اول م وصلنا المستشفى سرعة فتحو الباب حق الضهرية و نزلوني عيوني م قادرة افتحهم ريل جرت قالت ليهو شكرا ي اخ و جات سندتني و دخلنا جوا كانت المستشفى كبيرة و الواطة بدت تضلم لينا قالت لينا استنو هنا و جرت على الاستقبال قالت ليهم عندها حمى و جروح في يدها وصفت ليها جات ودوني لي غرفة الدكتور كان في ناس قبلي لكن لمن شافو حالتي طوالي قالو دخلوا اول م الدكتور شافني انصدم ياخ وشي دي كان باقي ازرق مايل على بنفسجي ويدي دي بقت مورمة قال ختوها سرعة اول جا اداني إبرة تاني جا بقا يشوف في وشها لقا إثر الكف قال دي حالة عنف عديل الحاصل ليها شنو كلنا قلنا م عارفين قال لا حول ولا قوة الا بالله مشي جاب حاجة كدا مسح على وشي كانت حارة ياخ تاني جا اداني ابرا رفع يدي فكا الشاش انصدم زيادة قال ليهم دا من شنو تاني قالو ليهو م عارفين قال ليهم هي في حالة زي دي و انتو وين سكتو كلهم قال ليهم يدها دي التهبت عديل مشي جاب معقم وانا نمت يمكن م عارفة م حسيت بي شي تاني لمن صحيت لقيت نفسي في المستشفى و لقيت ريل و ريم نايمين في الأرض و شكلها الدنيا صباح اتحسست وشي لقيتو نزل شوية و يدي كمان عايزة اقول ريل قلت ليل اجي ي كدا تاني عدتها طلعت ليل ريل صحت وقالت لي حاسة نفسك كيف قلت ليها كويسة بس م قادلة ضحكت وقالت لي ي بت مالك قلت ليها م عالفة تاني ضحكت قالت لي وريف انتي لجنة ولا شنو قلت ليها الدكتول دا مسح لي شنو بقت تضحك قالت لي كدي امشي اناديه يشوف الحاصل لي لسانك شنو لمن جا قالت ليهو وريف م قادرة تنطق حرف الراء زي اول قالت ليهو مالو لساني قال ليها م عارف يمكن الضربة أثرت على لسانك قات ليهو أسى يعني زول كان قال لي اسمك منو اقول ليهو وليف ريل دي الضحك شرطها الدكتور قال ليها احتمال يرجع و احتمال لا و بعدين العمل فيك كدا شنو قالت ليهو م مهم قال ليها لا مهم لانو دا يعتبر عنف و لازم يتحاسب الزول العملو قالت ليهو و انا م عايزة يتحاسب و نزلت من السرير قال ليهم طيب على راحتك في أدوية أديت ورقتها لي اخواتك جييوهم واحد لو وشك و التاني لي يدك و في واحد للحمي و الصداع قالت ليه و لساني قال ليها م عارف الف سلامة عليك و طلع قالت لي ريم و ريل قومو نشوف اخواتكم حصل ليهم شنو و وين لينة م شايفاها ريل قالت ليها قالت ح تخت بالها على البنات عشان كدا رجعت قالت ليهم طيب سلعة عشان نوصل ريم و ريل بالجلالة قادرين يكتمو الضحكة قالت ليهم زمن و يمشي و لساني يلجع بقو يضحكو و طلعو اشترو الأدوية وريف قالت ليهم فضل كم من الفلوس ريم قالت ليها و ليه م قلتي قروش وريف قالت عشان م تتضحكو فيني ضحكو و قالو ليها خمسمية جنيه بس ضحكت وقالت ليهم جيبو شكولاتات لي موحا و دلال ريل قالت موحا دي منو وريف عاينت ليها بس طرف عيونها ريل قالت رماح اي رماح اشترو شكولاتات و رجعنا البيت عمتي من شافتنا تشيل و تحمر ودوني الاوضة لقيت رماح و دلال يبكو قلت ليهم معليش حبايبي جو حضنوني و فضلنا كدا لمن نامو ريل مشت جابت اكل و المرة دي اكل اليوم قلت ليها من وين قالت لي عاد عمتي كان م ادتنا م بكتلا بعد القروش الشالتهم قلت ليها طيب أكلنا و ادوني الدوا صليت الضهر و رقدت نمت و ناس ريل نامو.... بي هناك عمتي قالت لي لبنة انتي ي لبنة البت دي جابت قروش من وين لمن بيتوها في المستشفى و اشترو ليها أدوية لبنة قالت ليها احتمال سرقت منك قالت ليها لا لا قروشي تامة انا يومي بفتش غرفتهم دي جنيه م بلقا لينة لمن اتشرقت سجود قالت ليها بكرا لمن يمشو المدرسة و هي تمشي الشغل نخش نفتشها يمكن داسنها تاني يوم وريف قامت متحسنة اكتر صلت الصبح وقومت ريل و ريم و رماح وقالت ليهم المدرسة أمس م مشيتو طبعا عرفت انو الدوا البمسحو في وشي بخدر لساني و لمن بروح مفعولو لساني برجع قالت لي خلاص لسانك رجع قلت ليها من الدوا قومو قومو اتحممو وانا بجهز ليكم الشنط و الهدوم سرعة مشو اتحممو لبستهم و جهزتهم ريم قالت لي ودلال قلت ليها ح اشيلها معاي قالت لي م ح تعبك قلت ليها اصلا هي نوامة م تخافي قالت لي م تنسى الدوا بيتهم وقلت ليهم حاضر ابتسمو مشينا لي عمتي قلت ليها تاني كل يوم ح تدي اخواتي ميتين للمدرسة قالت لي لي شغلة هي يعني لمن سكت ليك جاية تتطاول على قلت ليها طيب امشي اشتغلي براك قالت لي بحرمكم من الاكل قلت ليها نمشي دار رعاية لوت خشمها قالت لي يديهم مية وخمسين بس قلت ليها ميتين لوت خشمها و ادتهم فرحو شديد و طلعو رتبت حاجاتي اول م مسحت الدوا لساني خدر غيتو شلت دلال و طلعت نسيت م قفلت الباب و مشيت في زول جا فتح الباب وشال القروش و طلع عمتي هي و سجود و لبنة قاعدين يفتشو الغرفة شبر شبر م لقوو حاجة سجود قالت ليها تعالى نشوف تحت الفرشة فتشو م لقو جات رفعت سيوتر ابوي م لقت حاجة قالت ليهم اطلعو بعدين نراقبهم قفلو الباب و طلعو بي هناك وريف اول م جات داخلة مدام سليمة بتحمر ليها و تلولو في خشمها رفيدة شفتها قالت ليها امي انتي مرا كبيرة تختي راسك في راس شافعة سليمة م عجبها الكلام قامت طلعت رفيدة جات لي وريف أصبحتي كيف و كيف بقيتي وريف قالت ليها كويسة الحمد لله رفيدة ابتسمت وقالت ليها دا شنو في ضهرك ابتسمت وقالت ليها دي دلال اختي الصغيلة رفيدة ابتسمت وقالت ليها مالو لسانك وريف ضحكت وقالت ليها من الدوا ضحكت قالت ليها اديني اشيلها شالتها وطبعا دلال بت حلاتك م شاء الله تبارك الرحمن دبدوبة كدا و عندها جضوم و شعر اسود و عيون سود زي ابوها و رفيدة تشيل و تبوس فيها وريف قالت ليها امانتك امشي اخلص شغلي و اجي رفيدة قالت ليها طيب وريف قالت ليها م تختها في الواطة بدت تمشي حبة حبة و لو خليتها تضيع مننا رفيدة قالت ليها بختها في عيوني شالتها باستها قالت ليها ريحتة حلوة ابتسمت وقالت ليها امي زماان بتعمل لينا ليحة منزلية و لي يوم الليلة بنعملها رفيدة قالت ليها المرة الجاية جيبي لي ابتسمت وقالت ليها أن شاء الله مدام سليمة قالت ليها على شغلك وريف ولا عاينت ليها زاتو مشت بتشتغل رفيدة طلعت غرفتها و جاها تلفون و نست دلال و دلال لقت الباب مفتوح طلعت وبقت تحبى لمن حصلت السلم........
