طوالي مشيت سرعة على بيبو وقلت ليهم ارح الراجل عاين لينا كدا و عاين لي بيبو وقال الولد دا حاسس اني شايفو من قبل م رديت عليه و قلت ليهو بيبو يلا ارح الراجل قال لي لو سمحتي أتلفت وقلت ليهو معاي انا كنت خايفة و متوترة في نفس الوقت قال لي الولد دا قلت ليهو اخوي بيبو قصدك قال لي دا اخوكي قلت لي فيها حاجة لاحظت لي بيبو متوتر الراحل عاين لي بيبو مسافة تاني قال لي لا ابدا اسف على الازعاج اخدت نفس وقلت ليهو يلا نمشي الراجل م اتعرف على بيبو يمكن لانو صحتو اتحسنت شديد و وشو من كان شاحب و ضعيف بقا مليان أثناء م ماشين الراحل قال ي فروة و بيبو قرب يتلفت ويقول ايوا بس قعدت ليهو في الأرض و قلت ليهو بيبو ياخ اكل براحة عان لطخت وشك دا كيف و طلعت منديل مسحت ليهو وشو و قدرت إدارك الموقف قلبي قرب يقيف طوالي مشينا سرعة لينة قالت لي الراجل دا مالو قلت ليها م تختي في بالك رجعنا بيبو المحل و رجعنا البيت تاني يوم من الصباح مشيت نضفت و رجعت قلت لي ناس ريل ارح البسو عندي ليكم مفاجأة قال لي شنو هي قلت ليهم انتو بس البسو و تعالو اسرحكم سرعة عشان نلحق سرحتهم و لبست دلال و لبست فستان منقاوي كان لمن لشتغلنا في محل الملابس ادونا ليهو مع طرحة بيضا و كحل و قلوس كنت طايرة من الفرح اليوم داك م عارفة لي شنو لمن طلعنا عمتي طوالي جات وقفت قدام البيت وقالت لي بي شمار كدا ماشيين وين قلت ليها ماشة افسح اخواتي ليهم زمن م اتفسحو قالت لي و بي ياتو قروش قلت ليها الليلة ادوني زيادة في المرتب و حابة اطلعهم بيها مشوار قالت لي بي نهرة كدا كم و متين وليه م وريتيني قلت ليها انتي القروش كلها بديك ليها يعني م في داعي اوريك بيها ولو سمحتي ح نتأخر و زحيتها من الباب و طلعنا و لمن لفينا من الشارع هي واقفة تعاين لينا قفلت الباب وطوالي مشت غرفة البنات مشت لي سجود قالت ليها سجود قومي قومي سجود بي خلعة كدا في شنو ي امي ي بت قومي البسي أقرب عباية اسمعيني وريف طلعت هي و أخواتها لابسين قالت عايزة تفسحهم قومي الخقيهم شوفيهم ماشين وين قالت ليها امي ياخ عمتي قالت ليها م تقولي لي امي قومي اتحركي سجود قامت لبست و طلعت شافت المواصلات الركبو فيها ناس وريف لكن م لحقتها ركبت في وحدة وراها بي زمن وريف وصلو و اصلا المحل م كان بعيد شديد من الموقف و مشو و سجود م لقتهم بي هناك ناس ريل بقول ليها وريف ياخ ماشين وين وريف زهجت من اسالتهم قالت ليهم انتو مالكم ساليين كدا تسكتو ولا برجعكم كلهم سكنو قالت ليهم ايوا كدا جوا داخلين المحل و عايزين بسالو لكن م قادرين بيبو جا طالع من المكتب وشاف وريف قال ليها اتاخرتي الليلة ابتسمت وقالت ليهو اخروني اخواتك بيبو عاين ليهم وقال ليهم ديل هم وريف ابتسمت وقالت ليهو اي لينة وين بيبو قال ليها دقيقة مشا نادى لينة و جا و سلم على البنات من بعيد ريم قالت ليها خلاص ي وريف ح تورينا الحاصل شنو ولا لا لانو فاض بي وريف ضحكت وقالت ليهم اقعدو النفهمكم قعدو و بيبو جاب ليهم عصير جا شال دلال و بقا يلعبها و هي مبسوطة و تمسك شعرو لانو ناعم وطويل وتقول ليهو اسرحو ليك وهو يضحك و ينزل راسو ويقول ليها سرحي طيب و ناس ريل يعلينو لي وريف وريف قالت ليهم ح تاكلوني ريم قالت ليها لو م اتكلمتي اي وريف قالت ليهم طيب دا اخوكم براء لسه م عملو رد فعل حارسين الباقي قالت ليهم المحل دا بتاعي انا و بيبو دا من يوم الليلة تعرفو اخوكم و م في داعي للأسئلة الكتيرة ريل قالت ليها يعني هسي المحل دا حقك وريف ابتسمت وقالت ليها اي ريل وريم بي زعلة كدا وصوت واحد طيب ليه م وريتينا و من متين وريف ضحكت وقالت ليهم من خمسة شهور يمكن و م وريتكم لانو لسه الشغل م استقر و ي دأب بدأ يستقر و قلت اوريكم قبل رمضان يكون احسن ريم قالت ليها وبراء وريف عاينت لي بيبو المندمج في اللعب مع دلال و رماح قالت ليهم دا اخوكم و بس و بعد كم سؤال مية يمكن حتن اندمجو شوية بقينا نتونس و نضحك وبقو يعلقو على المحل بي هناك سجود الشمس ضربتا و لفت إثر لي ناس وريف وقالت ترجع احسن ناس وريف طلعو وقالو ماشين منتزه يتفسحو حبة وأثناء م راكبين المواصلات سجود شافتهم مشو المنتزه و سجود وراهم بقو يلعبو و اكلو ايسكريم دا كلو سجود م ختت ليهو بال بس قالت دا منو الولد دا ي ربي و ليه شايل دلال و وريف من وين بتعرفو و الأهم من كدا لينة بتعمل معاهم شنو زي تلاتة كدا سجود ملت رجعت و ناس وريف رجعو وصلو براء المحل ودلال حلفت كان تفكو مشبكة في راس براء و براء يضحك و وريف تقول ليها قريب ان شاء الله بلمكم بعد بكى حتن فكتو و رجعو سجود وصلت وحكت لي امها الشافتو عمتي قالت ليها نعل وريف م عايزة تجيب لينا سمعة سجود قالت لي روقي ي اني الولد أصغر من ناس ريل يمكن و حتى لينة كانت معاهم عمتي قالت ليها اصلا اختك دي م فهيمة كم مرة حذرتها وهي م بتسمعني وريف دي أمورها بقت لي م مفهومة لازم اركز فيها على كدا مرت الايام و دخلو شهر رمضان وريف كانت موقفك الشغل في الفترة دي لانو اصلا الشغل بجي مع نهايات رمضان و كل يوم بتمشي المحل بس عشان براء م يفضل براهو مرت الايام وجا آخر أيام رمضان و هنا وريف قالت لي عمتها انو في شغل بي راتب احسن بس لمدة معينة تخلي الشغل عند ناس مدام سليمة و تأتي ترجع اصلا عمتها موضوع في قروش كتيرة م بتناقش على كدا وريف فضت وقتها كلو للمحل و الشغل كان م شاء الله كتير يمكن في اليوم اكتر من عشرة طلبات و كلها عايزنا للعيد وريف بقت تسوق ريل و ريم يساعدوها وبقو بفتحو يوم بعد يوم عشان بيمشو يشتغلو و وريف بتنشر شغلها في الفيسبوك و الناس بقت تتفاعل معاها و عاجبهم شغلها و بقو يرسلو ليها عايزين موعد فترت العيد دي كانت تنجح فترة لي شغل وريف و على كدا وريف خلت الشغل كلو كلو مع مدام سليمة مرااا العيد بي ايامو الحلوة و عمت وريف مبسوطة القروش زادت و على مرت الايام و البنات نزلو مدارس و وريف فضلت انو براء يقرأ في المعاهد و كان م شاء الله متفوق مرت الايام و وريف يوم ورا يوم شغلها ماشي يكبر و الناس حبو شغلها و الطلابات م بتقيف طول اليوم وبقا عندها اسم في السوق و بقت مضغوطة عشان كدا في صحبات لينة اتنين بقو يشتغلو معاها لمن جا عيد الضحية و عدا و الطلبات ماشة في زيادة لحد م جا شهر أكتوبر ودي كانت نقطة تحول تانية بالنسبة لي وريف 🌼🌼
