فريحه
السابع
اللهم لك الحمد والشكر كما ينبغي لجلال وجهك وعظيم سلطانك ..
رجع مهاب البيت
فريحه : انا مش عارفه ليه صممت انك ترجع . كان الحرس هناك والدكاتره في أي وقت بيطمنوني عليك
مهاب : مش بحب جو المستشفيات . كمان انتي تعبتي معايا. هنا احسن وباشاره يكون عندي دسته دكاتره
فريحه : عنيد
مهاب : اول مره تعرفي .
وهما بيتكملو جت مكالمه لمهاب وعرف باللي حصل للممرضه .. وصلت السكرتيره ( جني)
معاها بوكيه ورد كبير : الف سلامه عليك يا مهاب بيه . انا والله مكنتش اعرف باللي حصلك . حاولت اتصل بيك كتير موبيلك مقفول . واما جيت الحرس رفض يدخلني أو يعرفوني انت فين. بس متقلقش الشغل ماشي زي ما هو .
فريحه : ايه الخنقه دي . افتح الشباك يدخل هوا. وايه ده. جايبه معاكي فجل وله جرجير
جني : الف سلامه علي نظرك . تقريبا كدا انتي محتاجه نضاره .. ده اسمه ورد . اول مره تشوفيه
فريحه : ايه ده بجد ده ورد . مكنتش اعرف . انت كنت عارف يا مهاب أنها جايبه ورد . انا عن نفسي مخدتش بالي .. وقولت اكيد جايبه فجل شبهها كدا
مهاب ضحك علي غيره فريحه اللي مسكت الورد ورمته من الشباك : اوووبس ده وقع .. خد الشر وراح . اصل مهاب عنده حساسيه وغلط عليه
جني كانت متغاظه من فريحه ..
مهاب : فين الورق والفكسات اللي وصلت.
جني : موجودين يا فندم. انا جهزت كل حاجه عشان حضرتك. وتقدر ترتاح براحتك وانا جنبك اي مساعده. انا موجوده
فريحه : ساعدي وانتي بعيد يا ماما . الراجل لسه خارج من حادثه ..
جني : انا بشوف شغلي. اتفضل يا فندم الورق ده محتاج امضتك
فريحه شدت الورق من أيدها : امضي يا مهاب . خلينا نخلص .
مهاب : هقرا الاول الورق .
فريحه : عندك حق . لازم تراجع الورق . محدش ضامن الغدر هيجي منين . بقولك ايه يا قطه . هو انتي مش ناويه توسعي الجيبه شويه . نفسي اعرف بتلبسيها ازاي.
جني : اما تكبري هقولك.
فريحه : يا بنت الناس الكويسين
مهاب : طيب ارجعي انتي الشركه وانا هراجع الورق وهخلي الحرس يجبهولك المكتب
جني : حضرتك مش محتاج حاجه . اي طلب . انت تؤمر وانا انفذ
مهاب: المطلوب منك تاجلي اي اجتماع أو ميعاد ولو في اي جديد بلغيني
أنت تقرأ
أحببت بطل خيالي ( مكتمله)
Mystery / Thrillerوما انت إلا روايه جميله النهاية لم تكن تلك الحلقة التي تم تصويرها داخل عقلك ، إنما هي الحلقه التي أخفاها عنك القدر وعجز عقلك تصورها ،حينها تكن النهاية!
