أكتوبر جا و وريف كانت خلاص اتمكنت في شغلها و الشغل استقر عمت وريف لاحظت انو وريف صحتها اتصلحت و شحوب التعب و الشغل شبه اختفى منها بقت ترجع وريف القديمة قالت في نفسها انا البت دي لازم اشوفها بتمشي وين الليلة إلا ألحقها اشوفها بتمشي وين وريف كالعادة طلعت لابسة عباية الشغل الكانت بتمشي بيها بيت مدام سليمة وريف كان عندها فهم معين في رأسها و ناوية تعملو مشت الشغل و هناك كانو ملابسها لبست فستان بالرمادي و بندانة رمادية و طرحة سودا و لبست فريم بالوردي و عملت كحل وقلوس كانت قاعدة بتجهز في ديكور لي بيت بلدي و مندمجة في الشغل....
ي ود ي فادي
=نعم يمة
=امشي شوف لينا مصمم ديكور عشان بيت وليد ولا نسيت
=اخخ وآلله كنت ملخوم و نسيت
=يلا م قصة امشي سرعة عشان دي مفاجأة عشانو
=حاضر اديني رقم المصمم
=لا انا م عندي الرقم امشي السوق في محل اسمو دليدة للديكور دا محل ديكورو حلو عملو لي ولد خالتك سعدية ألفي الشارع دا كان رهيب
=حاضر ي يمة انا بعد دا امشي عشان الحق سلام عليكم
=يحضر ليك الخير الله يسلمك ي ولدي
بيحكي و بقول كنت سايق ماشي اشوف مصمم ديكور عشان ولد عمي وليد ح يتزوج و حابين نعمل ليهو ديكور البيت مفاجأة امي وصفت لي المحل و اول م وصلت وسألت دلوني عليهم شكلهم مشهورين مشيت و من اسم المحل وشكلو بتاع بنات لانو الألوان كلها بناتي شي وردي و شي ازرق اول م فتحت الباب اول المحل داغي و ألوانو مريحة لقيت ولد يمكن عمر 15 سنة كدا ملامحو حلوة كدا عندو شعر حلو اول م شافني ابتسم لي ابتسامة ترد الروح سلمت عليهآ رد لي السلام و قال لي اتفضل اقعد قعدت ضيفني موية قال لي اتفضل قمت دخلت المكتب اول م فتحت الباب لقيت بت قاعدة طوالي نزلت عيوني دخل و دخلت وراه قلت سلام ردت لي و قالت لي اتفضل ختيت المفاتيح حقتي و قعدت كنت بعاين في الطربيزة و شفتها نزلت الفريم ختتو جنبها طوالي دخلت في الموضوع سألتني كم سؤال عن البيت وشكلو قالت لي اتفضل قسم المحاسبة اتفاهم معاهم على التكاليف اتفاهمنا قمت شكرتها طلعت مشيت المحاسبة اتحاسبت عندهم اسلوب راقي في التعامل و مل محل عجبتني ألوانو و تفاصيلو كنت طالع اتذكرت اني م شلت المفاتيح رجعت تاني عايز ادخل الولد داك قال لي لحظة ي استاذ و جا دخل معاي استغربت منو م بخليها تقعد مع زول براها قلت ليهو لا بس نسيت مفاتيحي لمن جيت شلتهم فجأة قالت لي استنى بي صرخة كدا لمن اتهجمت قلت ليها في شنو جات زي الخيال خطفت المفاتيح من يدي وانا مستغرب قلت ليها في شنو قالت لي المسلسل دا جايبو من وين و بقت تحاول تتطلعو خطفت منها المفتاح عاينت لي و عيونها مطيرة قالت لي اديني ليهو وبقت تبكي ودموعها جو جاريين قلت ليها عايزة بيهو شنو قالت لي وهي بتشهق دا دا حق امي م بعرف قلت ليها م بديك ليهو لي شنو قالت لي لا عليك الله والله ليهو زمن راح مني و م لاقية قلت ليها و بعرف دا حقك كيف قالت لي فيهو كلمة أكتوبر بي ورا انصدمت وقلبتو فعلا الكلمة مكتوبة فيهو قلت ليها انتي هي سكتت وقالت لي منو هي قلت ليها في بت يمكن من سنة و حاجة لاقتني راقدة في الشارع و كانت مجروحة و بعد مشت لقيت دا و حاولت كم مرة ارجعو ليها بس م بتديني فرصة اتكلم معاها هنا ي دوب وريف رفعت عيونها و عاينت ليهو فعلا دا هو الراجل اللاقاها يوم كانت شايلة دلال و قاعدة تحت الشجرة و يوم مدام سليمة ضربتها طوالي قالت ليهو اي دا انا و كمان قلت لي انتي حياتك كلها بكى فعلا انا قلت كدا طلعت السلسل و اديتو ليها م تصدقون الفرحة الشفتها في وشها قلت ليها كل مرة القاك بتبكي ابتسمت وقالت لي أن شاء الله تاني م ح تلقاني ببكي أن شاء الله عايز ارد عليها الباب اتفتح وجات مرة داخلة و وراها بت المحاسبة...... يتبع 🌼🌼
