مشيت اتجاه الباب وسمعت إيهاب بقول لا والله القروش م امنتها تاني سكت مسافة شكلو بيتكلم بالتلفون تاني قال ياخ انا قروشك دي ح اديك ليها قدر شنو هي انا حاليا عاطل و مفلس انت اديني حبة و نتفاهم في السعر سكت مسافة تاني بقا يجوط و يقول ياخ بديك حصل م اديتك.... أسى انا م عندي ظروف..... انت اديني و الباقي نتفاهم فيهو طيب.. وقفل الخط انا رجعت و في راسي الف استفهام لكن كلو يتحلا أن شاء الله رقدت نمت و م اهتميت بي موضوع إيهاب دا بعد شهر إيهاب بقا كويس و م بعرف قال لي ابوه شنو سافر الخرطوم و ارتحت منو مرت الايام و الشهور وانا لميت مبلغ كافي افتح بيهو المحل بتاعي لمن جا جا يوم واحد من شهر أكتوبر كان دا اليوم الحددتو عشان افتح محلي كان الفترة ديك ناس ذفعتي مشو السمستر تاني من تخصصاتهم انا كنت زعلانة لي درجة لانو انا م بقرا زيهم وكنا بنحدد ياتو جامعة عايزين ندخل لكن الظروف غدارة ناس رسل كانو في المدرسة اليوم داك نضفت بدررري و طلعنا انا و لينة والله لسنة دي مهمة عملت م بجازيها وقفة معاي وقفة رجال و خلت محاضراته عشاني مشينا المحل و طلعنا عباياتنا عشآن ح ننضف كان مليان تراب و العنكبوت معشعشة فيهو نضفنا غرفة غرفة أثناء م كنا بنضف جا إياد صاحب محل الموبسليا تتذكرو جا سلم علينا قلت ليهو
=والله ي إياد كان عزمناك تقعد لكن انت شايف المحل عامل كيف
ابتسم وقال لي
=ولا يهمك شكلك ح تفتحي قريب
=اي والله و أسى جاية اشتري اثاثاتي من عندك
=حبابكم الف بس نوع المحل شنو
=لا دي خليها مفاجأة
=طيب استأذن انا م اعطلكم
=طيب
طلع و وصلنا نضافة يمكن زي ساعة ونص كدا و نحن بنضف لانو المحل وسهان شديد قلت لي لينة ناخد استراحة لانو انا فترتة قالت لي و م راجعة ناس عم فتحي العصر قلت ليها لا وريت مدام سليمة اني م ح اقدر تجي الليلة العصر قالت لي وهي خلتك بالساهل كدا قلت ليها و ليه م تخليني ضحكت وقالت لي سكت اها ح نعمل شنو تاني قلت ليها ندهن الغرف قالت لي حي فترتة قلت ليها تعالى نجيب حاجة ناكلها و نشتري الدهانات و نرجع مشينا اشترينا فطور و اشترينا الدهانات طبعا اتساومنا مع بتاع المحل وقلت ليهو اي حاجة ح احتاجها ح اشتريها منك وانا احتياجاتي كتيرة فكر كداا تاني قال تمام قلت ليهو أن شاء الله م ح تندم رجعنا و فطرنا و بدينا دهانات الغرفة ألفي النص قررت اعملها مكتب دهنتها باللون الرمادي الداكن مع شوية دواير بيضا عملتها بي غطى جردل البوماستيك فكرة حلوة جربوها وطبعا كأول مرة دهان في شوية اخطاء لكن إياد ساعدنا فيها انا اتعلمت شوية عن الدهانات دي من القروبات الكنت خاشة فيها دي كانت غرفة المكتب الغرفة الجنبها دهنتها بالازرق الفاتح مع خطوت بيضا اما الغرفة الأخيرة دهنتها كلها بالبيجي و صالة المحل دهنتها رمادي فاتح لمن خلصت كانت الساعة قربت لي خمسة المسا قلت لي لينة بعد دا الا بكرا نستني المحل يجف قالت لي وهو منو الكان ح يقعد معاك قوني ارح اتشطفنا وطلعنا رجعنا البيت كنا فترانين فتر لا حول ولا قوة الا بالله العلي العظيم نمت نوم اليوم داك تاني يوم كمان نضفت بدري و طلعت على المحل جيت لقيت ولد يمكن في عمر ناس ريل متكرفس جنب الباب و هدومو مقطعة وقعد يرجف من البرد و ضعيف لمن عضامو باينة ياخ جات رجفة في جسمي انو يمكن انا اكون في محلو قلت ليهو قوم قوم الحتة باردة كانت ديك أواخر الخريف قلت قوم ادخل جوا الحتة برد اول خاف مني عاينت ليهو تاني لقيت جسمو فيهو آثار خبت حق خرطوش ياخ يدي بقت ترجف لانو م شفتو كمية الخوف الشفتها جوا عيونو قال لي والله م قاصد انوم هنا بس م لقيت محل غير هنا قلت ليهو م تخاف انا م ح اعمل ليك حاجة انت خش جو عشان الجو بارد شديد كان الوقت زي تمنية صباحا والناس بدت تجي تشوف شغلها قلت لي خش كدي فتحت المحل وكان الدهان شبه نشف و المحل دافي قلت ليهو ادخل دخل مشيت جبت فطور و كباية شاي و بسكويت والله عيونو رقرو لمن شاف الاكل قعدت جنبو في الأرض و اديتو ياكل اكل زي كانو ليهو ايام م اكل بعد خلص عاين لي بي ابتسامة عمري م بنساها كانو بقول لي عمري م بوفي جميلك دا قلت ليهو انت ليه قاعد هنا نزل راسو وقال لي انا م عندي لا ام لا اب نزلت راسي وقلت ليهو حتى انا الله يرحمهم قال لي لا انا من قمت م شفت لا امي لا ابوي عاينت ليهو بي استغراب قال لي انا ولد شوارع صدمة دخلت فيني انا احمد الله الف مرة في اليوم لانو انا عايشة احسن من ناس قال لي في راجل برسلنا نشحد و كان م جبنا قروش م نرجع ابدا للبيت قلت ليهو وانت مجبور م تشوف شغل قال لي و منو القال ليك انا م حاولت ناس المحلات بيقرفو مننا حتى لو كانو طيبين بيدونا قروش لكن م بشغلونا مرة اشتغلت مع ناس النضافة حقت السوق ديل قامت لي حساسية م بعرف من شنو سنة حتن زحت م قدرت اشتغل تاني اشتغلت غسيل عربات وياهو الحال في حالو كل القروش بنوديها لي مدير البيت قلت ليهو طيب م تشتغل معاي والله م فكرت في كلامي ذا بس طلع من غير م احس قلت ليهو كدا قال لي جد قلت ليهو وجد الجد كمان ابتسم و عيونو رقرو قال لي والله عمري كل م ح انسى ليك جميلك دا قلت ليهو ولو نحن اخوان تاني عاين لي قال لي جد ضحكت وقلت ليهو وجد الجد قال لي انا م عندي اخوان قلت ليهو و انا مشيت وين اكتفي بي انو يبتسم ابتسمت وقلت في نفسي يعني أسى في ناس ظروفها كدا حسبي الله ونعم الوكيل قلت ليهو صحي انت اسمك منو قال لي ناس البيت بقولو لي فروة ضحكت وقلت ليهو لي شنو قال لي م عارف قلت ليهو طيب انت بنادي نفسك بي شنو قال لي براء قلت ليهو حلو طيب ي بيبو قال لي بيبو دا شنو قلت ليهو دلع لي اسمك ضحك وقال لي اها ي... قلت ليهو وريف قال لي اها ي اختي قلت ليهو أسى اختي لينة جاية عشان ح نفتح المحل ذا قريب عايزين نمسح الأرضية و نجيب الأثاث ح تساعدنا قال لي حاضر احساس اني دخلت الفرحة على قلب انسان دي حاجة عندي بالدنيا لينة جات و ابدا م حسيت براء انو زول غريب بالعكس عاملتو دي كأنها بتعرفو من سنين و براء كان اكتر انسان مبسوط بالحاجة دي مسحها الأرضيات و مشينا على محل إياد عشان نشتري الأثاث كنت خايفة لانو الأسعار غالية جدا و انا لازماني لثاثات عشان دا من أساسيات شغلي اشتريت طاولة قزاز للمكتب صح غالية لكن كلو عشان الشغل القروش بتمشي و تجي اشتريت مقاعد جلدية سودا للمكتب الغرفة التانية عملت فيها رفوف و طاولة و تلاتة كراسي و سجادة سودا مع اللون الأزرق كان خرافية و الأخيرة دي عملتها مكتب محاسبة طاولة خشب و مقاعد كبدية جلدية اما برا عملت كنبة انتريه طويلة باللون الأسود و شوية أشجار زينة مع ستاير وردية عشان تعكس اللون وكانت الصالة مستطيلة الكنبة الطويلة كانت مع المدخل معاها كرسيين سوء وطاولة قزاز تحتها سجادة وردية و فوقها جك و كبابي و مزهرية و عملت نجفة قزازية فوق طبعا كلكم عايزين تعرفو انا فتحت المحل دا تبع شنو انا قروشي كلها انتهت اللميتها خلال الشهور دي كلها انتهت في الفرش و عشان اشترينا عفش كتير عملو لينا خصم آخر شي جبت من القروش شوية ملابس لي براء و اكل و جهزت اللوحة تبع المحل براء ح بنوم في المحل لمن شفت المحل بعد الفرش والله م مصدقة دا محلي انا جبت اللوحة و ركبتها و ركبت الاضاء و بس كدا محلي انتهى محل وريف الح تبدي فيهو شغل من بكرا كنا انا و لينة وبراء واقفين نعاين للمحل من برا إياد كمان جا وقف يعاين معانا قلت ليها لينة فاضل ليك كم سنة و تتخرجي قالت لي اتنين قلت ليها بس ح تشتغلي معاي من يوم الليلة عاينت لي وقالت ح اشتغل شنو قلت ليها مش انتي بتقوى محاسبة قالت لي اي قلت ليها بس ح تشتغلي معاي في المحاسبة ضحكت وقالت انا اكتر زول محظوظ قبل م اتخرج لقيت شغل ضحكت إياد قال لي من محلك دا شكلنا ح نبقى شركاء قلت ليهو اكيد بس الشغل يجي عاينت لي براء قلت ليهو انت ح تفضل جوا المحل اعتبرو بيتك ابتسم وقال لي حاضر ي اختي ابتسمت وقريت عنوان محلي دليدة لل............. يتبع
❤️🖤❤️🖤❤️
