فريحه
١٨
فريحه كانت طايره من الفرحه كل ما تفتكر اعتراف مراد ليها .. بتحس بفرشات بتطير حوليها
مراد قرر أنه يكمل حياته مع فريحه ، هي الوحيده اللي دخلت قلبه واللي نفسه يكون اسره معاها
بيخلص التصوير بكل اجتهاد . عايز ينتهي من الفيلم عشان يقدر يسافر معاها .
روزي : مراد . مش هتيجي نسهر مع بعض
مراد : تؤ . مش فاضي خالص . انا يدوب الحق ارجع البيت . هلكان من كتر التصوير ودماغي مصدعه
روزي : اشمعانه الفيلم ده اللي انت مهتم بيه كدا. احنا قبل كدا اشتغلنا مع بعض وانت كنت بتخرج معايا
مراد : عشان أنا اتغيرت . عايز اخلص الفيلم بسرعه.
روزي : وده ليه بقي . آيه الجديد
مراد : الجديد أن انا بقيت بحب مراتي .. انا عمري ما توقعت أن انا احب بالشكل ده. بس فريحه غيرتني
روزي : فريحه . مراتك . مستحيل
مراد : ايه المستحيل ، مش من حقي احب واتحب . فريحه مراتي من وقت اما كنت في مصر . كاتب كتابها و قريب باذن الله هتكون ام اولادي كمان. انا بس اخلص الفيلم وهعلن جوازي منها
روزي مصدومه من كلام مراد ، كتير لمحت بحبها ليه بس هو سابها عشان يحب فريحه. اللي في نظرها أقل منها بكتير
مراد مشي وسبها. وهي اتصلت بحسن عشان يتقابلو
كان حسن مع فريحه في السوبر ماركت وكنسل عليها
حسن : انتي عامله حفله انهارده مش عشا عادي
فريحه : عايزه اغير الجو . فكرت اعمل حاجه جديده علي العشاء . قولي الشموع دي احلي وله دي
حسن : دي احلي .. بس هو انتي ليه تعملي عشا رومانسي لمراد. في بينكم حاجه
فريحه ابتسمت بحب بس برضو مش عايزه تقوله غير اما مراد هو اللي يتكلم الاول
حسن : فريحه. انا بكلمك
فريحه : طيب رد علي الموبيل الاول
حسن بص في الموبيل ونفخ فتح وهو بيرد علي روزي. : نعم
روزي : تعال حالا في مصيبه انا عرفتها ولازم نتصرف
حسن بص لفريحه اللي بتشوف باقي الحاجه اللي محتاجها وبعد عنها : مصيبه ايه. قوليلي
روزي : مراد متجوز فريحه.
حسن : ايه التخاريف دي . هما مجرد اقريب
روزي : هو بنفسه اللي قالي . انت وعدتني تبعد فريحه عنه. ومنفذتش وعدك ليه
حسن : نص ساعه وهكون عندك . سلام
قفل الموبيل وهو بيراقب فريحه . خلصت ووصلها البيت
أنت تقرأ
أحببت بطل خيالي ( مكتمله)
Mystery / Thrillerوما انت إلا روايه جميله النهاية لم تكن تلك الحلقة التي تم تصويرها داخل عقلك ، إنما هي الحلقه التي أخفاها عنك القدر وعجز عقلك تصورها ،حينها تكن النهاية!
