بنات ناجي الجميلي

٣٦

كانت آسيا واختها اسيل جالستين في المطبخ تتحدثان بينما تقومان بتحضير الغداء

اسيل : اليوم راح اخذ شوية من الاكل واروح ازور ابراهيم .. بعد عيني غادي جلد وعظم هذيچ الحقيرة ساگمتة سگم

آسيا : خطية والله هالولد ما يستاهل اللي يصير بيه .. اسيل لنفترض لا سمح الله انو ابراهيم وليلى انفصلوا تقبلين تتزوجيه ؟

من منا لم يذرف الدموع وتعتصره العبرات عندما يمس الموضوع قلوبنا وهذا ما حدث مع اسيل فقد ترقرقت الدموع في عينيها لتقول

اسيل : وشنو اللي تغير ؟ اني طول عمري اريد اتزوج بإبراهيم واعاقته ما راح تغير شي من مشاعري ... اللي يحب صدگ يتحمل ، اني مو ليلى اللي تكسر بيه وتدمر بنفسيته ليل نهار  ، لو اني چنت مرته ابد ما راح اتذمر وراح اعامله بكل معاني التضحية والإيثار..وراح احبه من كل گلبي صدگيني 💔

آسيا : الله يرضى عليچ يا حبيبتي انتي ... ان چان بابراهيم خير الج فان شاء الله يكتبلكم  ويجعله من نصيبچ

اسيل : امين ياربي امين

لم تمر ساعة حتى سمعت الاختان صوت طرقات الباب وما ان فتحت اسيل حتى وجدت سدرة امامها فأصابها الذهول

اسيل : سدرة شجايبچ !؟ مو رحتوا للبنان!!!