لينة قالت لي م تشتري تلفون قلت ليها تلفون اعمل بيهو شنو قالت لي بتستفيدي منو كتير و احتمال منو تلقى شغل قلت ليها لو عمتي لقتو بتقطع رقبتي قالت لي دسي منها بس والله بينفعوك أمس دي م تشغلي بيها قلت ليها نشوف لكن القروش قدر شنو قالت لي والله قروشك دي كتيرة بقت احسن تشوفي حاجة تستثمريها فوقها لانو انا بعد دا م بقدر ادسها اكتر من كدا قلت ليها طيب و التلفون بي كم قالت لي عندي صحبتي عندو محل تلفونات اشوف ليك تلفون سعرو كويس قلت ليها طيب اتصرفي و القروش عندك ابتسمت وقالت لي جيبي الرقم الوطني حقك عشان اطلع ليك شريحة اديتو ليها ابتسمت و طلعت م بعرف لكن لينة دي مختلفة عنهم تاني رجعت قالت لي بالمناسبة قلت ليها اها قالت لي ابوي و اخوي راجعين بعد اسبوع يقضو الرمضان هنا و احتمال شغلهم زاتو ينقلو هنا لانو هناك م ماشي هزيت راسي بقيت افكر لانو دي مشكلة تانية م ح مقدر ناخد راحتنا في البيت زي زمان مضى اليوم على كدا و تاني يوم بعد جيت من الشغل لينة جات براحة دخلت وقفات الباب قالت لي هاك جبتو ليك و دخلت الشريحة كمان و سجلت رقمي حضنتها وقلت ليها شكرا جات قعدت توريني يشتغلو بيك و نزلت لي تطبيقات و حاجات كتيرة و عملت لي صفحة قالت لي بعدين يجيك عشان أسى امي م تشك و طوالي طلعت أود م فتحت صفحتي لاقتني صفحة حقت موبيليا وانا اصلا بحب الحاجات دي و خصوصاً المتعلقة بالديكور فضلت اتصفح و اتصفح و الديكورات و التنظيم عجبني حسيت بي حركة في الباب دخلت التلفون تحت الفرشة و مشيت فتحت ديل ناس ريم رجعو خشو بدلو صلو و اكلو و رقدو يرتاحو العصر إذن صليت صحيتم صلو و مشيت الشغل كنت مبسوطة شديد بالتلفون جيت لقيت ناس مدام سليمة بدو تجهيز للرمضان و عواسة الحلو مر و الرقاق كانت أسبوع حافل بتجهيزات رمضان و مرت الايام بي لمح البصر و جا يوم راحل عمتي و ولدها ينزلو السودان هو اصلا غربتهم دي م نافعاهم كلام طلعنا برا ساي عمتي دي من الصباح قايمة و قاعدة شي حنة و شي دخان و البيت دا قومتنا من خمسة صباحا قعد ننضف و عاملة كيك و حلويات غيتو زي الساعة وحدة كدا هم بيوصلو اصلا الطيارة تصل بدري و المسافة لغايت يصلو هي البتاخرهم مشيت الشغل و رجعت لقيتهم م وصلو دخلت الاوضة صليت و قريت قرآن سمعت أصوات الزغاريد و السلام عرفت انهم جوا أتلفت في توب حق امي و فتحت فتحة صغيرونة في الباب و ريل و يم تحتي بيعاينو و رماح و دلال نايمين راجل عمتي اسمو آدم راجل تخين كدا عندو صلعة نص و الشعر اللي بالاطراف شايب و طويل م شفت ولدو طوالي قفلت الباب وقلت لي ريم و ريل تأتي اوعكم تطلعو بي هدوم البيت بي عباية و طرحة بس فاهمين و رماح زاتها لبسوها تمام عزو رأسهم قلت ليهم امشو نومو أسى مشو رقدو طلعت التلفون و اصلا غير الديكور و الزينة حاجة بتشدني ليهو م في اتعرفت على وحدة من مصر بتقرا هندسة ديكور دخلتني في قروبات حقت الديكورات دي منو اتعلمت حاجات كتيرة بعد شوية سمعت عمتي بتانديني اخدت نفس و لبست عبايتي و لفيت طرحتي و مشيت عمتي من شافتني قالت لي سلمي على ولد عمتك قلت ليهم السلام عليكم من بعيد عمتي قالت لي دا شنو م تسلمي زي الناس قلت ليها م بصافح انا حمرت اي وقالت لي امشي جيبي ليهم عصير بتر ختيتو و مشيت و عمتي غلبها الكلام م فتحت خشمي دخلت جوا و انا اصلا م ارتحت ليهم الاتنين قلت الحمدلله بس جانا رمضان و نحن م بين الفرح و البهجة كنت بنضف البيت العصر عشان ناس عمي بكونو مافيشين و المغرب بغسل العدة جو المطبخ و انا بطلع اللمبة لمن اغسل عشان ولد عمتي دا عندو حركات كدا بقيت امشي لي ناس عمي فتحي مرة في اليوم لخدي م وصلنا العشرة الأواخر من رمضان و كان عمتي عندها مشية للسوق تجيب حاجات للبيت ساقتني معاها مع سجود و لينة و لبنة خفت اخلي اخواتي في البيت لانو ايهاب(ولد عمتي) عندو حركات كدا و م بضمن اخواتي معاهو وديتهم بيت مدام سليمة و اصلا هي م بتعارض طالما فضلو بعيد من اثاث البيت عمتي قالت لي وديتيهم ليه م هدا إيهاب قاعد قلت ليها هناك اريح ليهم م اتكلمت معاي مشينا السوق ملف من محل لي محل عمتي كايسة توب معين بعد تعب حتن لقيناهَ جينا نشتري الديكور طبعا المحل كبير في أثاث و في ملايات ستاير كل مستلزمات البيت بس لفتتني حاجة واحدة هناك كان في محل مكتوب عليه للبيع و خاتين السعر 85 الف طوالي كسرت عليهن م بعرف في حاجة في جواي كانت بتقول لي دا الفرج من عمتك ي وريف طوالي وقفت ورا القزاز بعاين كان في تلاتة غرف مقفولة و الصالة وسيعة قلبي كان بقول لي دا ح يحل ليك مشاكلك كلها ي وريف تصدقون للحظة ديك م فكرت في اي حاجة غير انو اشتري المحل داك في سرحتي ديك عمتي قالت لي ي بت بتعملي شنو تعالى جريت ليها وانا بالي في المحل داك........
