်"
ဘုန်းမြတ်ဘက်ကိုလှည့်သွားသော ရန်ခကြောင့် ဂုဏ်ရှိန် ခေါင်းသာခါလိုက်မိသည်။ ဒီကောင်သာ ဒီလိုမပြောတတ်ရင်လဲ သူတို့သူငယ်ချင်းတွေ တစ်ယောက်အကြောင်းတစ်ယောက်သိကြမည် မဟုတ်။
"အင်း"
"ဟာကွာ မင်းကလဲ သေချာပြောလေကွာ ဒီလူတွေပဲရှိတာကို မင်းငါတို့ကိုမပြောရင် ဘယ်သူ့ကိုပြောမှာလဲ"
"ဒီတိုင်း မိတ်ဆွေတွေပါ"
"ဘာမိတ်ဆွေလဲ အဲ့နေ့က မင်းအဲ့ကောင်လေးကို ကြည့်နေတာ မိတ်ဆွေတွေလိုမျိုးမဟုတ်ဘူး ပြီးတော့ သူက Phoenix ပိုင်ရှင် မင်းဆက်မလား မင်းဒီကို တစ်ယောက်ထဲလာလာနေတာလဲ ငါသိတယ်နော်"
"မင်းအဲ့လောက်သိနေရင်လဲ ဘာလို့မေးနေသေးလဲ"
"ဟ မတူဘူးလေကွာ မင်းကိုယ်တိုင်ပြောတော့ သေချာသိရတာပေါ့"
YOU ARE READING
CHONE : My Heather
RomanceMakeup Artist or Cross Dresserကောင်လေး တစ်ယောက်နဲ့ သူ့ကိုလိုက်ပိုးမဲ့ နံနံခြားပြန် လူပျိုလေးအကြောင်း Not!! လူပျိုကြီးးးး Just! လူပျိုလေး🤭
