ពិសទឹកឃ្មុំ

មានទៅមានមក

មិចឆេលសម្លឹងទៅសាលីនណាដែលឈរមើលហេតុការណ៍ទាំហួសចិត្ត ទាំងទឹកមុខកាច មុននឹងគេញោចជាស្នាមកំណាច
"សួរស្រីរបស់អូនទៅ...អូនដឹងហើយថានាងជាប្អូនរបស់ខលថេល ប្រុសដែលមកបោកប្រាស់អូន ហើយអូននៅឲ្យស្រីម្នាក់នេះមកបោកប្រាស់បងទៀតឬ?" មិចឆេលគំហក ហើយក៏ធ្វើឲ្យសាលីនណាគាំងមួយកន្លែង
"ស៊ីងស៊ីងមិនដូចជាំបងប្រុសរបស់គេទេ"
"តែក៏ជាកូនសត្រូវរបស់បង អូនកុំភ្លេចប៉ារបស់ពួកគេកំពុងតែចង់សណ្ដើមកន្លែងបង ទើបយកកូនស្រីរបស់វាមកបញ្ឆោត"
"បងឆេល បងកំពុងតែនិពន្ធរឿងមែនទេ? បងគិតលើស៊ីងស៊ីងអាក្រក់ពេកហើយ រឿងអូសចូលមកចុះកិច្ចសន្យាពរពោះគឺខ្ញុំនិងម៉ាក់ជាអ្នកបង្ខំ"
"គឺអូននិងម៉ាក់កំពុងតែចាញ់ក្រោមល្បិចរបស់ពួកវា ត្រកូលអូហាម៉ាឆ្លាតខ្លាំងប៉ុណ្ណាអូនកុំភ្លេចឲ្យសោះ ហើយដែលបងក្លាយជាបែបនេះ មិនមែនព្រោះតែស្រីម្នាក់នេះទេឬ?"
"បងឆេល...បងដឹង?" សាលីនណាបើកភ្នែកធំៗទាំងភ្ញាក់ផ្អើល ស្របពេលសម្លឹងទៅស៊ីងស៊ីងសើម្បីសួរថា ស៊ីងស៊ីងជាអ្នកប្រាប់មែនទេ តែពេលឃើញនាងតូចក្រវីក្បាលទើបរហ័សងាកមករកបងប្រុស
"វាជារឿងឧបទេវហេតុ"
"វាចៃដន្យពេកដឹង ដែលស្រីម្នាក់នោះរត់មកកាត់ឡានបង ធ្វើឲ្យបងក្លាយជាមនុស្សជិតស្លាប់បែបនេះ ថ្ងៃដែលបងស្លាប់អ្នកដែលគ្រងកៅអីរបស់បងច្បាស់ណាស់ថាជាខូលថេល"
"បងឆេល!"
"លោកឆេល!"
អ្វីដែលឮធ្វើឲ្យសាលីនណាហួសចិត្ត នាងហួសចិត្តដែលបងប្រុសរបស់នាងយករឿអដែលសន្យាគ្នាហើយថាមិននិយាយមកនិយាយនាំឲ្យមានអារម្មណ៍រំជួលចិត្ត ហើយស៊ីងស៊ីងដែលមិនដឹងរឿង ពេលដែលដឹងរឿងក៏ត្រូវចំហរមាត់ធ្លុងទាំងស្មានមិនដល់
(គេជិតស្លាប់??)
ស៊ីងស៊ីងសួរខ្លួនឯងទាំងគ្មានកម្លាំង ព្រមទាំងសម្លឹងទៅមិចឆេល ដែលងាកមកមើលនាងទាំងកែវភ្នែកកាច
"ពេញចិត្តទេ? យកទៅប្រាប់ប៉ារបស់នាងទៅ ថាខ្ញុំជិតស្លាប់ហើយ"
"លោកឆេលហឹក...លោកជឿខ្ញុំបានទេថាខ្ញុំមិនទាក់ទងគេទេ"
"នាងកុហកខ្ញុំរួចហើយ នាងចង់ឲ្យខ្ញុំជឿអីនាង?" មិចឆេលចោលសម្តីគួរឲ្យខ្លាច ស្របពេលគេបែរខ្លួនដើរចេញទៅ ដោយទុកឲ្យស៊ីងស៊ីងអង្គុយហូរទឹកភ្នែក ហើយសាលីនណាក៏រហ័សលួងលោម
"កុំបារម្ភ ចាំខ្ញុំទៅនិយាយជាមួយគាត់ឲ្យ" ក្រោយប្រាប់ហើយ សាលីនណាំក៏បែរខ្លួនដើរចេញទៅរកបងប្រុសរបស់ខ្លួនដើម្បីនិយាយគ្នាឲ្យដឹងខុសត្រូវ តែពេលកំពុងតែដើរតាមផ្លូវអ្នកបម្រើក៏រត់មកប្រាប់
"អ្នកនាងសាលីនណា មានអ្នកមករក"
"..." សាលីនណាឈរស្ងៀមបន្តិច មុននឹងសម្រេចចិត្តថាទៅជួបមនុស្សអថ៌កំបាំងម្នាក់នោះសិន។
សាលីនណាដើរចុះទៅដល់មុខផ្ទះ មុននឹងរកមើលអ្នកដែលមករកនាង តែពេលដែលឈរសម្លឹងឆ្វេងស្ដាំយូរហើយ ក៏រកមិនឃើញអ្នកណាម្នាក់់ទេ ទើបសម្រេចចិត្តបែរខ្លួនដើរទៅចូលផ្ទះវិញ តែក៏ត្រូវមនុស្សអថ៌កំបាំងម្នាក់ចូលមកខ្ទប់មាត់អូសចូលឡាន