اغلبكم مفتكر انو الحياة ساااهلة الليلة بقيت فقيرة و معترة يلقا واحد قاطع السماحة مرطب و عندو توسان يعرسني اه وين ياخ الدنيا أصعب من كدا... تاني يوم قمت قبل أذان الصبح و صليت ودعيت ربي يحلني من الأنا فيهو حاليا نضفت وغسلت العدة عشان م تخلي اخواتي يشتغلو لمن صحت قالت لي يلا اتخارجي الشغل و مرتبك اول بي اول تديني ليهو وانا اتفقت معاها على انو اليوم بي تلاتة الف خلي تنقص جنيه واحد عشان اوريك و طبعا هدومي السمحة كلها شالتها مني و م بتقدر تشيل حق اخواتي عشان أصغر من بناتها طلعت في الصباح داك و البرد يلفح شفايفي لمن اتسوو من البرد بقيت برجف لغايت اصل بيت ناس عم فتحي دقيت الباب بعد دقتين حتن فتحو لقيتو عم فتحي طبعا بعرف ابوي حق المعرفة قال لي بت الغالي حبابك الجابك شنو قلت ليهو جايية لي خير ي عمو كيف أصبحت قال لي كويس الحمدلله اتفضلي اتفضلي من البرد دا دخلت و طبعا بيت كبير م شاء الله تبارك الرحمن اول م دخلت اتلقتني مرت عم فتحي اسمها سليمة قالت لي أبدى من المطبخ سلام م سلمت و طبعا عم فتحي مستغرب قالت لي و بعدين تتطلعي فوق عرفة جيداء و رفيدة نضفيهم و غرفتي كمان و م تنسى الملابس السخانة و غسلي الحمامات و هداك المخزن تلقى حاجات النضافة كلها و الصالون دا عايزة يلمع قبل الضهر عم فتحي قال ليها في شنو ي سليمة قالت ليهو مش طردنا الخدامة الفاتت اهدي الجديدة عاين لي بي صدمة كدا قال ليها كيفن الكلام دا دي بت محي ال ين ولا نسيتي قالت ليهو اي ياها بت دليدة ولا م ياها م تتدخل ي فتحي في أمور البيت عاينت لي وانتي حارسة شنو يلا على شغلك و نهاية اليوم خلي فتحي يديك التلاتة الف طبعا خالتو سليمة دي مرة قادرة م شاء الله عم فتحي م قدر يتكلم معاها خصوصا انو عم فتحي من الناس الطيبانين ديك م اتكلمت مشيت وهو بعاين لي طلعت حاجات النضافة و بديت ومع البرد داك حسيت يديني اتجرحو في الموية بعد خلصت المطبخ طلعت فوق الغرف طبعا في غرف كتيرة لكن مقفولة شكلها حقت أولادهم دخلت اول غرفة جيداء دي أصغر بت عندها 13 م شاء الله تبارك الرحمن عيني باردة كانت غرفتها دافية و ملانة العاب و أساسها حلو و الاحلى من كدا السرير ياااه نضفت وانا سارحة في الجنة دي يعني قدر م احاول م اهتم م بقدر دي حاجة بتجذب البنات بعد خلصت نضافة وشلت الهدوم مشيت غرفة رفيدة ودي أكبر من جيداء بي أربعة سنة يعني في نفس عمري حتى هي امتحنت السنة دي معاي دي غرفتها بالبنفسجي ياااه لي لحظة اتذكرت ابوي وكان بقول لي لمن تبقى زولة مهمة ح تبني لي ديوان كبير و تختي لي فيهو دفاية و كرسي هزاز بكيت غصب عني لاني حاسة انو دا حلم حلم و ح يبقى مستحيل كملت نزلت عشان انضف الصالون لقيتهم بيشربو الشاي لمن بطني غرغرت طوالي مشيت نضفت عشان اتلهي من الجوع بعد خلصت فسدت عدة الشاي و مشيت عشان استلم القروش سليمة قالت لي و عارفة انو انتي لازم تجي صباح و مسا صح عاينت ليها بي صدمة قلت ليها لا م عارفة قالت لي أسى عرفتي تجي تلاتة المسا بالضبط و اي تأخير بخصم من المرتب نزلت راسي وقلت ليها حاضر ي خالتو قالت لي لا انا لا خالتك لا يحزنون تقولي لي مدام فاهمة ولالا قلت ليها حاضر مشت طلعت و كانت الساعة اتناشر لقيت عم فتحي قاعد في الجنينة حقتهم لمن شافني قال لي تعالي ي بتي اعفي لي قلت عافية ليك ي عمو عايزة القروش عشان انا راجعة بعد دا قال لي دقيقة طلع الظرف اداني ليهو عاين يمين عاين شمال حتا اي الف في يدي قال لي عارف عمتك م ح تديم جنيه من القروش دي عشان كدا دي ليك ولي اخواتك قلت ليهو لكن ي عمو لو مدام سليمة عرفت ح تجوط فيك ضحك وقال لي م ح تعرف ابتسمت وقلت ليهو رينا يحفظك ي عمو و رجعت البيت اول م وصلت لقيت ريم بتبكي و ماسكة يدها و ريل جنبها تبكي جيت جارية قات ليهم في شنو ريم مدت يدها لقيتها محروقة لمن شالت موية قلت ليها دا شنو اتحرقتي كيف ريل زادت البكا وقالت لي عمتي قالت لينا نكوي الهدوم و ريم حرقت الملاية و عمتي لمن شافتها دقت ريم و لزتها وقعت جنب المكوة و اتحرقت ولمن جيت أحلامي لي ريم دقتني بي صوت النيم انا كمان و بقو يبكو حضنتهم وقلت ليهم معليش حبايبي معليش جات عمتي على صوتي قالت لي جيتي وينها القروش شافت الظرف في يدي خطفتو و طلعت القروش كانت كلها ميتينات جديدة لمن بتعمل صوت عمتي دي عيونها بقو يلمعو طوالي دخلت الاوضة لحقتها وقلت ليها عايزة مرهم اختو لي ريم عشان يدها م تلتهب دفرتني وقالت لي دا الناقص كمان مشيت مع فت اعمل شنو في النهاية جات لينة و لقت ريم و ريل يبكو و انا م بعرف اعمل شنو بس بقيت ابكي جات قالت لي اعملي ليهم معجون عاينت ليها عاينت لي و مشت طوالي لينة دي اخر العنقود و عندها 19 سنة جريت جبتا معجون الأسنان وعملتو ليها حتن سكتت دلال و رماح نايمين عاينت لي ريم و ريل قلت ليهم عاينو عمو فتحي اداني الف قال لي دي ليك ولي اخواتك عايزين شنو اجيب ليكم جو حضنوني قالو لي م عايزين حاجة انتي ختيها يمكن مع الزمن تنفعنا حضنتهم زيادة وقلت ليهم ربنا يحفظكم لي ريم قالت لي ح تختيهم وين عمتو جبيل جات فتشت الاوضة كلها قلت ليها م عارفة والله اها اكلتو دلال ولا عملتو شنو ريل ضحكت وقالت لي سرقت عيش من عمتي و اكلتها و اكلت رماح عارفة عيب اسرق لكن م اخلي اخواتي يموتو من الجوع ابتسمت ليها قالت لي ختي القروش جوا سيوتر ابوي لانو مستحيل تفكر تلقاها هناك ضحكت و مشيت قعد ادخل القروش عمتي جات داخلة😧😧
