عمتي استلمتني من الباب قالت لي و جابت ليها جية في زمن متأخر كمان عايزة تجيبي لينا سمعة في الحلة م عاينت ليها زاتو دخلت جوا الاوضة لقيتهم ناموا مسحت ال وا و رقدت و بديت افكر انا لا م اعمل حاجة اضمن بيها مستقبل اخواتي لازم القى شغل و بديت افكر و افكر لمن نمت تاني يوم مشيت الشغل مدام سليمة قالت لي الليلة م ح ترجعي بدري قلت ليها طيب بدينا شغل و ختيت دلال جوا الكرتونة عشان م تغلبني نضلنا البيت و عملنا العصافير وجابو حلويات و باسطة و شكولاتات و رفيدة من الصباح ودوها الكوافير مدام سليمة جابت ليها كم مرة عشان يزينو البيت ركبوا ستاير برتقالية على طول الصالون و جو لبسو الكراسي تلبسة كبدية على أساس يعمسو اللون و كدا مدام سليمة وقفت وقالت الشغل م عاجبها ركزت في الستاير كدا قلت ليها لون تعملو الستاير ابيض بي بنفسجي و تلبسو الكراسي بنفسجي و الجداعات بيضة بيظبطو عاينت لي كدا قلت ليها بس مجرد رأي يعني الحفلة بالليل و الألوان دي بطلع هادية و حلوة و مشيت المطبخ يمكن تلاتة و نحن بنحهز جيت اخد استراحة طلعت برا لقيتهم ركبو الستاير زي م قلت ليهم ياخ كان طالع حاجة رهيبة قعدت باكل في دلال ر الناس دي داخلة و مارقة عاد دي مجرد خطوبة كيف لو كان عرس صليت الضهر و رجعت اشتغد ودلال نامت لمن جا العصر قلت لي مدام سليمة أودى دلال و ارجع قالت لي طيب شلت معاي امل و مشيت لقيتهم جو أنديتهم اكلو و خليت ليهم دلال صليت و رجعت وشغل شغل شغل بمن المغرب إذن جات مدام سليمة ادتنا ملابس عشان نحن ح نضيف الضيوف كانو عبارة عن بنطلون اسود وسيع و معاهو تونيكة طوييييلة تحت الركبة سودا و طرحة بيضا بعد العشا بدت حفلت الخطوبة و الناس بدت تجي م شاء الله عندهم بنات كتار و اي وحدة احلى من التانية و البس م شاء الله بدينا نضيف بدو يجيبو حاجات الخطوبة م شاء الله شيلة بس مكياج عطور أحذية فساتين حلويات قروش دهب م شاء الله تبارك الرحمن دا غير الحاجات الملفوفة اخيرا جابوا رفيدة و م شاء الله كانت طالعة قمر و لابسة فستان اسود و محجبة و الزغاريد م تديك الدرب جوا تلاتة بنات و مرا تشبه مدام سليمة باركو ليها ديل شكلهم أهل العريس و جيداء كمان كانت طالعة حلوة و الحلو فيهم أغلبهم محجبين بعداك جا العريس و بيشبهها شبه م طبيعي ولد خالتها هو لبسو الدبل و باركو ليهم كنت شايفة عمتي و سجود و لبنة و لينة قاعدين و عمتي مع الدهب م بتفرق منهم و سجود و لبنة مكياج كامل و الشعر دا كيف الا لينة محجبة و م عاملة غير كحل حلاتة البت دي للساعة حداشر حتن الحفلة انتهت مدام سليمة قالت نضفو حتن تمشو و فعلا نضفنا طبعا زادو المرتب ادو اي وحدة عشرة الف لانو اليوم كلو كنا شغالين خصمت منها تلاتة الف و الباقي اديتو لعمتي و مشيت رقدت نمت كنت شدة م فترانة عرفت انو حددو عرس رفيدة عيد الفطر دا كان روتين يومي مرت تلاتة أسابيع اليوم داك كنت راقدة في السرير كالعادة بفكر ح اعمل شنو سمعت دق خفيف على الباب كانت الساعة تسعة و الزمن دا بيكون البيت كلو نايم مشيت فتحتو لقيت دي لينة و شايلة كيس في يدها قلت ليها لينة في شنو دخلت وقالت لي اقفلي الباب قفلتو قلت ليها في شنو مدت لي الكيس فتحتو لقيت قروش كتيرة قلت ليها دا شنو قالت لي دي قروشك قلت ليها قروش شنو قالت لي ألفي السيوتر انصدمت وقلت ليها الحابها ليك شنو قالت لي امي و سجود و لبنة اليوم داك فتشو اوضتكم وقبال م هم يدخلو إنا حيت فتشت و شلتها قلت ليها و لي م رجعتيها قالت لي م لقيت طريقة ياخ فرحت و مشيت لميت معاها باقي القروش كانت زي 21الف أسى بقو41 الف قلت ليها ن دام فتشو من قبل ح يفتشو تاني عشان كدا خليهم معاك قالت لي طيب شالتهم و مشت و على كدا مر الوقت و كل قروشي بديها لي لينة ولو احتجت لي حاجة بشيل منها م بعرف لينة دي طيبانة غير الباقين مرة شهر و النتيجة حقتي ظهرت جبت 83 كان ابوي اكتر واحد ح يفرح لكن قدر الله وما شاء فعل و عمتي طبعا قالت لي جامعة ماف و بعد نقاش طويل م استفدت منو اي حاجة قلت اضمن مستقبل اخواتي و انا دي ملحوقة لحد مرت أربعة شهور وكان فاضل للرمضان اسبوعين و ريل و ريم شغالين امتحانات شهادة و رماح زمان امتحنو و اجزو كان اليوم جمعة و كنت بسرح لي رماح شعرها لينة قالت لي انتي ي وريف م تشتري تلفون قلت ليها اعمل بيهو شنو.......
