دخلنا المحل وانا سارحة شايفك عمتي بتختار في الستار قلت ليها عمتي الستار دا عندك لون قريب منو حمرت لي قلت في نفسي اسكتي ي وريف عمتك م مضمونة تقول ليك حاجة تعكر مزاجك مشيت قلت لي لينة قول ليها تختار اللون الفلاني قالت لي كويس لبنة جات قالت لينا بتقول في شنو لينة قالت ليها بقول ليها شيلي الكيس دا مني يدي وجعتني لبنة قالت ليها ايوا و رجعت تقلب في الملايات خلصنا و طبعا اخترت الألوان انا على كيفي طبعا رجعنا مشيت جبت اخواتي و جيت اشتريت ليهم ملابس بالدس و خليت لينة تدسهم لي مرو يومين و انا بالي في المحل و قلت بس ي وريف ح تشتري ودا آخر كلام طلعت تلفوني ر اتصلت على لينة وقلت ليها لينة انا عايزة اشتري محل كدا عجبني في السوق ضحكت وقالت لي م جادة قلت ليها جادة والله قالت لي و ح تعملي بيهو شنو قلت ليها اول اضمن المحل وبعدين افكر قالت لي طيب و السعر كيف قلت ليها القروش المعاك كم قالت لي بعد اشتريت الملابس فضلت 143 الف قلت ليها المحل بي تمانين الف قالت لي طيب انت عمرك بيسمح ليك تمتلكي عقار قلت ليها و العمر المحدد كم قالت لي 18 ضحكت وقلت ليها انا دخلت ال18 زمااان قالت لي طيب أوراقك جهزيها قلت ليها نمشي متين قالت لي بكرا انا فاضية و بسوقك معاي من بيت عم فتحي انتي خليك جاهزة قلت ليها طيب جهزت حاجاتي بدرري و الحماس شايفاني حتى م قدرت انوم صليت الصبح حاضر و طلعت مشيت الشغل بدرري بعد شربتهم الشاي لي اخواتي و حذرتهم يطلعو قدام إيهاب نضفت بيت عم فتحي في نص ساعه بس و بقيت مستنية متين لينة تتصل على مدام سليمة مستغربة تعاين لي وانا بعاين ليها وبقول في نفسي ح اتخلص من نظرتك دي قريب ي مدام سليمة قريب شديد اول م تلفوني رنة م رديت زاتو شلت شنطتي و طلعت الشارع و م شلت الراتب حتن رديت عليها قلت ليها انتي وين ضحكت وقالت لي مالك مستعجلة انا هدى شايفاك واقفة قلت ليها انا م شايفاك قالت لي قبلي وراك أتلفت لقيتها جاية قلت ليها سرعة سرعة ارح وهي تضحك قالت لي ي بت م تكوني نسيتي حاجة قلت ليها حتى القلم الح أوقع بيهو جبتو ضحكت وقالت لي ي بت الشفقة تطير قلت ليها ليها ديم شفقة دا حماس وقفنا زي نص ساعة كدا حتن جات مواصلات و وقفنا شماعة و اتحركنا على السوق.... أي دي ياها زاتها البت بتاعت سلسل الفضة لازم الخقها و تديها ليهو و ركب العربية و مشا ورا الحافلة..... نحن من وصلنا سرعة نزلت و مشينا اتجاه المحل و لسنة دي تقول لي ي بت هدى المحل م ح يطير قلت ليها لا ح يطير وصلنا و الحمدلله م اتباع سألنا من صاحب المحل وصفو لينا محلو مشينا لقينا و بدينا مفاوضات في السعر اول لم شافنا قايلنا بنهظر لانو نحن صغار و كدا لكن لم شافنا جادين بقا جادي و بدينا إجراءات البيع و الاجراءات القانونية و الجرجرة دي و الزمن سرقنا........ بيقول اول م الحافلة وقفت جيت لقيتهم نزلو فتشت عليهم م لقيتهم في زحمة السوق ضاعو مني رجعت وقلت استناهم اكيد ح يرجعو وفضلت هناك لمن العصر إذن و قنعت و لفيت رجعت... ياخ لمن قال لي ألف مبروك عليك المحل قربت ارقص من الفرح كدا حسيت اني أنجزت في حياتي و كدا مستقبل اخواتي بقا شبه مضمون شايفة صك الملكية في يدي حاجة تانية خالص زي كانو قالو لي انتي بعد دا بديتي في الطريق الصح الح يوديك لي راحة البال الاتي يتفتشي عليها.......
