فريحه
١٦
مراد سلم السيناريو كامل للمونتاج واتفق معاهم أنه يجيب فريحه عشان يمضو العقد
مراد خد فريحه لاشهر محل ملابس
فريحه : احنا هنا بنعمل ايه ، مش ده محل ملابس حريمي
مراد : عرفتيها لوحدك .. ما شاء الله علي الذكاء تتحسدي
فريحه : انت بتتريق عليا . قولي احنا هنا ليه
مراد : اختاري فستان سواريه .
فريحه : لمين بقي . اوعي يكون لست روزي بتاعتك . انا اصلا مالي . ما تجيبها هي تختار الفستان .. اختارلها ليه . هي انشلت
مراد : افصلي شويه . انتي بلعه راديو . الفستان ليكي . عشان هتحضري حفله توقيع أول فيلم ليكي ولازم اليوم ده تكوني مميزه .
فريحه : فهمت .. بس انا عندي هدوم كتير. هلبس حاجه من عندي .
مراد قرب منها وهو بيتكلم بهدوء : الفستان هديه مني. اختاري اللي يعجبك يا فريحه
حطت ايدها علي قلبها عشان يهدا شويه من قوه ضرباته
مراد : هتختاري حاجه وله اختارلك انا .
فريحه : اختارلي انت .. بحب ذوقك .. دائما الحاجات اللي كنت بتجبهالي كانت بتعجبني
مراد اتعصب : انتي دلوقتي بتكلميني علي اساس اني مهاب ..مش كدا . انا مش هو . اسمي مراد
سبها وخرج وهي جريت ورا : مراد .. مراد اقف . مش قصدي حاجه .. اسمعني
مراد : ابعدي عن وشي دلوقتي يا فريحه . عشان أنا مش طايق نفسي
ركب العربيه وسبها ومشي وهي قعدت تعيط علي الرصيف .. استغبي نفسه ولف بالعربيه عشان يقف قدمها : اركبي .. ومش عايز اسمع صوتك . عشان بجد مش طايقك
فريحه مسحت دموعها وركبت العربيه جنبه
وصلو البيت وكل واحد فيهم دخل اوضته
شويه وفريحه قررت تدخل لمراد عشان تبرر سر التفاهم اللي حصل
مراد : عايزه ايه يا فريحه انا مش قولتلك ابعدي عني دلوقتي . متحاوليش اما اكون مضايق تقربي مني
فريحه : بس انا مش هينفع اسيبك وانت مضايق . اسمعني . انت ومهاب واحد . انا قبل ما اقبلك شوفتك في حلمي اللي كان حقيقه بالنسبالي . يعني انت مهاب ، ومهاب انت. كل حاجه عيشتها مع مهاب نفس الاحساس اللي بعيشه معاك .
مراد قلبه رق وحس أن زعله من فريحه تلاشي :بس انا بتعصب من اسم مهاب .
فريحه : حاضر خلاص انا هخلي بالي ومش هتسمع اسم مهاب وله هتكلم عنه . ممكن متزعلش بقي
أنت تقرأ
أحببت بطل خيالي ( مكتمله)
Mystery / Thrillerوما انت إلا روايه جميله النهاية لم تكن تلك الحلقة التي تم تصويرها داخل عقلك ، إنما هي الحلقه التي أخفاها عنك القدر وعجز عقلك تصورها ،حينها تكن النهاية!
