فريحه
١٩
فتحت فريحه الباب واول ما شافت روزي كشرت
روزي :انتي لسه قاعده هنا. فين مراد
سمع صوتها وقف بسرعه : عايزه ايه . انا مش قولتك متقربيش من بيتي
روزي عيطت .
فريحه : في ايه يامراد . شوفها جايه ليه . مع اني مش بطيقها بس هي ضيفه في بيتنا. وله انتم متخانقين مع بعض ، عملتلك ايه طيب
مراد عايز يقولها أن كان عندها حق اما قالتله يبعد عنها.
فريحه : تعالي ادخلي .. تشربي ايه
روزي : شكرا. انا كنت جايه اكلم مراد. عشان عندي مشكله ، مش قصدي اضايقه .
فريحه : مشكله ايه خير . اوعي يكون حد بيهددك . اتصلي بالبوليس علي طول . انا سمعت أن في ناس بطارد المشاهير وبيكون مجانين ، مع انك شبهه البرص الجعان . هو انتي مش عندك بادي جارد وله ايه
مراد بص لفريحه بقله حيله مجنونه وفي نفس الوقت طيبه وقلبها ابيض : حبيبتي. خليكي هنا وانا هتكلم معاها في المكتب
فريحه : طيب اعملكم ليمون
مراد : متتعبيش نفسك ، هشوفها عايزه ايه وهتمشي مكان ما جت ، اتفضلي
في المكتب
روزي : انا اسفه ان جيت . بس انت وحشتني اوي. ومش عارفه اطمن عليك وكمان من وقت اللي حصل . حتي التصوير مش بتروح.
مراد : افهمي اللي هقوله كويس . اللي حصل كان غلطه مني ومنك . واظن ان دي مش اول مره يحصل الموضوع ده . كلنا عارفين انتي داخله الوسط الفني ده ازاي . اللي حصل هيفضل سر بينا ومحدش هيعرف عنه حاجه .انا بحب فريحه ومش هسمح أن حد يفرق بينا .
روزي : يعني ايه يا مراد . هتسبني . انا بحبك انت ليه قاسي معايا. هو انا عملتلك ايه لكل ده
مراد : انا مش بحبك ، قولتلك انا بحب فريحه . ابعدي عني بقي . انتي عايزه تدمري حياتي ليه . لو فعلا بتحبيني زي ما بتقولي . سبيني اعيش حياتي زي ما احب
روزي خرجت من البيت ومراد قعد مكانه دخلت فريحه وهي مستغربه من حاله مراد
فريحه : حصل ايه يا مراد. هو في حاجه بينك وبينها . تصرفاتك غريبه. لو في حاجه احكيلي وصارحني احسن ما تخبي عني. انا مراتك ولازم تشاركني كل حاجه
مراد : مفيش يا حبيبتي . بس هي عندها مشكله وكانت عايزاني اساعدها ، مشكله هبله ، انا بس اللي مخنوف ونفسيتي تعبانه .
فريحه : بعد الشر عنك من الخنقه يا حبيبي. قوم اتوضا وصلي والضيقه هتروح منك . يمكن تكون محسود وله حاجه
أنت تقرأ
أحببت بطل خيالي ( مكتمله)
Mystery / Thrillerوما انت إلا روايه جميله النهاية لم تكن تلك الحلقة التي تم تصويرها داخل عقلك ، إنما هي الحلقه التي أخفاها عنك القدر وعجز عقلك تصورها ،حينها تكن النهاية!
