أحببت بطل خيالي ( مكتمله)

فريحه ١٠

فريحه

١٠

فريحه كانت خارجه بس مهاب مسك.ايدها بضعف

وانتبهت أن وشه اصفر وشكله مريض

   فريحه ؛ سيب ايدي . انا همشي وانت معاك باربي خليها تنفعك

مهاب بتعب وبيترجاها بعينه ؛ لا .استني

فريحه : ايدك متلجه ووشك عرقان كدا ليه.  انت شربت ايه وله خدت ايه .. مهاب

بس مهاب بدأ يغمض عينه ولسه ماسك أيدها .  فريحه  حطت ايدها علي نبضه كان ضعيف

السكرتيره: في ايه.  ماله مهاب

فريحه.  : اتصلي بالاسعاف بسرعه .. نبضه ضعيف

جريت جني السكرتيره واتصلت بالاسعاف زي ما قالتلها وهي  مرعوبه علي مهاب . 

اتنقل للمستشفي وفريحه  معاه والسكرتيره

فريحه : هطمن عليه بس وامشي . انا مش ممكن افضل معاه بعد ما طلع خاين

وهي واقفه شافت جني السكرتيره بتتحرك بعيد  وهي بتعيط وبعدها  سمعتها  بتكلم  حد علي الموبيل :   المخدر فيه ايه.  انت كنت عايز تتخلص منه. مش كدا ..   الدكتور معاه من نص ساعه ومحدش طلع يطمنا عليه . اقسم بالله لو مهاب حصله حاجه . انا هنتقم منك

سيف  : بقولك  ايه.  انتي هتوجعي دماغي . تلاقيكي زودتي  الجرعه

فريحه  مش عارفه هي بتكلم مين بس فهمت أن  اللي حصل لمهاب كانت خطه قذره من السكرتيره . هي كانت صح اما وقفت جنبه ومستعجلتش وخدت موقف

جني ؛   حطيت في العصير ٥ نقط بس  اللي هما ينايموه ساعتين

سيف :    انا قولت نقطتين . انتي اللي زودتي يبق الغلط منك.

قفل في وشها . وهي عيطت اكتر  . 

فريحه قربت : كنتي بتكلمي مين

جني : ملكيش دعوه وابعدي عننا بقي .  مهاب ليا انا . مش ليكي .. من وقت ما جيتي وهو كل شويه تحصله مصيبه

فريحه :  قسما بالله لو مهاب حصله حاجه.  انا مش هحلك . انتي فاهمه

جني خافت منها.  : انا مليش دعوه باللي حصله

فريحه. : يفوق بس . واطمن عليه وبعدها هعرف اتصرف معاكي .

خرج الدكتور : الحمد لله انكم لحقتوه . حالته كانت خطر  ..  بس حاليا الوضع الصحي استقر.

فريحه : اقدر اشوفه .  انا مراته وعايزه اطمن عليه

الدكتور :  تقدري.  بس بلاش اجهاد في الكلام

فريحه : شكرا يا دكتور

دخلت فريحه  لمهاب  وجني هربت من المستشفي لأنها عارفه لو مهاب عرف باللي حصل  .هيعمل فيها ايه