أحببت بطل خيالي ( مكتمله)

فريحه ٢٥

فريحه ٢٥

التفكير في مراد وكلامه  والبنت الصغيره  مخلاش فريحه تغمض عينيها

    فتحت شنطه  هدوم بنتها الصغيره اللي ملحقتش تلبس منها حاجه وحضنتهم وهي بتشم فيهم وبتعيط

فريحه : يا وجع قلبي عليكي يا بنتي . كان نفسي  تكوني معايا.   كنتي هتعوضيني  عنه .   انا تعبت  ومش قادره اكمل لوحدي  ،   عايشه من غير روح
، بمثل علي الكل  بس انا ميته من جوايا ، كل حاجه حلوه بتروح مني  ، يارب صبرني 

    الصبح طلع وهي لسه قاعده في مكانها سمعت صوت المنبه وقررت تقوم تروح الحضانه شكل الاطفال بيهدي من إحساسها بالألم

اول اما خرجت من بيتها . كان في عربيه غريبه واقفه قدام البيت  حد شدها جوه العربيه  وملحقتش تشوف مين  بعد ما شميت حاجه أغمي عليها

فريحه _  فتحت عيني كنت علي السرير   في اوضه غريبه  ، شكلي اتخطفت من ناس غنيه ، ياريت يكملوا جميلهم ويتخلصو مني ، هكون ارتاحت من العذاب اللي انا فيه

قومت افتح الباب بس  الباب مقفول  ، لفت نظري الشباك  ،  قربت منه  ، المكان بره جميل ، بحر والجو هادئ.   ايه الروقان ده ، اخر معلوماتي عن الخطف أنه بيكون في اماكن مخيفه . مش اوضه فخمه وعلي البحر كمان  لو كدا معنديش مانع اتخطف كل يوم

  اتفتح الباب  وانا بتابع بفضول مين هيدخل

: مراد ، هو انت اللي خطفتني

مراد : انا مش مراد .  انتي اللي جيتي عندي برجلك انا السفير مهاب الوالي

مقدرتش امسك نفسي من الضحك  ، افتكرت الحلم

مراد قرب مني وهو مبتسم : ضحكتك طرب ،  بتدخل ودني بتشجيني

عايزين الحق انا مش بعرف اطمن وله اضحك غير معاه ، رغم اللي عمله فيا وخيانته ليا ،  حبه عامل زي السحر   سحرني ومستولي عليا

مراد ' اسمك ايه

فريحه  حبت اللعبه وبصتله بتحدي.  : مش فاكره اسمي.  اووبا شكلي نسيت أسمي

مراد ' قريت اسمك  مكتوب فريحه  في الجواز ، اصلي   فتشت شنطتك  وخدت الموبيل قفلته

فريحه :  تفكير مجرمين بصحيح ، اقدر اعرف انا مخطوفه ليه ، في سبب معين ، عشان أنا معنديش وقت وعندي التزمات

مراد : اول قاعده عندي متساليش انتي هنا ليه ؟ ثاني قاعده مفيش خروج  من هنا غير باذن مني
،  ثالثا ممنوع تكلمي حد ، رابعا ودي اهم حاجه كلمتي تتسمع  من غير اعتراض
التزامي بقواعد الخطف لو سمحتي
..
فريحه : انت قولتلي اسمك ايه

مراد : مهاب  باشا.  بس هتنازل وممكن تقوليلي مهاب بيه مثلا

فريحه : مثلا..  هي الساعه كام