Episode 7 (Past End)
အတန်းတင်စာမေးပွဲဖြေရန် တစ်ပတ်သာလိုတော့၍ အိမ်တွင်ရော ကျောင်းတွင်ရော စာကိုသာ ဖိလုပ်နေသည်။ ချုန်းက အဖေရယ် အဖေ့ညီမ ချုန်းအဒေါ်ရယ်နဲ့ နေရသူဖြစ်သည်။ မာမားက ငယ်ငယ်ထဲက အဖေနဲ့ကွဲကာ Bangkokတွင်သာနေခဲ့သည်။
မကြာသေးမီကမှ အဆက်အသွယ်ရပြီး မာမားက စာကြိုးစားပြီး ဘွဲ့ရတာနဲ့ Bangkok ကိုခေါ်ပြီး ဝါသနာပါတဲ့ Makeup ပညာကို သင်ပေးမည်ဟုပြောသည်။ သူ့ကိုသတိရသော်လည်း စာကိုသာဖိလုပ်နေရ၍ သွားလဲ မချောင်းဖြစ်တော့ပါ။
"ဟဲ့ ကိုကြီး ဂုဏ်လင်းခေတ်ရှိန်ကလေ Aအဆောင်က မကြီး မေလင်းနွယ်နဲ့ တွဲနေတာလားမသိဘူး ငါသူတို့ကျောင်းအတူလာတာတွေ့တယ်"
"ငါလဲပြောမလို့ ငါလဲဟိုနေ့ကတွေ့လိုက်တယ်"
"ဟယ် အဲ့တာဆို တကယ်တွဲနေကြတာလားမသိဘူး အဲ့မကြီးက ချောတော့ချောပေမဲ့ ကိုကြီးဂုဏ်လင်းခေတ်ရှိန်ကိုတော့ နှမြောတယ်ဟယ်"
"ဟုတ်ပ အသည်းတော့ကွဲပါပြီ"
"ငါစာအုပ်ထဲ သိမ်းထားတဲ့ သူ့ဓာတ်ပုံတွေလွှင့်ပစ်လိုက်တော့မယ် "
"ငါရောပဲ လာ အမှိုက်ပုံးထဲ သွားထည့်ကြမယ်"
ဟိုတစ်နေ့က ကောင်မလေးများပင် ပြောနေကြခြင်းဖြစ်ပြီး သူတို့စကားများကြောင့် စာရေးနေသော လက်တွေက တုန်လာသည်။ သူနဲ့ပတ်သတ်ရင် အထိမခံလွန်းသော ရင်တွင်းတစ်နေရာကလဲ နာကျင်လာရသည်။ မဖြစ်နိုင်မှန်း မမျှော်လင့်သင့်မှန်းသိပေမဲ့ တကယ်ကြုံလာရတော့ ငယ်ရွယ်သူဖို့ ခံနိုင်ရည်က နည်းလွန်းသည်။
ခွဲရမှာသိပေမဲ့လဲ ဒီလိုမျိုး နောက်တစ်ယောက်နဲ့ ပျော်ရွှင်နေမှာကိုတော့ မတွေးထားမိ။ မျက်ရည်ဝေ့လာကာ ကြည့်နေတဲ့ စာတွေကလည်း ဝါးလာသောကြောင့် မျက်မှန်ချွတ်ကာ ခေါင်းကိုမှောက်ထားလိုက်မိသည်။
🎶🎶
ညနေကျောင်းဆင်းချိန်ရောက်တော့ သူနဲ့တွေ့ရဖို့ ဆိုင်ကယ်စတန်းသို့သွားရန် အခန်းထဲမှအထွက် အမှိုက်ပုံး အဖုံးပေါ်ရှိ ဓာတ်ပုံတချို့ကို တွေ့လိုက်ရသည်။ မနက်က ကောင်မလေးတွေ လွှင့်ပစ်ထားတာထင်တယ်။ အတွေးကနောက် လက်က ထိုဓာတ်ပုံတို့ကို ယူကာ ကျောပိုးအိတ် ဇစ်အသေးလေးထဲ ကောက်ထည့်ကာ ဆိုင်ကယ်စတန်းဘက် ထွက်လာခဲ့သည်။
YOU ARE READING
CHONE : My Heather
RomanceMakeup Artist or Cross Dresserကောင်လေး တစ်ယောက်နဲ့ သူ့ကိုလိုက်ပိုးမဲ့ နံနံခြားပြန် လူပျိုလေးအကြောင်း Not!! လူပျိုကြီးးးး Just! လူပျိုလေး🤭
