كلنا كنا بنبكي لانو خلاص الدنيا دي مسخت علينا و نحن عارفين المنتظرنا شنو حتى ابوي و عمتي كانت امهم متوفية و ابوهم راعهم لمن ابوي أتزوج جدي اتوفى و امي وحيدة امها و ابوها وصلنا بيت عمتي اللي كان نادرا جدا م ندخلوا عمتي عندها تلاتة بنات وولد واحد لكن مغترب و مجننة الحلة كلها ولدي ولدي اول م دخلنا اتخيلو منظر البيت ياخ شدة م وسخانة تقول بيت عزابة والله بيت العزابة انضف منو و دا خالتو عندها تلاتة بنات حتى أنها م راعت لي انو نحن اولاد اخوها و ي دابو متوفي كان بيتها فيهو تلاتة اوض و راكوبة من الشرقانية و مطبخ و مخزن قالت لينا جيبو ملابسكم وتعالو ودتنا المخزن قالت نضفو لو عايزين تلقو محل دافي يلمكم كنا في أكتوبر أواخر الخريف وبدايات الشتا عايزة اخش قالت لي اول نضفو البيت دا اكيد م انا ح انضفو يعني قلت لي رماح ودلال يقعدو فرشت ليهم ملاية في الأرض و مشين انا و ريم و ريل اول دخلتنا اوضة النوم ملابس كتيرة مردومة تحس انو عمرهم م غسلو و فضت لينا ملابس زيادة من الدولاب انا كنت وفرشت و ريا وريم بيرشو كدا لمن خلصنا الغرف كلها نحن كنا قاعدين في بيت الاجار فيهو اوضة واحدة و مطبخ و راكوبة بس جينا المطبخ والله دا بيطبخو فيهو كيف م عرفت محل م تقبل تلقا عش العنكبوت و العدة دي وسخانة و الحلل تقول عمرها م شافت سلكة اتعذبت عذاب اليوم داك و دا خالتو ابوي اتوفى امبارح المفروض تحاول تحبنا لانو نحن من ريحة اخوها الوحيد و ربنا قال( فأما اليتيم فلا تقهر) لكن قلت حسبي الله ونعم الوكيل فيها بعد دا كلو قعدتنا غسيل ريم وريل بقو يبكو وقالو لي يدهم بقت توجعهم قلت ليهم خلاص تقعدو جنب دلال مشو اول م قعدو نامو لانو اول مرة يشتغلون قدر دا ريم و ريل تومات عندهم 13 سنة السنة الجاية ماشين سنة تامنة و رماح دي عندها 10 بتقرا رابعة اعدادي و دلال لسه عمرها سنتين وانا خايفة انو عمتي م تخلينا ندرس كدا ح يضيع مستقبل اخواتي زي الساعة تلاتة كدا حتن خلصت غسيل و مشيت نضفت المخزن فيهو سريرين و عمتي م ادتما مراتب حتى الكانو عندنا شاكلتهم و ادتما فرشات دلال م متعودة عل نوم الفرشات و بقت تبكي لي م عرفت اعمل شنو ابوي كان عندو سيوتر حق البرد قطني كدا جت ختيتو ليها حتن نامت لصقنا السراير و خليتهم ينومو زي بعد صلينا قريب المغرب صحيتهم صلينا عمتي جات جابت لينا اكل ولا الأصح بواقي اكل كسرة بايتة مرشوش فيها سليقة على م اظن م في وحدة فيهم قدرت تاكل قلت ليهم اكلو اتصبرو محنة و تعدي أن شاء الله اكلو غصبن عنهم ودلال دي ابدا م اكلت لي مشيت شحدت شحدة من عمتي ادتني عيشة بي سكر اكلتهم لي دلال يعد غسلنا يدينا الباب انفتح ودخلو بنات عمتي سجود و لبنة و لينا و الضحك الواصل آخر الشارع و المكياج الكتير الا لينا كان وشها م فيهو مكياج و م كانت بتضحك معاهم و طوالي دخلت الاوضة حتى م شافتنا جو سلمو على امهم وقعدو يحكو ليها عن شنو م عرفت و دي تطلع ساعة و دي تطلع طقم فضة و عمتي ضرسها الأخير ظهر وسمعته قالت ليهم ايوا عايزاكم مجتهدين كدا انا قلت مجرد احساس م عندهم بي خالهم الاتوفي امبارح متمكيجين و متزينين كدا سمعت عمتي بي نهرة قالت لي ي وريف ي زفت تعالى جيبي موية مشيت وديت ليهم لبنة قالت يعني أسى ي امي ح يعيشو معانا انا غيتو م بقدر اتعايش معاهم يع امها قالت ليها ي هبلة ح يبقو خدم تحت يدك ريل قالت ليها والله كان تتدردقو تعرفو الدردقة م بنبقا خدم ليكم عمتي دي شالت سفنجتها ونزلت خبت في ريل جريت مريتها من تحت عمتي و عمتي تلهث زي التطور قالت ليها لو مرة عيدي كلامك عشان اوريك تتكلمي عدل كيف ريل بقت تبكي وديتها المخزن قلت ليها انتي م تعملي حاجة انا بخدمهم عمتي جات لاحقا وقالت لي وانتي لو عايزة اخواتك ديل ياكلو بكرا تنزلي شغل قلت ليها ومن وين القا الشغل قالت لي انا لقيت ليك من زمان ح تشتغل خدامة في بيت فتحي طبعا ناس فتحي ديل ناس مرطبين و أولادهم كلهم مغتربين يمكن من كلامي كلكلم حتقول ح يتزوجني واحد من أولادهم و ابقا غنية و اطلع من بيت عمتي لكن انا حكايتي مختلفة تماما عن باقي الحكاوي و م زي خيالكم بيحكي ليكم....... ❤️🖤❤️🖤❤️🖤
