عمتي جاية تستفسر مني وانا كنت شايلة التلفون في يدي وقاعدة اتونس مع ليليان(صحبتي المصرية) البت دي ظريفة ياخ وكلامهم حلو و م علقت الا في كلمة في ايه يختي الكلمة دي بالذات ليليان عندها اخت أصغر منها و البر شليقة كل مرة تجي تعمل جوطة لي ليليان و ليليان تقول ليها في ايه يختي وانا علقت بس فجاءة اسمع الباب انفتح وقفت سرعة و ختيت التلفون بورا ضهري ومن غير م احس قلت لي عمتي في ايه يختي والله اللحظة ديك لا عرفت اضحك لا عرفت اسكت عمتي رفعت لي حاجبة بي استغراب وقالت لي يختي وجابت ليها كلام بالمصري كمان انا من التوتر م قدرت ارد ليها زاتو قالت لي م على انتي جبتي الهدوم اللابسنها اخواتك ديل من وين هاا وريني قلت ليها قصدك شنو قالت لي انا هدومكم دي بعرفها هدوماية هدوماية م تكضبي جبتيهم من وين قهرتني والله لكن يلا ان شاء الله قريب و اتخارج منها بقول مع نفسي دا اول يوم في العيد بدل تقول م مهم خلي يفرحو جاية تستفسر قلت ليها جيداء قالت عندها هدوم بقو أصغر منها م عايزاهم مدام سليمة ادتني ليهم قالت لي ويعني عندها فستانين زي بعض ولا الهدوم الصغيرة القدر دلال جايباها من وين قلت ليها دي اصلا موجودة يمكن انتي م لاحظتي ليها و بالنسبة للفستانين اي عندها ليهم اتنين عايزة تتكلم قلت ليها انا م بعرف لي شنو اسأليها هي لوت خشمها و طلعت سمعت صوت من التلفون أتلفت قالت لي دا شنو الصوت دا قلت ليها تسأليني يمكن تلفزيونكم ولا تلفونك عاينت لي مسافة كدا و حمرت لي و طلعت حي اخدت نفس مشيت قفلت الباب على و عاينت لي التلفون لقيت ليليان لسه فاتحة الخط قلت الو بعد مسافة قالت لي بي لغتهم طبعا دي شنو الأصوات دي قلت ليها م تاخدي في بالك دي عمتي ادتني اختها سلمت عليها و حتى ناس بيتهم عرفتني عليهم ياخ ظريفين وكلامهم حلو قفلت منها وقلت في نفسي عمتي دي اكيد ح تجي تنبش بي وراي حاساها شكت فيني تاني التلفون الا اشوف ليهو مكان مضمون........
من جهة تانية واحدة بتقول يمة انتي فادي وينو ليه م جا عيد علينا ولا ادانا عيدية لي اسه
=انتي عارفة ي فدوة اخوك دا ا لا يمشي بيت جدك حتن يجينا نحن و عارفة هو بحب جدك قدر شنو
=نسيت ي يمة قايمة اشوف اوضتو يمكن خلى لي عيدية هناك
=طيب و نادي لي فداء دا معاك مالو م مشي بيت جدك لي اسي
=حاضر
على لسان فدوة مشيت غرفت فادي و بقيت افتش يمكن القى العيدية حقتي بالله انا اختهم الوحيدة مفروض عيديتي تكون مختوتة في اوضتي بدل م انا افتشا براي فتحت الدرج لقيت سلسل فضة قلت ياي يمكن دي هي طلعتو لقيتو مكتوب فيهو حرف M قلت معناه م حقي لكن الحرف دا حق منو و السلسل باين بناتي قلبتو بي ورا الحرف مكتوب أكتوبر عليه لوت خشمها بس زعل و قالت لو م حقي يطلع حق منو فجاءة عيونها بقو يبكو وقالت معقول فادي يكون حابي وااااي الخير لازم يصل امي شالت السلسل و جرت على غرفة فداء دقت الباب وفتحتو قالت بسم الله ودا التاني مشي وين دخلت الحمام لقتو مافي قالت م هم و جرت و بتقول يمة يمة يمة و نفسها قاطع امها قالت ليها ي بت في شنو اها جابو ليك عيدية شنو
=م عيدية شوفي فادي بحب وحدة
امها بي استغراب و حيرة
=وانتي عرفتي كيف
رفعت السلسل في وشها و قالت
=شوفي لقيت دا في الدرج حقو واكيد حق حبيبتو
الأم شالت السلسل و ركزت فيهو قالت ليها
=لا م اظن فادي يكون حابي و بعدين انتي عارفة انو فادي م ليهو في أمور البنات دي
=لكن الجاي السلسل دا درجو شنو
=م عارفة والله
رفعت السلسل و شمتو وقالت
=الله ريحتو حلوة شديد ودي ريحة بنات شمي كدا
=اي والله ريحة بنات لكن ياتو بت
=الله اعلم امسي رجعي السلسل دا محلو و بعدين بجرجر اخوك في الكلام و نعرف الحاصل شنو و بعدين م قلتي لي فداء وين
= حاضر أسى برجعو وفداء في غرفتو م موجود شكلو طلع
=اه نسيت والله هو طلع جبيل عاد م نسيت
=اه ي امي انتي خرفتي ساااي وبقت تتضحك
=امشي قبل لا اجيك في محلك دا قال خرفتا قال سرعة عشان تقشري البطاطس دا
=ضحكت وقالت ليها من عيوني و مشت
امها هزت رأسها بي يأس لانو دي تصرفات بتها متين تعقل م عرفت أسى شاغل بالها السلسل و ريحتو و ستو و مستنية فداء يجي و تعرف الحاصل..........
ريل و ريم جوا و جابوا لي حلويات كتيرة ودلال قالت لي أتى لي م جيتي انا سلته حلاوة لي و ليتي أتى ضحكت وقالت ليها انا نمت عشان كدا م جيت قالت لي المرة الداية م تنومي تويس ضحكت وقلت لي تويس كان يوم حافل و حلو شديد يمكن من احلى الايام الغشتها من جيت بيت عمتي قاعدين في الأرض نقسم الحلاوة او على قول اختي رماح الغنائم اخت لي اي واحدة نوع معين بعد خلصت قلت ليهم اي زول يشيل كنزو و يمشي طرف دلال قالت لي انا م بحب حلاوة بن قلت ليها طيب ي ستي اديك حلاوة شنو قالت لي حلاوة بتلة(بقرة) قلت ليها هاك طيب و قعدنا ناكل ريم قالت لي وين سلسل امي ي وريف م شايفاهو في رقبتك لي زمن قلت ليها زي دخلتو سيوتر ابوي م متذكرة قمت فتشت كدا م لقيتو قعدت وبقيت اتذكر آخر مرة انا كنت لابساهو متين اتذكرت يوم انجرحت كنت لابساهو تاني بقيت عيانة و تاني م متذكرة اني شفتو من غير م احس دموعي نزلو وقلت انا ضيعتو لي سلسل امي ريم جات قالت لي م تزعلي أن شاء الله بتلقيه تاني رجعت سرحت بقيت اتذكر لمن امي اتوفت بعد ولدت دلال الممرضة أدت حاجاتها لي ابوي و أبوي جا لبسني ليهو كان السلسل دا هدية منو لي امي و بي حرفو هو اني كانت بتحب السلسل دا كتير وانا ضيعتو قلت اكيد زول لقاهو وباعو ولا يمكن زول م لقاهو قلت أسى القا وين وفضلت كدا لمن نمت..........
=ي امي انا من الصباح شايفك بتعاين لي كدا مالك في شنو
=فادي انت عندك حبيبة
فادي فتح عيونو وقال ليها
=انا ي يمة معقول
=ليه م معقول اكيد في بت كدا ولا كدا عاجباك
=والله ي امي لا عندي حبيبة لا غيرو ولو عندي بحي يوريكم و نمشي ليها م أدس منكم و الخلاكي تقول كدا شنو
=لا بس ساي مجرد احساس
=طيب انا ماشي انوم و انتي امشي ارتاحي
جا باسها في رأسها و مشى غرفتو
قالت في نفسها اصلو الولد ي بدرية م بوريك كتوم من يوم يومو الا انا افتش وراهو براي وقامت دخلت
فادي دخل غرفتو فتح الدرج دخل المفاتيح و التلفون شاف السلسل رفعو و اتذكر اليوم داك وقال بت غريبة كل م ألقاها ألقاها تبكي وكل م احاول ارجع ليها السلسل تختفي يجي يوم و ارجع و ليها ختا في المخدة ودخل اتحمم جا راجع صلا و رقد رفعو ختا في الدرج ورقد شما ريحت المخدة كانت حلوة قال الله من وين الريحة دي شال السلسل شماهو قال ي سلام ريحتو حلوة و تشرح القلب رجعو الدرج وقال سيب الهبل دا ي فادي بكرا وراك شغل و رقد نام.....
عدو اسبوع العيد وكان حلو و ارتحت فيهو حبة من شغل البيت الحمدلله في الأيام دي إيهاب سافر عندو أهل وين م بعرف امو قالت يمشي يسلم عليهم و كدا ارتحت منو حبة و بكرا نازلة شغل ح يكون اكتر لانو عرس رفيدة خلاص جا و بعد عرس رفيدة ح اشوف موضوع المحل حقي والشغل حقي........
