فريحه ٢١
حسن : انتي تؤمري يا فريحه مش تطلبي ، شاوري بس وانا احققلك اللي نفسك فيه
فريحه : قبل ما اطلب . عايزه اتاكد من حاجه. هو مراد علي علاقه مع روزي وله هي بتكدب
حسن قبل ما يتكلم كان بيفكر هي دي فرصته مع فريحه ، مع أنه كدا هيبيع عشره عمره مع مراد . بس قلبه ميال ليها وحببها
فريحه. : ياريت تصارحني بالحقيقه عشان كلمتك هي اللي هتفرق وهتحسم الموضوع. مراد علي علاقه مع روزي . هو فعلا خاني معاها . طيب لو هو عمل كدا. ليه عشمني أنه بيحبني كان ممكن يصارحني بالحقيقه وهبعد عنه . مش اول واحد يتخلي عني
حسن : عشان مراد اناني عايز ياخد كله حاجه ليه . الشهره والنجوميه وحب الناس وحبك انتي ، استخسر انك تعيشي في امان. حتي روزي كان ممكن يبعد عنها. بس هو علي علاقه بيها. وهي حامل منه. وكمان مش عايز يقولك عشان متعرفيش أنه خاين. تفتكري لو واحد بيحب مراته هيروح لوحده تانيه ليه. وكمان يخليها تحمل منه .. هو ممثل يا فريحه. يعني سهل يخدعك ويوهمك
فريحه : عندك حق . عشان كدا انا عايزه اروح مكان تاني بعيد عنه. عايزه اعيش واشتغل واربي بنتي بعيد يا حسن . لو تقدر تساعدني هفضل طول عمري شايله جميلك علي راسي. انا معايا فلوس في البنك بتاعت السيناريو اللي بعته اشتريلي شقه بيهم
حسن : من غير ما اشتري شقه يا فريحه. تعالي اقعدي معايا. ارجوكي متفهميش غلط.
فريحه : مش هينفع. مراد ممكن يعرف مكاني انا عايزه مكان بعيد محدش يعرفني فيه وله انا اعرف حد . عايزه اربي بنتي بعيد عنه
حسن : انا هساعدك ومحدش هيعرف اي حاجه عنك
فريحه : انا واثقه فيك يا حسن.
..
حسن عمل اتصالاته وشاف شقه لفريحه في ازمير بعيد عن اسطنبول . ووصلها لهناك
علي قد ما فريحه كانت زعلانه ومرعوبه من الخطوه دي. بس كرامتها وكبريائها كانو مجروحين من مراد .
مراد كان في تصوير وأما رجع من البيت كان بيدور علي فريحه في كل مكان. راح المستشفيات وسأل عليها وبلغ في قسم البوليس
اتصل بحسن بس موبيله كان مقفول : روحتي فين يا فريحه. ليه تبعدي عني. اتخطفتي . اكيد حد خطفها . مش معقول تكون مشيت بمزاجها
عدا يومين ومراد قالب الدنيا علي فريحه.
كان لازم حسن يرجع عشان مراد ميشكش أنها معاه
وصل رساله ورقيه بخط ايد فريحه
: طلقني يا مراد. انا عرفت انك خاين وغشاش ومش عايزه اعيش معاك . انت مش هتشوف وشي تاني. خلي روزي واللي في بطنها تنفعك . طلقني أو هرفع عليك قضيه خلع
أنت تقرأ
أحببت بطل خيالي ( مكتمله)
Mystery / Thrillerوما انت إلا روايه جميله النهاية لم تكن تلك الحلقة التي تم تصويرها داخل عقلك ، إنما هي الحلقه التي أخفاها عنك القدر وعجز عقلك تصورها ،حينها تكن النهاية!
