جدو قال ليها الليلة جينا طالبين يدك لي حفيدي و عاين لي عمها قال ليهو خليهم يتكلمو طلعو برا كانو واقفين قدام الباب فادي جا قعد قال لي وريف البكاية وريف رفعت رأسها و بدهشة قالت استاذ فادي ابتسم وقال ليها ايوا استاذ فادي قالت ليهو انت حفيدو لي جدو ضحك وقال ليها لا انا صحبو عديل بتعرفي من وين قالت ليهو كان عندي شغل في حديقة و اتعرفت عليهو هناك و هو كمان طلع بيعرف اهلي قال ليها اهاا يعني دي انتي قالت ليهو شفتني قال ليها لا بس شفتك قايمة من جنبو قالت ليهو اهااا قال ليها نرجع لي موضوعنا وريف نزلت رأسها بي توتر قال ليها رايك شنو انتي وريف بي توتر انا م ح اقدر أوافق فادي بسرعة لي شنو و كان مركز و مستني منها الجواب قالت ليهو بتوتر أكبر اخواتي اخليهم لي منو قال ليها هدى عمتك م موجود وريف ابتسمت بي مرارة لانو عارفة عمتها ح تحرمهم من الدراسة إذا وقفت المصاريف قالت ليهو انت م ح تفهمني قال ليها لا استنى انتي حاولي و شوفي قالت ليهو م بحكي ليك التفاصيل بس اخواتي م بقدر اخليهم هنا مع عمتي قال ليها طيب انا اصلا عندي شقة و ممكن هم يسكنو في الشقة القدامنا طوالي قالت ليهو لا الفكرة م ظابطة قال ليها طيب انتي م ترفضي وافقي و بنفكر في حل سوا قالت بعد تفكير طيب بس قاطعة قال ليها مافي بس انتي بس خليها على ربنا قالت ليهو ونعم بالله تاني سكتو الموقف محرج لي وريف و متوترة خصوصا انو هي م متعودة تقعد مع اولاد وبراها قال ليها طيب خلاص انا ح اقول لي جدو وافقت مبدئيا وبعدين الموافقة بعد الاستخارة هزت رأسها و قامتقالت ليهو سلام عليكم قال ليها و عليكم السلام طلعت عمها قال ليها ها أن شاء الله خير قالت ليهو أن شاء الله هي مشت و هم دخلو
عمتها مستنية جيتا اول م جات قالت ليها ها العريس كيف وريف قالت ليها عمتي تعالى انا عايزة اتكلم معاك في موضوع عمتها قالت ليها خير ان شاء الله وريف ساقتها جو الاوضة حقتهم مشت جابت شنتطها و جات قعدت قدام عمتها قالت ليها عمتي اسمعيني تتذكري المحل القلت ليك انا شغالة فيهو سكرتيرة
عمتها قالت ليها اي مالو وريف اخدت نفس وقالت ليها انا ح اتكلم بس م تقاطعيني عمتها هزت رأسها مستنية تكمل ليها
وريف قالت ليها المحل داك بتاعي وانا م شغالة هناك سكرتيرة انا المديرة عمتها عايزة تتكلم وريف أشرت ليها و واصلت قالت ليها فتحتو يمكن من سنتين ونص و الصدمة بانت في وش عمتها وريف واصلت و الحمدلله الشغل ماشي في أحسن م يكون وريف فتحت الشنطة طلعت ورق ادتو لي عمتها قالت ليها دي ي عمتي أوراق لي نص نمرة لي سنة بدفع في اقساطها سجلتها بي اسمك ولينة ساعدتني في الاجراءات دي و كمان انا اخواتي م بضمنهم معاك يعني لو عرست اخواتي ح يكونو معاي كفاية انا م خليتيني ادخل الجامعة لكن اخواتي ح يواصلو دراستهم زيهم زي باقي البنات عمتها بتعاين لي أوراق البيت و م حست الا الأوراق اتسحبو منها عاينت بي صدمة لقتو راجلها طوالي عاين لي وريف نظرت عتاب وعاين لي عمتها قال ليها طول الوقت كنتي بتقولي لي وريف قالت م عايزة تدرس تراك كذابة عمتها عاينت ليهو و عايزة تتكلم قاطعة قال ليها ولا كمان انتي بتتسمي عمتهم بي ياتو فهم يعني م قاتي بنات اخوي الوحيد اشيلهم في عيوني هزا راسو وقال ليها كلو منك و من عمايلك حتى ولدك روحتي عمتها بي استغراب إيهاب مالو قال ليها م تسالي م عندك احساس الأمومة ابدا تتذكري لكن دهبك اتسرق و تاني يوم لقيتي ي ستي دا ولدك السرقهم و وريف رجعتهم وريف و عمتها الاتنين عاينو ليهو بي صدمة قال ليها ايوا و الأسوأ جاي ولدك اتورط في قضية مخدرات و اتسجن عليها فترة تتذكري زمن سافر الخرطوم ورجع كانو طالع من السجن لانو اصلا كان طالع من السجن و الحمدلله انو م لقو معاهو حاجة لكن لقو في دمو شوية آثار للمخدرات م تستغربي و عشان م عندهم أدلة كافية م طول في السجن بعدين رسلتو البلد لي جدو قلت يمكن الله يهديه و الحمدلله قدرت الحق ولدي قبل يروح مني قالت ليهو برجفة في صوتها كي... كيف... كيف يعني قال ليها زي م فهمتي أسى ولدك الجديد الشايفاهو دا جا بعد تعب مننا و منو و الحمدلله تاب ورجع لي ربو عمت وريف ختت التوب في خشمها وبقت تبكي عاين لي وريف الكانت حالتة م احسن من عمتها قال ليها و انتي كنت بدعمك في شغلك لكن عايزة تدفعي حق اهتمامي بيكم قالت ليهو بس قال ليها لا بس لا غيرو اخوي محي الدين الله يغفر ليهو و يرحمو كان راجل و وقف معاي و م قصر لكن انا قصرت في حقو لكن م بعد دا بنات اخوي ح يفضلو معاي و لو على دراستهم على انا دا و كان على عمتهم انا بقدر عليها و هي ذاتة إذا م عجبها عندي معاها تصرف تأتي و عاين ليها وتأتي عاين لي وريف قال ليها و البيت دا تنقلب لي اسمك قالت ليهو بس قال ليها م تبسبسي لي انا بنات أخوي بقدر عليهن وانتي اهتمي بي نفسك وريف سكتت وعاينت لي عمتها الساحة وين الله اعلم قال ليها كنت جاي أسألك من رايك في فادي وريف رجعت عاينت ليهو و بي صوت واطي قالت ليهو بفكر ي عمي و مشت عاين لي عمتها قال ليها قومي امشي الضيوف براهم وطلع خلاها في حيرتا
بعد م الضيوف مشو عمت وريف نادت إيهاب قالت ليهو تعالى ي ولدي إيهاب جا قعد جنبها مستغرب وطوالي عمتي حضنتو و نحن كلنا واقفين وبقت تبكي وتقول اخي ي ولدي اعفي لي هو مستغرب و هي كل م زايدة في البكى قام منها قال ليها في شنو ي يمة قالت ليهو م في شي بس اعفي لي قال ليها عافي ليك بس في شنو قالت ليهو م في شي بس حاسة اني غلطة في حقكم اعفو لي جات لبنة قعدت جنيها قالت ليها عافين ليك بس في شنو عاينت لي وريف قالت ليها انا ظلمتك ي بأي اعفي لي وريف قالت ليها عافية ليك عاينت لي ريم وريل و رماح ودلال قالت ليهم تعالو طبعا خافو وريف قالت ليهم امشو حتن مشو حضنتهم وقالت ليهم اعفو لي.......... يتبع
